Jac 5

Teljes szövegű keresés

Jac 5
Jac 5.1
age nunc divites plorate ululantes in miseriis quae advenient vobis
Jac 5.2
divitiae vestrae putrefactae sunt et vestimenta vestra a tineis comesta sunt
Jac 5.3
aurum et argentum vestrum eruginavit et erugo eorum in testimonium vobis erit et manducabit carnes vestras sicut ignis thesaurizastis in novissimis diebus
Jac 5.4
ecce merces operariorum qui messuerunt regiones vestras qui fraudatus est a vobis clamat et clamor ipsorum in aures Domini Sabaoth introiit
Jac 5.5
epulati estis super terram et in luxuriis enutristis corda vestra in die occisionis
Jac 5.6
addixistis occidistis iustum non resistit vobis
Jac 5.7
patientes igitur estote fratres usque ad adventum Domini ecce agricola expectat pretiosum fructum terrae patienter ferens donec accipiat temporivum et serotinum
Jac 5.8
patientes estote et vos confirmate corda vestra quoniam adventus Domini adpropinquavit
Jac 5.9
nolite ingemescere fratres in alterutrum ut non iudicemini ecce iudex ante ianuam adsistit
Jac 5.10
exemplum accipite fratres laboris et patientiae prophetas qui locuti sunt in nomine Domini
Jac 5.11
ecce beatificamus qui sustinuerunt sufferentiam Iob audistis et finem Domini vidistis quoniam misericors est Dominus et miserator
Jac 5.12
ante omnia autem fratres mei nolite iurare neque per caelum neque per terram neque aliud quodcumque iuramentum sit autem vestrum est est non non uti non sub iudicio decidatis
Jac 5.13
tristatur aliquis vestrum oret aequo animo est psallat
Jac 5.14
infirmatur quis in vobis inducat presbyteros ecclesiae et orent super eum unguentes eum oleo in nomine Domini
Jac 5.15
et oratio fidei salvabit infirmum et adlevabit eum Dominus et si in peccatis sit dimittentur ei
Jac 5.16
confitemini ergo alterutrum peccata vestra et orate pro invicem ut salvemini multum enim valet deprecatio iusti adsidua
Jac 5.17
Helias homo erat similis nobis passibilis et oratione oravit ut non plueret super terram et non pluit annos tres et menses sex
Jac 5.18
et rursum oravit et caelum dedit pluviam et terra dedit fructum suum
Jac 5.19
fratres mei si quis ex vobis erraverit a veritate et converterit quis eum
Jac 5.20
scire debet quoniam qui converti fecerit peccatorem ab errore viae suae salvabit animam eius a morte et operit multitudinem peccatorum

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages