1Thes 3

Teljes szövegű keresés

1Thes 3
1Thes 3.1
propter quod non sustinentes amplius placuit nobis remanere Athenis solis
1Thes 3.2
et misimus Timotheum fratrem nostrum et ministrum Dei in evangelio Christi ad confirmandos vos et exhortandos pro fide vestra
1Thes 3.3
ut nemo moveatur in tribulationibus istis ipsi enim scitis quod in hoc positi sumus
1Thes 3.4
nam et cum apud vos essemus praedicebamus vobis passuros nos tribulationes sicut et factum est et scitis
1Thes 3.5
propterea et ego amplius non sustinens misi ad cognoscendam fidem vestram ne forte temptaverit vos is qui temptat et inanis fiat labor noster
1Thes 3.6
nunc autem veniente Timotheo ad nos a vobis et adnuntiante nobis fidem et caritatem vestram et quia memoriam nostri habetis bonam semper desiderantes nos videre sicut nos quoque vos
1Thes 3.7
ideo consolati sumus fratres in vobis in omni necessitate et tribulatione nostra per vestram fidem
1Thes 3.8
quoniam nunc vivimus si vos statis in Domino
1Thes 3.9
quam enim gratiarum actionem possumus Deo retribuere pro vobis in omni gaudio quo gaudemus propter vos ante Deum nostrum
1Thes 3.10
nocte et die abundantius orantes ut videamus faciem vestram et conpleamus ea quae desunt fidei vestrae
1Thes 3.11
ipse autem Deus et Pater noster et Dominus Iesus dirigat viam nostram ad vos
1Thes 3.12
vos autem Dominus multiplicet et abundare faciat caritatem in invicem et in omnes quemadmodum et nos in vobis
1Thes 3.13
ad confirmanda corda vestra sine querella in sanctitate ante Deum et Patrem nostrum in adventu Domini nostri Iesu cum omnibus sanctis eius amen

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages