Amos 3

Full text search

Amos 3
Amos 3.1
שִׁמְעוּ אֶת־הַדָּבָר הַזֶּה אֲשֶׁר
דִּבֶּר יְהוָה עֲלֵיכֶם בְּנֵי יִשְׂרָאֵל
עַל כָּל־הַמִּשְׁפָּחָה אֲשֶׁר הֶעֱלֵיתִי
מֵאֶרֶץ מִצְרַיִם לֵאמֹר׃
Amos 3.2
רַק אֶתְכֶם יָדַעְתִּי מִכֹּל מִשְׁפְּחוֺת
הָאֲדָמָה עַל־כֵּן אֶפְקֹד עֲלֵיכֶם
אֵת כָּל־עֲוֺנֺתֵיכֶם׃
Amos 3.3
הֲיֵלְכוּ שְׁנַיִם יַחְדָּו בִּלְתִּי
אִמ־נֺועָדוּ׃
Amos 3.4
הֲיִשְׁאַג אַרְיֵה בַּיַּעַר וְטֶרֶף
אֵין לוֺ הֲיִתֵּן כְּפִיר קוֺלוֺ
מִמְּעֹנָתוֺ בִּלְתִּי אִמ־לָכָד׃
Amos 3.5
הֲתִפֹּל צִפּוֺר עַל־פַּח הָאָרֶץ
וּמוֺקֵשׁ אֵין לָהּ הֲיַעֲלֶה־פַּח
מִנ־הָאֲדָמָה וְלָכוֺד לֹא יִלְכּוֺד׃
Amos 3.6
אִמ־יִתָּקַע שׁוֺפָר בְּעִיר וְעָם
לֹא יֶחֱרָדוּ אִמ־תִּהְיֶה רָעָה
בְּעִיר וַיהוָה לֹא עָשָׂה׃
Amos 3.7
כִּי לֹא יַעֲשֶׂה אֲדֹנָי יְהוִה
דָּבָר כִּי אִמ־גָּלָה סוֺדוֺ אֶל־עֲבָדָיו
הַנְּבִיאִים׃
Amos 3.8
אַרְיֵה שָׁאָג מִי לֹא יִירָא
אֲדֹנָי יְהוִה דִּבֶּר מִי לֹא יִנָּבֵא׃
Amos 3.9
הַשְׁמִיעוּ עַל־אַרְמְנֺות בְּאַשְׁדּוֺד
וְעַל־אַרְמְנֺות בְּאֶרֶץ מִצְרָיִם
וְאִמְרוּ הֵאָסְפוּ עַל־הָרֵי שֹׁמְרוֺן
וּרְאוּ מְהוּמֹת רַבּוֺת בְּתוֺכָהּ
וַעֲשׁוּקִים בְּקִרְבָּהּ׃
Amos 3.10
וְלֹא־יָדְעוּ עֲשׂוֺת־נְכֹחָה נְאֻמ־יְהוָה
הָאוֺצְרִים חָמָס וָשֹׁד בְּאַרְמְנֺותֵיהֶם׃
ף
Amos 3.11
לָכֵן כֹּה אָמַר אֲדֹנָי יְהוִה
צַר וּסְבִיב הָאָרֶץ וְהוֺרִד
מִמֵּך עֻזֵּך וְנָבֹזּוּ אַרְמְנֺותָיִך׃
Amos 3.12
כֹּה אָמַר יְהוָה כַּאֲשֶׁר יַצִּיל
הָרֹעֶה מִפִּי הָאֲרִי שְׁתֵּי כְרָעַיִם
אוֺ בְדַל־אֹזֶן כֵּן יִנָּצְלוּ
בְּנֵי יִשְׂרָאֵל הַיֺּשְׁבִים בְּשֹׁמְרוֺן
בִּפְאַת מִטָּה וּבִדְמֶשֶׁק עָרֶשׂ׃
Amos 3.13
שִׁמְעוּ וְהָעִידוּ בְּבֵית יַעֲקֹב
נְאֻמ־אֲדֹנָי יְהוִה אֱלֹהֵי הַצְּבָאוֺת׃
Amos 3.14
כִּי בְּיֺום פָּקְדִי פִשְׁעֵי־יִשְׂרָאֵל
עָלָיו וּפָקַדְתִּי עַל־מִזְבְּחוֺת
בֵּית־אֵל וְנִגְדְּעוּ קַרְנֺות
הַמִּזְבֵּחַ וְנָפְלוּ לָאָרֶץ׃
Amos 3.15
וְהִכֵּיתִי בֵית־הַחֹרֶף עַל־בֵּית
הַקָּיִץ וְאָבְדוּ בָּתֵּי הַשֵּׁן וְסָפוּ
בָּתִּים רַבִּים נְאֻמ־יְהוָה׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages