2Reg 25

Full text search

2Reg 25
2Reg 25.1
וַיְהִי בִשְׁנַת הַתְּשִׁיעִית לְמָלְכוֺ
בַּחֹדֶשׁ הָעֲשִׂירִי בֶּעָשׂוֺר לַחֹדֶשׁ
בָּא נְבֻכַדְנֶאצַּר מֶלֶכְ־בָּבֶל הוּא
וְכָל־חֵילוֺ עַל־יְרוּשָׁלִַם וַיִּחַן
עָלֶיהָ וַיִּבְנוּ עָלֶיהָ דָּיֵק סָבִיב׃
2Reg 25.2
וַתָּבֹא הָעִיר בַּמָּצוֺר עַד עַשְׁתֵּי
עֶשְׂרֵה שָׁנָה לַמֶּלֶך צִדְקִיָּהוּ׃
2Reg 25.3
בְּתִשְׁעָה לַחֹדֶשׁ וַיֶּחֱזַק הָרָעָב
בָּעִיר וְלֹא־הָיָה לֶחֶם לְעַם
הָאָרֶץ׃
2Reg 25.4
וַתִּבָּקַע הָעִיר וְכָל־אַנְשֵׁי
הַמִּלְחָמָה הַלַּיְלָה דֶּרֶך שַׁעַר
בֵּין הַחֹמֹתַיִם אֲשֶׁר עַל־גַּן
הַמֶּלֶך וְכַשְׂדִּים עַל־הָעִיר סָיב
וַיֵּלֶך דֶּרֶך הָעֲרָבָה׃
2Reg 25.5
וַיִּרְדְּפוּ חֵיל־כַּשְׂדִּים אַחַר
הַמֶּלֶך וַיַּשִּׂגוּ אֹתוֺ בְּעַרְבוֺת
יְרֵחוֺ וְכָל־חֵילוֺ נָפֹצוּ מֵעָלָיו׃
2Reg 25.6
וַיִּתְפְּשׂוּ אֶת־הַמֶּלֶך וַיַּעֲלוּ
אֹתוֺ אֶל־מֶלֶך בָּבֶל רִבְלָתָה
וַיְדַבְּרוּ אִתּוֺ מִשְׁפָּט׃
2Reg 25.7
וְאֶת־בְּנֵי צִדְקִיָּהוּ שָׁחֲטוּ לְעֵינָיו
וְאֶת־עֵינֵי צִדְקִיָּהוּ עִוֵּר וַיַּאַסְרֵהוּ
בַנְחֻשְׁתַּיִם וַיְבִאֵהוּ בָּבֶל׃ ס
2Reg 25.8
וּבַחֹדֶשׁ הַחֲמִישִׁי בְּשִׁבְעָה לַחֹדֶשׁ
הִיא שְׁנַת תְּשַׁע־עֶשְׂרֵה שָׁנָה
לַמֶּלֶך נְבֻכַדְנֶאצַּר מֶלֶכְ־בָּבֶל
בָּא נְבוּזַרְאֲדָן רַב־טַבָּים עֶבֶד
מֶלֶכְ־בָּבֶל יְרוּשָׁלִָם׃
2Reg 25.9
וַיִּשְׂרֹף אֶת־בֵּית־יְהוָה וְאֶת־בֵּית
הַמֶּלֶך וְאֵת כָּל־בָּתֵּי יְרוּשָׁלִַם
וְאֶת־כָּל־בֵּית גָּדוֺל שָׂרַף בָּאֵשׁ׃
2Reg 25.10
וְאֶת־חוֺמֹת יְרוּשָׁלִַם סָבִיב
נָתְצוּ כָּל־חֵיל כַּשְׂדִּים אֲשֶׁר
רַב־טַבָּחִים׃
2Reg 25.11
וְאֵת יֶתֶר הָעָם הַנִּשְׁאָרִים
בָּעִיר וְאֶת־הַנֺּפְלִים אֲשֶׁר נָפְלוּ
עַל־הַמֶּלֶך בָּבֶל וְאֵת יֶתֶר
הֶהָמוֺן הֶגְלָה נְבוּזַרְאֲדָן רַב־טַבָּחִים׃
2Reg 25.12
וּמִדַּלַּת הָאָרֶץ הִשְׁאִיר רַב־טַבָּחִים
לְכֹרְמִים וּלְיֺגְבִים׃
2Reg 25.13
וְאֶת־עַמּוּדֵי הַנְּחֹשֶׁת אֲשֶׁר
בֵּית־יְהוָה וְאֶת־הַמְּכֹנֺות וְאֶת־יָם
הַנְּחֹשֶׁת אֲשֶׁר בְּבֵית־יְהוָה
שִׁבְּרוּ כַשְׂדִּים וַיִּשְׂאוּ אֶת־נְחֻשְׁתָּם
בָּבֶלָה׃
2Reg 25.14
וְאֶת־הַסִּירֹת וְאֶת־הַיָּעִים
וְאֶת־הַמְזַמְּרוֺת וְאֶת־הַכַּפּוֺת
וְאֵת כָּל־כְּלֵי הַנְּחֹשֶׁת אֲשֶׁר
יְשָׁרְתוּ־בָם לָקָחוּ׃
2Reg 25.15
וְאֶת־הַמַּחְתּוֺת וְאֶת־הַמִּזְרָקוֺת
אֲשֶׁר זָהָב זָהָב וַאֲשֶׁר־כֶּסֶף
כָּסֶף לָקַח רַב־טַבָּחִים׃
2Reg 25.16
הָעַמּוּדִים שְׁנַיִם הַיָּם הָאֶחָד
וְהַמְּכֹנֺות אֲשֶׁר־עָשָׂה שְׁלֹמֹה
לְבֵית יְהוָה לֹא־הָיָה מִשְׁקָל
לִנְחֹשֶׁת כָּל־הַכֵּלִים הָאֵלֶּה׃
2Reg 25.17
שְׁמֹנֶה עֶשְׂרֵה אַמָּה קוֺמַת הָעַמּוּד
הָאֶחָד וְכֹתֶרֶת עָלָיו נְחֹשֶׁת
וְקוֺמַת הַכֹּתֶרֶת שָׁלֹשׁ 1 אַמָּה 2 אַמּוֺת
וּשְׂבָכָה וְרִמֹּנִים עַ־הַכֹּתֶרֶת
סָבִיב הַכֹּל נְחֹשֶׁת וְכָאֵלֶּה לַעַמּוּד
הַשֵּׁנִי עַל־הַשְּׂבָכָה׃
2Reg 25.18
וַיִּקַּח רַב־טַבָּחִים אֶת־שְׂרָיָה
כֹּהֵן הָרֹאשׁ וְאֶת־צְפַנְיָהוּ
כֹּהֵן מִשְׁנֶה וְאֶת־שְׁלֹשֶׁת שֹׁמְרֵי
הַסַּף׃
2Reg 25.19
וּמִנ־הָעִיר לָקַח סָרִיס אֶחָד
אֲשֶׁר־הוּא פָקִיד עַל־אַנְשֵׁי
הַמִּלְחָמָה וַחֲמִשָּׁה אֲנָשִׁים מֵרֹאֵי
פְנֵי־הַמֶּלֶך אֲשֶׁר נִמְצְאוּ בָעִיר
וְאֵת הַסֹּפֵר שַׂר הַצָּבָא הַמַּצְבִּא
אֶת־עַם הָאָרֶץ וְשִׁשִּׁים אִישׁ
מֵעַם הָאָרֶץ הַנִּמְצְאִים בָּעִיר׃
2Reg 25.20
וַיִּקַּח אֹתָם נְבוּזַרְאֲדָן רַב־טַבָּחִים
וַיֺּלֶך אֹתָם עַל־מֶלֶך בָּבֶל
רִבְלָתָה׃
2Reg 25.21
וַיַּך אֹתָם מֶלֶך בָּבֶל וַיְמִיתֵם
בְּרִבְלָה בְּאֶרֶץ חֲמָת וַיִּגֶל
יְהוּדָה מֵעַל אַדְמָתוֺ׃
2Reg 25.22
וְהָעָם הַנִּשְׁאָר בְּאֶרֶץ יְהוּדָה
אֲשֶׁר הִשְׁאִיר נְבוּכַדְנֶאצַּר מֶלֶך
בָּבֶל וַיַּפְקֵד עֲלֵיהֶם אֶת־גְּדַלְיָהוּ
בֶּנ־אֲחִיקָם בֶּנ־שָׁפָן ף
2Reg 25.23
וַיִּשְׁמְעוּ כָל־שָׂרֵי הַחֲיָלִים
הֵמָּה וְהָאֲנָשִׁים כִּי־הִפְקִיד
מֶלֶכְ־בָּבֶל אֶת־גְּדַלְיָהוּ וַיָּבֹאוּ
אֶל־גְּדַלְיָהוּ הַמִּצְפָּה וְיִשְׁמָעֵאל
בֶּנ־נְתַנְיָה וְיֺוחָנָן בֶּנ־קָרֵחַ
וּשְׂרָיָה בֶנ־תַּנְחֻמֶת הַנְּטֹפָתִי
וְיַאֲזַנְיָהוּ בֶּנ־הַמַּעֲכָתִי הֵמָּה
וְאַנְשֵׁיהֶם׃
2Reg 25.24
וַיִּשָּׁבַע לָהֶם גְּדַלְיָהוּ וּלְאַנְשֵׁיהֶם
וַיֺּאמֶר לָהֶם אַל־תִּירְאוּ מֵעַבְדֵי
הַכַּשְׂדִּים שְׁבוּ בָאָרֶץ וְעִבְדוּ
אֶת־מֶלֶך בָּבֶל וְיִטַב לָכֶם׃
ס
2Reg 25.25
וַיְהִי בַּחֹדֶשׁ הַשְּׁבִיעִי בָּא
יִשְׁמָעֵאל בֶּנ־נְתַנְיָה בֶּנ־אֱלִישָׁמָע
מִזֶּרַע הַמְּלוּכָה וַעֲשָׂרָה אֲנָשִׁים
אִתּוֺ וַיַּכּוּ אֶת־גְּדַלְיָהוּ וַיָּמֹת
וְאֶת־הַיְּהוּדִים וְאֶת־הַכַּשְׂדִּים
אֲשֶׁר־הָיוּ אִתּוֺ בַּמִּצְפָּה׃
2Reg 25.26
וַיָּקֻמוּ כָל־הָעָם מִקָּטֹן וְעַד־גָּדוֺל
וְשָׂרֵי הַחֲיָלִים וַיָּבֹאוּ מִצְרָיִם
כִּי יָרְאוּ מִפְּנֵי כַשְׂדִּים׃ ף
2Reg 25.27
וַיְהִי בִשְׁלֹשִׁים וָשֶׁבַע שָׁנָה
לְגָלוּת יְהוֺיָכִין מֶלֶכְ־יְהוּדָה
בִּשְׁנֵים עָשָׂר חֹדֶשׁ בְּעֶשְׂרִים
וְשִׁבְעָה לַחֹדֶשׁ נָשָׂא אֱוִיל מְרֹדַכְמֶלֶך
בָּבֶל בִּשְׁנַת מָלְכוֺ אֶת־רֹאשׁ
יְהוֺיָכִין מֶלֶכְ־יְהוּדָה מִבֵּית
כֶּלֶא׃
2Reg 25.28
וַיְדַבֵּר אִתּוֺ טֹבוֺת וַיִּתֵּן
אֶת־כִּסְאוֺ מֵעַל כִּסֵּא הַמְּלָכִים
אֲשֶׁר אִתּוֺ בְּבָבֶל׃
2Reg 25.29
וְשִׁנָּא אֵת בִּגְדֵי כִלְאוֺ וְאָכַל
לֶחֶם תָּמִיד לְפָנָיו כָּל־יְמֵי
חַיָּיו׃
2Reg 25.30
וַאֲרֻחָתוֺ אֲרֻחַת תָּמִיד נִתְּנָה־לּוֺ
מֵאֵת הַמֶּלֶך דְּבַר־יֺום בְּיֺומוֺ
כֹּל יְמֵי חַיָּו׃

 

 

Ziarele Arcanum
Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages







Ziarele Arcanum

Ziarele Arcanum
Vezi ce au spus ziarele din ultimii 250 de ani despre acest subiect!

Arată-mi