Cant 6

Full text search

Cant 6
Cant 6.1
אָנָה הָלַך דּוֺדֵך הַיָּפָה בַּנָּשִׁים
אָנָה פָּנָה דוֺדֵך וּנְבַקְשֶׁנּוּ
עִמָּך׃
Cant 6.2
דּוֺדִי יָרַד לְגַנֺּו לַעֲרוּגֺות
הַבֹּשֶׂם לִרְעוֺת בַּגַּנִּים וְלִלְקֹט
שׁוֺשַׁנִּים׃
Cant 6.3
אֲנִי לְדוֺדִי וְדוֺדִי לִי הָרֹעֶה
בַּשּׁוֺשַׁנִּים׃ ס
Cant 6.4
יָפָה אַתְּ רַעְיָתִי כְּתִרְצָה נָאוָה
כִּירוּשָׁלִָם אֲיֻמָּה כַּנִּדְגָּלוֺת׃
Cant 6.5
הָסֵבִּי עֵינַיִך מִנֶּגְדִּי שֶׁהֵם
הִרְהִיבֻנִי שַׂעְרֵך כְּעֵדֶר הָעִזִּים
שֶׁגָּלְשׁוּ מִנ־הַגִּלְעָד׃
Cant 6.6
שִׁנַּיִך כְּעֵדֶר הָרְחֵלִים שֶׁעָלוּ
מִנ־הָרַחְצָה שֶׁכֻּלָּם מַתְאִימוֺת
וְשַׁכֻּלָה אֵין בָּהֶם׃
Cant 6.7
כְּפֶלַח הָרִמּוֺן רַקָּתֵך מִבַּעַד
לְצַמָּתֵך׃
Cant 6.8
שִׁשִּׁים הֵמָּה מְּלָכוֺת וּשְׁמֹנִים
פִּילַגְשִׁים וַעֲלָמוֺת אֵין מִסְפָּר׃
Cant 6.9
אַחַת הִיא יֺונָתִי תַמָּתִי אַחַת
הִיא לְאִמָּהּ בָּרָה הִיא לְיֺולַדְתָּהּ
רָאוּהָ בָנֺות וַיְאַשְּׁרוּהָ מְלָכוֺת
וּפִילַגְשִׁים וַיְהַלְלוּהָ׃ ס
Cant 6.10
מִי־זֺאת הַנִּשְׁקָפָה כְּמוֺ־שָׁחַר
יָפָה כַלְּבָנָה בָּרָה כַּחַמָּה אֲיֻמָּה
כַּנִּדְגָּלוֺת׃ ס
Cant 6.11
אֶל־גִּנַּת אֱגֺוז יָרַדְתִּי לִרְאוֺת
בְּאִבֵּי הַנָּחַל לִרְאוֺת הֲפָרְחָה
הַגֶּפֶן הֵנֵצוּ הָרִמֹּנִים׃
Cant 6.12
לֹא יָדַעְתִּי נַפְשִׁי שָׂמַתְנִי מַרְכְּבוֺת
עַמִּי־נָדִיב׃

 

 

Ziarele Arcanum
Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages