Ga 2

Teljes szövegű keresés

Ga 2
Ga 2.1
deinde post annos quattuordecim iterum ascendi Hierosolyma cum Barnaba adsumpto et Tito
Ga 2.2
ascendi autem secundum revelationem et contuli cum illis evangelium quod praedico in gentibus seorsum autem his qui videbantur ne forte in vacuum currerem aut cucurrissem
Ga 2.3
sed neque Titus qui mecum erat cum esset gentilis conpulsus est circumcidi
Ga 2.4
sed propter subintroductos falsos fratres qui subintroierunt explorare libertatem nostram quam habemus in Christo Iesu ut nos in servitutem redigerent
Ga 2.5
quibus neque ad horam cessimus subiectioni ut veritas evangelii permaneat apud vos
Ga 2.6
ab his autem qui videbantur esse aliquid quales aliquando fuerint nihil mea interest Deus personam hominis non accipit mihi enim qui videbantur nihil contulerunt
Ga 2.7
sed e contra cum vidissent quod creditum est mihi evangelium praeputii sicut Petro circumcisionis
Ga 2.8
qui enim operatus est Petro in apostolatum circumcisionis operatus est et mihi inter gentes
Ga 2.9
et cum cognovissent gratiam quae data est mihi Iacobus et Cephas et Iohannes qui videbantur columnae esse dextras dederunt mihi et Barnabae societatis ut nos in gentes ipsi autem in circumcisionem
Ga 2.10
tantum ut pauperum memores essemus quod etiam sollicitus fui hoc ipsum facere
Ga 2.11
cum autem venisset Cephas Antiochiam in faciem ei restiti quia reprehensibilis erat
Ga 2.12
prius enim quam venirent quidam ab Iacobo cum gentibus edebat cum autem venissent subtrahebat et segregabat se timens eos qui ex circumcisione erant
Ga 2.13
et simulationi eius consenserunt ceteri Iudaei ita ut et Barnabas duceretur ab eis in illa simulatione
Ga 2.14
sed cum vidissem quod non recte ambularent ad veritatem evangelii dixi Cephae coram omnibus si tu cum Iudaeus sis gentiliter et non iudaice vivis quomodo gentes cogis iudaizare
Ga 2.15
nos natura Iudaei et non ex gentibus peccatores
Ga 2.16
scientes autem quod non iustificatur homo ex operibus legis nisi per fidem Iesu Christi et nos in Christo Iesu credidimus ut iustificemur ex fide Christi et non ex operibus legis propter quod ex operibus legis non iustificabitur omnis caro
Ga 2.17
quod si quaerentes iustificari in Christo inventi sumus et ipsi peccatores numquid Christus peccati minister est absit
Ga 2.18
si enim quae destruxi haec iterum aedifico praevaricatorem me constituo
Ga 2.19
ego enim per legem legi mortuus sum ut Deo vivam Christo confixus sum cruci
Ga 2.20
vivo autem iam non ego vivit vero in me Christus quod autem nunc vivo in carne in fide vivo Filii Dei qui dilexit me et tradidit se ipsum pro me
Ga 2.21
non abicio gratiam Dei si enim per legem iustitia ergo Christus gratis mortuus est

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages