Jac 4

Teljes szövegű keresés

Jac 4
Jac 4.1
unde bella et lites in vobis nonne hinc ex concupiscentiis vestris quae militant in membris vestris
Jac 4.2
concupiscitis et non habetis occiditis et zelatis et non potestis adipisci litigatis et belligeratis non habetis propter quod non postulatis
Jac 4.3
petitis et non accipitis eo quod male petatis ut in concupiscentiis vestris insumatis
Jac 4.4
adulteri nescitis quia amicitia huius mundi inimica est Dei quicumque ergo voluerit amicus esse saeculi huius inimicus Dei constituitur
Jac 4.5
aut putatis quia inaniter scriptura dicat ad invidiam concupiscit Spiritus qui inhabitat in nobis
Jac 4.6
maiorem autem dat gratiam propter quod dicit Deus superbis resistit humilibus autem dat gratiam
Jac 4.7
subditi igitur estote Deo resistite autem diabolo et fugiet a vobis
Jac 4.8
adpropiate Domino et adpropinquabit vobis emundate manus peccatores et purificate corda duplices animo
Jac 4.9
miseri estote et lugete et plorate risus vester in luctum convertatur et gaudium in maerorem
Jac 4.10
humiliamini in conspectu Domini et exaltabit vos
Jac 4.11
nolite detrahere de alterutrum fratres qui detrahit fratri aut qui iudicat fratrem suum detrahit legi et iudicat legem si autem iudicas legem non es factor legis sed iudex
Jac 4.12
unus est legislator et iudex qui potest perdere et liberare tu autem quis es qui iudicas proximum
Jac 4.13
ecce nunc qui dicitis hodie aut crastino ibimus in illam civitatem et faciemus quidem ibi annum et mercabimur et lucrum faciemus
Jac 4.14
qui ignoratis quid erit in crastinum quae enim est vita vestra vapor est ad modicum parens deinceps exterminatur
Jac 4.15
pro eo ut dicatis si Dominus voluerit et vixerimus faciemus hoc aut illud
Jac 4.16
nunc autem exultatis in superbiis vestris omnis exultatio talis maligna est
Jac 4.17
scienti igitur bonum facere et non facienti peccatum est illi

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages