Ga 3

Teljes szövegű keresés

Ga 3
Ga 3.1
o insensati Galatae quis vos fascinavit ante quorum oculos Iesus Christus proscriptus est crucifixus
Ga 3.2
hoc solum volo a vobis discere ex operibus legis Spiritum accepistis an ex auditu fidei
Ga 3.3
sic stulti estis cum Spiritu coeperitis nunc carne consummamini
Ga 3.4
tanta passi estis sine causa si tamen sine causa
Ga 3.5
qui ergo tribuit vobis Spiritum et operatur virtutes in vobis ex operibus legis an ex auditu fidei
Ga 3.6
sicut Abraham credidit Deo et reputatum est ei ad iustitiam
Ga 3.7
cognoscitis ergo quia qui ex fide sunt hii sunt filii Abrahae
Ga 3.8
providens autem scriptura quia ex fide iustificat gentes Deus praenuntiavit Abrahae quia benedicentur in te omnes gentes
Ga 3.9
igitur qui ex fide sunt benedicentur cum fideli Abraham
Ga 3.10
quicumque enim ex operibus legis sunt sub maledicto sunt scriptum est enim maledictus omnis qui non permanserit in omnibus quae scripta sunt in libro legis ut faciat ea
Ga 3.11
quoniam autem in lege nemo iustificatur apud Deum manifestum est quia iustus ex fide vivit
Ga 3.12
lex autem non est ex fide sed qui fecerit ea vivet in illis
Ga 3.13
Christus nos redemit de maledicto legis factus pro nobis maledictum quia scriptum est maledictus omnis qui pendet in ligno
Ga 3.14
ut in gentibus benedictio Abrahae fieret in Christo Iesu ut pollicitationem Spiritus accipiamus per fidem
Ga 3.15
fratres secundum hominem dico tamen hominis confirmatum testamentum nemo spernit aut superordinat
Ga 3.16
Abrahae dictae sunt promissiones et semini eius non dicit et seminibus quasi in multis sed quasi in uno et semini tuo qui est Christus
Ga 3.17
hoc autem dico testamentum confirmatum a Deo quae post quadringentos et triginta annos facta est lex non irritam facit ad evacuandam promissionem
Ga 3.18
nam si ex lege hereditas iam non ex repromissione Abrahae autem per promissionem donavit Deus
Ga 3.19
quid igitur lex propter transgressiones posita est donec veniret semen cui promiserat ordinata per angelos in manu mediatoris
Ga 3.20
mediator autem unius non est Deus autem unus est
Ga 3.21
lex ergo adversus promissa Dei absit si enim data esset lex quae posset vivificare vere ex lege esset iustitia
Ga 3.22
sed conclusit scriptura omnia sub peccato ut promissio ex fide Iesu Christi daretur credentibus
Ga 3.23
prius autem quam veniret fides sub lege custodiebamur conclusi in eam fidem quae revelanda erat
Ga 3.24
itaque lex pedagogus noster fuit in Christo ut ex fide iustificemur
Ga 3.25
at ubi venit fides iam non sumus sub pedagogo
Ga 3.26
omnes enim filii Dei estis per fidem in Christo Iesu
Ga 3.27
quicumque enim in Christo baptizati estis Christum induistis
Ga 3.28
non est Iudaeus neque Graecus non est servus neque liber non est masculus neque femina omnes enim vos unum estis in Christo Iesu
Ga 3.29
si autem vos Christi ergo Abrahae semen estis secundum promissionem heredes

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages