Ga 5

Teljes szövegű keresés

Ga 5
Ga 5.1
state et nolite iterum iugo servitutis contineri
Ga 5.2
ecce ego Paulus dico vobis quoniam si circumcidamini Christus vobis nihil proderit
Ga 5.3
testificor autem rursum omni homini circumcidenti se quoniam debitor est universae legis faciendae
Ga 5.4
evacuati estis a Christo qui in lege iustificamini a gratia excidistis
Ga 5.5
nos enim spiritu ex fide spem iustitiae expectamus
Ga 5.6
nam in Christo Iesu neque circumcisio aliquid valet neque praeputium sed fides quae per caritatem operatur
Ga 5.7
currebatis bene quis vos inpedivit veritati non oboedire
Ga 5.8
persuasio non est ex eo qui vocat vos
Ga 5.9
modicum fermentum totam massam corrumpit
Ga 5.10
ego confido in vobis in Domino quod nihil aliud sapietis qui autem conturbat vos portabit iudicium quicumque est ille
Ga 5.11
ego autem fratres si circumcisionem adhuc praedico quid adhuc persecutionem patior ergo evacuatum est scandalum crucis
Ga 5.12
utinam et abscidantur qui vos conturbant
Ga 5.13
vos enim in libertatem vocati estis fratres tantum ne libertatem in occasionem detis carnis sed per caritatem servite invicem
Ga 5.14
omnis enim lex in uno sermone impletur diliges proximum tuum sicut te ipsum
Ga 5.15
quod si invicem mordetis et comeditis videte ne ab invicem consumamini
Ga 5.16
dico autem spiritu ambulate et desiderium carnis non perficietis
Ga 5.17
caro enim concupiscit adversus spiritum spiritus autem adversus carnem haec enim invicem adversantur ut non quaecumque vultis illa faciatis
Ga 5.18
quod si spiritu ducimini non estis sub lege
Ga 5.19
manifesta autem sunt opera carnis quae sunt fornicatio inmunditia luxuria
Ga 5.20
idolorum servitus veneficia inimicitiae contentiones aemulationes irae rixae dissensiones sectae
Ga 5.21
invidiae homicidia ebrietates comesationes et his similia quae praedico vobis sicut praedixi quoniam qui talia agunt regnum Dei non consequentur
Ga 5.22
fructus autem Spiritus est caritas gaudium pax longanimitas bonitas benignitas
Ga 5.23
fides modestia continentia adversus huiusmodi non est lex
Ga 5.24
qui autem sunt Christi carnem crucifixerunt cum vitiis et concupiscentiis
Ga 5.25
si vivimus spiritu spiritu et ambulemus
Ga 5.26
non efficiamur inanis gloriae cupidi invicem provocantes invicem invidentes

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages