Cant 5

Full text search

Cant 5
Cant 5.1
בָּאתִי לְגַנִּי אֲחֹתִי כַלָּה אָרִיתִי
מוֺרִי עִמ־בְּשָׂמִי אָכַלְתִּי יַעְרִי
עִמ־דִּבְשִׁי שָׁתִיתִי יֵינִי עִמ־חֲלָבִי
אִכְלוּ רֵעִים שְׁתוּ שִׁכְרוּ דּוֺדִים׃
ס
Cant 5.2
אֲנִי יְשֵׁנָה וְלִבִּי עֵר קוֺל
דּוֺדִי דוֺפֵק פִּתְחִי־לִי אֲחֹתִי
רַעְיָתִי יֺונָתִי תַמָּתִי שֶׁרֹּאשִׁי
נִמְלָא־טָל קְוֻּצּוֺתַי רְסִיסֵי
לָיְלָה׃
Cant 5.3
פָּשַׁטְתִּי אֶת־כֻּתָּנְתִּי אֵיכָכָה
אֶלְבָּשֶׁנָּה רָחַצְתִּי אֶת־רַגְלַי
אֵיכָכָה אֲטַנְּפֵם׃
Cant 5.4
דּוֺדִי שָׁלַח יָדוֺ מִנ־הַחֹר וּמֵעַי
הָמוּ עָלָיו׃
Cant 5.5
קַמְתִּי אֲנִי לִפְתֹּחַ לְדוֺדִי וְיָדַי
נָטְפוּ־מוֺר וְאֶצְבְּעֹתַי מוֺר
עֹבֵר עַל כַּפּוֺת הַמַּנְעוּל׃
Cant 5.6
פָּתַחְתִּי אֲנִי לְדוֺדִי וְדוֺדִי
חָמַק עָבָר נַפְשִׁי יָצְאָה בְדַבְּרוֺ
בִּקַּשְׁתִּיהוּ וְלֹא מְצָאתִיהוּ קְרָאתִיו
וְלֹא עָנָנִי׃
Cant 5.7
מְצָאֻנִי הַשֹּׁמְרִים הַסֹּבְבִים בָּעִיר
הִכּוּנִי פְצָעוּנִי נָשְׂאוּ אֶת־רְדִידִי
מֵעָלַי שֹׁמְרֵי הַחֹמוֺת׃
Cant 5.8
הִשְׁבַּעְתִּי אֶתְכֶם בְּנֺות יְרוּשָׁלִָם
אִמ־תִּמְצְאוּ אֶת־דּוֺדִי מַה־תַּגִּידוּ
לוֺ שֶׁחוֺלַת אַהֲבָה אָנִי׃
Cant 5.9
מַה־דּוֺדֵך מִדּוֺד הַיָּפָה בַּנָּשִׁים
מַה־דּוֺדֵך מִדּוֺד שֶׁכָּכָה הִשְׁבַּעְתָּנוּ׃
Cant 5.10
דּוֺדִי צַח וְאָדוֺם דָּגוּל מֵרְבָבָה׃
Cant 5.11
רֹאשׁוֺ כֶּתֶם פָּז קְוּצּוֺתָיו
תַּלְתַּלִּים שְׁחֹרוֺת כָּעוֺרֵב׃
Cant 5.12
עֵינָיו כְּיֺונִים עַל־אֲפִיקֵי
מָיִם רֹחֲצוֺת בֶּחָלָב יֺשְׁבוֺת
עַל־מִלֵּאת׃
Cant 5.13
לְחָיָו כַּעֲרוּגַת הַבֹּשֶׂם מִגְדְּלוֺת
מֶרְקָחִים שִׂפְתוֺתָיו שׁוֺשַׁנִּים
נֺטְפוֺת מוֺר עֹבֵר׃
Cant 5.14
יָדָיו גְּלִילֵי זָהָב מְמֻלָּאִים
בַּתַּרְשִׁישׁ מֵעָיו עֶשֶׁת שֵׁן מְעֻלֶּפֶת
סַפִּירִים׃
Cant 5.15
שׁוֺקָיו עַמּוּדֵי שֵׁשׁ מְיֻסָּדִים
עַל־אַדְנֵי־פָז מַרְאֵהוּ כַּלְּבָנֺון
בָּחוּר כָּאֲרָזִים׃
Cant 5.16
חִכּוֺ מַמְתַקִּים וְכֻלּוֺ מַחֲמַדִּים
זֶה דוֺדִי וְזֶה רֵעִי בְּנֺות
יְרוּשָׁלִָם׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages