Deut 34 | Biblia Hebraica | Reference Library

Deut 34

Deut 34.1

וַיַּעַל מֹשֶׁה מֵעַרְבֹת מוֺאָב אֶל־הַר
נְבוֺ רֹאשׁ הַפִּסְגָּה אֲשֶׁר עַל־פְּנֵי
יְרֵחוֺ וַיַּרְאֵהוּ יְהוָה אֶת־כָּל־הָאָרֶץ
אֶת־הַגִּלְעָד עַד־דָּן׃

Sz K K2 R R2 E D D2 H H# G G# L

Deut 34.2

וְאֵת כָּל־נַפְתָּלִי וְאֶת־אֶרֶץ
אֶפְרַיִם וּמְנַשֶּׁה וְאֵת כָּל־אֶרֶץ
יְהוּדָה עַד הַיָּם הָאַחֲרוֺן׃

Sz K K2 R R2 E D D2 H H# G G# L

Deut 34.3

וְאֶת־הַנֶּגֶב וְאֶת־הַכִּכָּר בִּקְעַת
יְרֵחוֺ עִיר הַתְּמָרִים עַד־צֹעַר׃

Sz K K2 R R2 E D D2 H H# G G# L

Deut 34.4

וַיֺּאמֶר יְהוָה אֵלָיו זֺאת הָאָרֶץ
אֲשֶׁר נִשְׁבַּעְתִּי לְאַבְרָהָם לְיִצְחָק
וּלְיַעֲקֹב לֵאמֹר לְזַרְעֲךָ אֶתְּנֶנָּה
הֶרְאִיתִיךָ בְעֵינֶךָ וְשָׁמָּה לֹא
תַעֲבֹר׃

Sz K K2 R R2 E D D2 H H# G G# L

Deut 34.5

וַיָּמָת שָׁם מֹשֶׁה עֶבֶד־יְהוָה
בְּאֶרֶץ מוֺאָב עַל־פִּי יְהוָה׃

Sz K K2 R R2 E D D2 H H# G G# L

Deut 34.6

וַיִּקְבֹּר אֹתוֺ בַגַּיְ בְּאֶרֶץ מוֺאָב
מוּל בֵּית פְּעוֺר וְלֹא־יָדַע
אִישׁ אֶת־קְבֻרָתוֺ עַד הַיֺּום
הַזֶּה׃

Sz K K2 R R2 E D D2 H H# G G# L

Deut 34.7

וּמֹשֶׁה בֶּנ־מֵאָה וְעֶשְׂרִים שָׁנָה
בְּמֹתוֺ לֹא־כָהֲתָה עֵינֺו וְלֹא־נָס
לֵחֹה׃

Sz K K2 R R2 E D D2 H H# G G# L

Deut 34.8

וַיִּבְכּוּ בְנֵי יִשְׂרָאֵל אֶת־מֹשֶׁה
בְּעַרְבֹת מוֺאָב שְׁלֹשִׁים יֺום
וַיִּתְּמוּ יְמֵי בְכִי אֵבֶל מֹשֶׁה׃

Sz K K2 R R2 E D D2 H H# G G# L

Deut 34.9

וִיהוֺשֻׁעַ בִּנ־נוּן מָלֵא רוּחַ
חָכְמָה כִּי־סָמַך מֹשֶׁה אֶת־יָדָיו
עָלָיו וַיִּשְׁמְעוּ אֵלָיו בְּנֵי־יִשְׂרָאֵל
וַיַּעֲשׂוּ כַּאֲשֶׁר צִוָּה יְהוָה אֶת־מֹשֶׁה׃