Deut 13 | Biblia Hebraica | Reference Library

Deut 13

Deut 13.1

אֵת כָּל־הַדָּבָר אֲשֶׁר אָנֺכִי מְצַוֶּה
אֶתְכֶם אֹתוֺ תִשְׁמְרוּ לַעֲשׂוֺת
לֹא־תֹסֵף עָלָיו וְלֹא תִגְרַע
מִמֶּנּוּ׃ ף

Sz K K2 R R2 E D D2 H H# G G# L

Deut 13.2

כִּי־יָקוּם בְּקִרְבְּךָ נָבִיא אוֺ
חֹלֵם חֲלוֺם וְנָתַן אֵלֶיךָ אוֺת
אוֺ מוֺפֵת׃

Sz K K2 R R2 E D D2 H H# G G# L

Deut 13.3

וּבָא הָאוֺת וְהַמּוֺפֵת אֲשֶׁר־דִּבֶּר
אֵלֶיךָ לֵאמֹר נֵלְכָה אַחֲרֵי
אֱלֹהִים אֲחֵרִים אֲשֶׁר לֹא־יְדַעְתָּם
וְנָעָבְדֵם׃

Sz K K2 R R2 E D D2 H H# G G# L

Deut 13.4

לֹא תִשְׁמַע אֶל־דִּבְרֵי הַנָּבִיא
הַהוּא אוֺ אֶל־חוֺלֵם הַחֲלוֺם
הַהוּא כִּי מְנַסֶּה יְהוָה אֱלֹהֵיכֶם
אֶתְכֶם לָדַעַת הֲיִשְׁכֶם אֹהֲבִם
אֶת־יְהוָה אֱלֹהֵיכֶם בְּכָל־לְבַבְכֶם
וּבְכָל־נַפְשְׁכֶם׃

Sz K K2 R R2 E D D2 H H# G G# L

Deut 13.5

אַחֲרֵי יְהוָה אֱלֹהֵיכֶם תֵּלֵכוּ
וְאֹתוֺ תִירָאוּ וְאֶת־מִצְוֺתָיו
תִּשְׁמֹרוּ וּבְקֹלוֺ תִשְׁמָעוּ וְאֹתוֺ
תַעֲבֹדוּ וּבוֺ תִדְבָּקוּן׃

Sz K K2 R R2 E D D2 H H# G G# L

Deut 13.6

וְהַנָּבִיא הַהוּא אוֺ חֹלֵם הַחֲלוֺם
הַהוּא יוּמָת כִּי דִבֶּר־סָרָה
עַל־יְהוָה אֱלֹהֵיכֶם הַמּוֺצִיא
אֶתְכֶם מֵאֶרֶץ מִצְרַיִם וְהַפֹּדְךָ
מִבֵּית עֲבָדִים לְהַדִּיחֲךָ מִנ־הַדֶּרֶך
אֲשֶׁר צִוְּךָ יְהוָה אֱלֹהֶיךָ לָלֶכֶת
בָּהּ וּבִעַרְתָּ הָרָע מִקִּרְבֶּךָ׃

Sz K K2 R R2 E D D2 H H# G G# L

Deut 13.7

כִּי יְסִיתְךָ אָחִיךָ בֶנ־אִמֶּךָ
אוֺ־בִנְךָ אוֺ־בִתְּךָ אוֺ אֵשֶׁת
חֵיקֶךָ אוֺ רֵעֲךָ אֲשֶׁר כְּנַפְשְׁךָ
בַּסֵּתֶר לֵאמֹר נֵלְכָה נַעַבְדָה
אֱלֹהִים אֲחֵרִים אֲשֶׁר לֹא יָדַעְתָּ
אַתָּה וַאֲבֹתֶיךָ׃

Sz K K2 R R2 E D D2 H H# G G# L

Deut 13.8

מֵאֱלֹהֵי הָעַמִּים אֲשֶׁר סְבִיבֹתֵיכֶם
הַקְּרֹבִים אֵלֶיךָ אוֺ הָרְחֹקִים
מִמֶּךָּ מִקְצֵה הָאָרֶץ וְעַד־קְצֵה
הָאָרֶץ׃

Sz K K2 R R2 E D D2 H H# G G# L

Deut 13.9

לֹא־תֹאבֶה לוֺ וְלֹא תִשְׁמַע
אֵלָיו וְלֹא־תָחוֺס עֵינְךָ עָלָיו
וְלֹא־תַחְמֹל וְלֹא־תְכַסֶּה עָלָיו׃

Sz K K2 R R2 E D D2 H H# G G# L

Deut 13.10

כִּי הָרֹג תַּהַרְגֶנּוּ יָדְךָ תִּהְיֶה־בּוֺ
בָרִאשׁוֺנָה לַהֲמִיתוֺ וְיַד כָּל־הָעָם
בָּאַחֲרֹנָה׃

Sz K K2 R R2 E D D2 H H# G G# L

Deut 13.11

וּסְקַלְתּוֺ בָאֲבָנִים וָמֵת כִּי
בִקֵּשׁ לְהַדִּיחֲךָ מֵעַל יְהוָה
אֱלֹהֶיךָ הַמּוֺצִיאֲךָ מֵאֶרֶץ מִצְרַיִם
מִבֵּית עֲבָדִים׃

Sz K K2 R R2 E D D2 H H# G G# L

Deut 13.12

וְכָל־יִשְׂרָאֵל יִשְׁמְעוּ וְיִרָאוּן
וְלֹא־יֺוסִפוּ לַעֲשׂוֺת כַּדָּבָר
הָרָע הַזֶּה בְּקִרְבֶּךָ׃ ס

Sz K K2 R R2 E D D2 H H# G G# L

Deut 13.13

כִּי־תִשְׁמַע בְּאַחַת עָרֶיךָ אֲשֶׁר
יְהוָה אֱלֹהֶיךָ נֺתֵן לְךָ לָשֶׁבֶת
שָׁם לֵאמֹר׃

Sz K K2 R R2 E D D2 H H# G G# L

Deut 13.14

יָצְאוּ אֲנָשִׁים בְּנֵי־בְלִיַּעַל
מִקִּרְבֶּךָ וַיַּדִּיחוּ אֶת־יֺשְׁבֵי
עִירָם לֵאמֹר נֵלְכָה וְנַעַבְדָה
אֱלֹהִים אֲחֵרִים אֲשֶׁר לֹא־יְדַעְתֶּם׃

Sz K K2 R R2 E D D2 H H# G G# L

Deut 13.15

וְדָרַשְׁתָּ וְחָקַרְתָּ וְשָׁאַלְתָּ הֵיטֵב
וְהִנֵּה אֱמֶת נָכוֺן הַדָּבָר נֶעֶשְׂתָה
הַתּוֺעֵבָה הַזֺּאת בְּקִרְבֶּךָ׃

Sz K K2 R R2 E D D2 H H# G G# L

Deut 13.16

הַכֵּה תַכֶּה אֶת־יֺשְׁבֵי הָעִיר 1 הַהוּא 2 הַהִיא
לְפִי־חָרֶב הַחֲרֵם אֹתָהּ וְאֶת־כָּל־אֲשֶׁר־בָּהּ
וְאֶת־בְּהֶמְתָּהּ לְפִי־חָרֶב׃

Sz K K2 R R2 E D D2 H H# G G# L

Deut 13.17

וְאֶת־כָּל־שְׁלָלָהּ תִּקְבֹּץ אֶל־תּוֺך
רְחֹבָהּ וְשָׂרַפְתָּ בָאֵשׁ אֶת־הָעִיר
וְאֶת־כָּל־שְׁלָלָהּ כָּלִיל לַיהוָה
אֱלֹהֶיךָ וְהָיְתָה תֵּל עוֺלָם א
תִבָּנֶה עוֺד׃

Sz K K2 R R2 E D D2 H H# G G# L

Deut 13.18

וְלֹא־יִדְבַּק בְּיָדְךָ מְאוּמָה מִנ־הַחֵרֶם
לְמַעַן יָשׁוּב יְהוָה מֵחֲרוֺן
אַפּוֺ וְנָתַנ־לְךָ רַחֲמִים וְרִחַמְךָ
וְהִרְבֶּךָ כַּאֲשֶׁר נִבַּע לַאֲבֹתֶיךָ׃

Sz K K2 R R2 E D D2 H H# G G# L

Deut 13.19

כִּי תִשְׁמַע בְּקוֺל יְהוָה אֱלֹהֶיךָ
לִשְׁמֹר אֶת־כָּל־מִצְוֺתָיו אֲשֶׁר
אָנֺכִי מְצַוְּךְָ הַיֺּום לַעֲשׂוֺת
הַיָּשָׁר בְּעֵינֵי יְהוָה אֱלֹהֶיךָ׃
ס

Sz K K2 R R2 E D D2 H H# G G# L

Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi