Exo 19

Full text search

Exo 19
Exo 19.1
בַּחֹדֶשׁ הַשְּׁלִישִׁי לְצֵאת בְּנֵי־יִשְׂרָאֵל
מֵאֶרֶץ מִצְרָיִם בַּיֺּום הַזֶּה
בָּאוּ מִדְבַּר סִינָי׃
Exo 19.2
וַיִּסְעוּ מֵרְפִידִים וַיָּבֹאוּ מִדְבַּר
סִינַי וַיַּחֲנוּ בַּמִּדְבָּר וַיִּחַנ־שָׁם
יִשְׂרָאֵל נֶגֶד הָהָר׃
Exo 19.3
וּמֹשֶׁה עָלָה אֶל־הָאֱלֹהִים וַיִּקְרָא
אֵלָיו יְהוָה מִנ־הָהָר לֵאמֹר
כֹּה תֹאמַר לְבֵית יַעֲקֹב וְתַגֵּיד
לִבְנֵי יִשְׂרָאֵל׃
Exo 19.4
אַתֶּם רְאִיתֶם אֲשֶׁר עָשִׂיתִי לְמִצְרָיִם
וָאֶשָּׂא אֶתְכֶם עַל־כַּנְפֵי נְשָׁרִים
וָאָבִא אֶתְכֶם אֵלָי׃
Exo 19.5
וְעַתָּה אִמ־שָׁמוֺעַ תִּשְׁמְעוּ בְּקֹלִי
וּשְׁמַרְתֶּם אֶת־בְּרִיתִי וִהְיִיתֶם
לִי סְגֻלָּה מִכָּל־הָעַמִּים כִּי־לִי
כָּל־הָאָרֶץ׃
Exo 19.6
וְאַתֶּם תִּהְיוּ־לִי מַמְלֶכֶת כֹּהֲנִים
וְגֺוי קָדוֺשׁ אֵלֶּה הַדְּבָרִים
אֲשֶׁר תְּדַבֵּר אֶל־בְּנֵי יִשְׂרָאֵל׃
Exo 19.7
וַיָּבֹא מֹשֶׁה וַיִּקְרָא לְזִקְנֵי
הָעָם וַיָּשֶׂם לִפְנֵיהֶם אֵת כָּל־הַדְּבָרִים
הָאֵלֶּה אֲשֶׁר צִוָּהוּ יְהוָה׃
Exo 19.8
וַיַּעֲנוּ כָל־הָעָם יַחְדָּו וַיֺּאמְרוּ
כֹּל אֲשֶׁר־דִּבֶּר יְהוָה נַעֲשֶׂה
וַיָּשֶׁב מֹשֶׁה אֶת־דִּבְרֵי הָעָם
אֶל־יְהוָה׃
Exo 19.9
וַיֺּאמֶר יְהוָה אֶל־מֹשֶׁה הִנֵּה
אָנֺכִי בָּא אֵלֶיךָ בְּעַב הֶעָנָן
בַּעֲבוּר יִשְׁמַע הָעָם בְּדַבְּרִי
עִמָּך וְגַמ־בְּךָ יַאֲמִינוּ לְעֹלָם
וַיַּגֵּד מֹשֶׁה אֶת־דִּבְרֵי הָעָם
אֶל־יְהוָה׃
Exo 19.10
וַיֺּאמֶר יְהוָה אֶל־מֹשֶׁה לֵך
אֶל־הָעָם וְקִדַּשְׁתָּם הַיֺּום וּמָחָר
וְכִבְּסוּ שִׂמְלֹתָם׃
Exo 19.11
וְהָיוּ נְכֹנִים לַיֺּום הַשְּׁלִישִׁי
כִּי בַּיֺּום הַשְּׁלִישִׁי יֵרֵד יְהוָה
לְעֵינֵי כָל־הָעָם עַל־הַר סִינָי׃
Exo 19.12
וְהִגְבַּלְתָּ אֶת־הָעָם סָבִיב לֵאמֹר
הִשָּׁמְרוּ לָכֶם עֲלוֺת בָּהָר וּנְגֺעַ
בְּקָצֵהוּ כָּל־הַנֺּגֵעַ בָּהָר מוֺת
יוּמָת׃
Exo 19.13
לֹא־תִגַּע בּוֺ יָד כִּי־סָקוֺל
יִסָּקֵל אוֺ־יָרֹה יִיָּרֶה אִמ־בְּהֵמָה
אִמ־אִישׁ לֹא יִחְיֶה בִּמְשֹׁך
הַיֺּבֵל הֵמָּה יַעֲלוּ בָהָר׃
Exo 19.14
וַיֵּרֶד מֹשֶׁה מִנ־הָהָר אֶל־הָעָם
וַיְקַדֵּשׁ אֶת־הָעָם וַיְכַבְּסוּ שִׂמְלֹתָם׃
Exo 19.15
וַיֺּאמֶר אֶל־הָעָם הֱיוּ נְכֹנִים
לִשְׁלֹשֶׁת יָמִים אַל־תִּגְּשׁוּ אֶל־אִשָּׁה׃
Exo 19.16
וַיְהִי בַיֺּום הַשְּׁלִישִׁי בִּהְיֺת
הַבֹּקֶר וַיְהִי קֹלֹת וּבְרָקִים
וְעָנָן כָּבֵד עַל־הָהָר וְקֹל שֹׁפָר
חָזָק מְאֹד וַיֶּחֱרַד כָּל־הָעָ
אֲשֶׁר בַּמַּחֲנֶה׃
Exo 19.17
וַיֺּוצֵא מֹשֶׁה אֶת־הָעָם לִקְרַאת
הָאֱלֹהִים מִנ־הַמַּחֲנֶה וַיִּתְיַצְּבוּ
בְּתַחְתִּית הָהָר׃
Exo 19.18
וְהַר סִינַי עָשַׁן כֻּלּוֺ מִפְּנֵי
אֲשֶׁר יָרַד עָלָיו יְהוָה בָּאֵשׁ
וַיַּעַל עֲשָׁנֺו כְּעֶשֶׁן הַכִּבְשָׁן
וַיֶּחֱרַד כָּל־הָהָר מְאֹד׃
Exo 19.19
וַיְהִי קוֺל הַשּׁוֺפָר הוֺלֵך וְחָזֵק
מְאֹד מֹשֶׁה יְדַבֵּר וְהָאֱלֹהִים
יַעֲנֶנּוּ בְקוֺל׃
Exo 19.20
וַיֵּרֶד יְהוָה עַל־הַר סִינַי
אֶל־רֹאשׁ הָהָר וַיִּקְרָא יְהוָה
לְמֹשֶׁה אֶל־רֹאשׁ הָהָר וַיַּעַל
מֹשֶׁה׃
Exo 19.21
וַיֺּאמֶר יְהוָה אֶל־מֹשֶׁה רֵד
הָעֵד בָּעָם פֶּנ־יֶהֶרְסוּ אֶל־יְהוָה
לִרְאוֺת וְנָפַל מִמֶּנּוּ רָב׃
Exo 19.22
וְגַם הַכֹּהֲנִים הַנִּגָּשִׁים אֶל־יְהוָה
יִתְקַדָּשׁוּ פֶּנ־יִפְרֹץ בָּהֶם יְהוָה׃
Exo 19.23
וַיֺּאמֶר מֹשֶׁה אֶל־יְהוָה לֹא־יוּכַל
הָעָם לַעֲלֹת אֶל־הַר סִינָי
כִּי־אַתָּה הַעֵדֹתָה בָּנוּ לֵאמֹר
הַגְבֵּל אֶת־הָהָר וְקִדַּשְׁתּוֺ׃
Exo 19.24
וַיֺּאמֶר אֵלָיו יְהוָה לֶכְ־רֵד
וְעָלִיתָ אַתָּה וְאַהֲרֹן עִמָּך וְהַכֹּהֲנִים
וְהָעָם אַל־יֶהֶרְסוּ לַעֲלֹת אֶל־יְהוָה
פֶּנ־יִפְרָצ־בָּם׃
Exo 19.25
וַיֵּרֶד מֹשֶׁה אֶל־הָעָם וַיֺּאמֶר
אֲלֵהֶם׃ ס

 

 

Ziarele Arcanum
Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages