For full functionality of this site (searching, viewing images, maps and pdf files) it is necessary to enable JavaScript. Here are the instructions how to enable JavaScript in your web browser.

Jer 32

Full text search

Jer 32

Jer 32.1

הַדָּבָר אֲשֶׁר־הָיָה אֶל־יִרְמְיָהוּ
מֵאֵת יְהוָה 1 בִּשְׁנַת 2 בַּשָּׁנָה הָעֲשִׂרִית
לְצִדְקִיָּהוּ מֶלֶך יְהוּדָה הִיא
הַשָּׁנָה שְׁמֹנֶה־עֶשְׂרֵה שָׁנָה לִנְבוּכַדְרֶאצַּר׃

Sz K K2 R R2 E D D2 H H# G G# L

Jer 32.2

וְאָז חֵיל מֶלֶך בָּבֶל צָרִים
עַל־יְרוּשָׁלִָם וְיִרְמְיָהוּ הַנָּבִיא
הָיָה כָלוּא בַּחֲצַר הַמַּטָּרָה
אֲשֶׁר בֵּית־מֶלֶך יְהוּדָה׃

Sz K K2 R R2 E D D2 H H# G G# L

Jer 32.3

אֲשֶׁר כְּלָאוֺ צִדְקִיָּהוּ מֶלֶכְ־יְהוּדָה
לֵאמֹר מַדּוּעַ אַתָּה נִבָּא לֵאמֹר
כֹּה אָמַר יְהוָה הִנְנִי נֺתֵן
אֶת־הָעִיר הַזֺּאת בְּיַד מֶלֶכְ־בָּבֶל
וּלְכָדָהּ׃

Sz K K2 R R2 E D D2 H H# G G# L

Jer 32.4

וְצִדְקִיָּהוּ מֶלֶך יְהוּדָה לֹא
יִמָּלֵט מִיַּד הַכַּשְׂדִּים כִּי הִנָּתֹן
יִנָּתֵן בְּיַד מֶלֶכְ־בָּבֶל וְדִבֶּר־פִּיו
עִמ־פִּיו וְעֵינָיו אֶת־עֵינֺו 2 עֵינָיו
תִּרְאֶינָה׃

Sz K K2 R R2 E D D2 H H# G G# L

Jer 32.5

וּבָבֶל יֺולִך אֶת־צִדְקִיָּהוּ וְשָׁם
יִהְיֶה עַד־פָּקְדִי אֹתוֺ נְאֻמ־יְהוָה
כִּי תִלָּחֲמוּ אֶת־הַכַּשְׂדִּים לֹא
תַצְלִיחוּ׃ ף

Sz K K2 R R2 E D D2 H H# G G# L

Jer 32.6

וַיֺּאמֶר יִרְמְיָהוּ הָיָה דְּבַר־יְהוָה
אֵלַי לֵאמֹר׃

Sz K K2 R R2 E D D2 H H# G G# L

Jer 32.7

הִנֵּה חֲנַמְאֵל בֶּנ־שַׁלֻּם דֹּדְךָ
בָּא אֵלֶיךָ לֵאמֹר קְנֵה לְךָ אֶת־שָׂדִי
אֲשֶׁר בַּעֲנָתוֺת כִּי לְךָ מִשְׁפַּט
הַגְּאֻלָּה לִקְנֺות׃

Sz K K2 R R2 E D D2 H H# G G# L

Jer 32.8

וַיָּבֹא אֵלַי חֲנַמְאֵל בֶּנ־דֹּדִי
כִּדְבַר יְהוָה אֶל־חֲצַר הַמַּטָּרָה
וַיֺּאמֶר אֵלַי קְנֵה נָא אֶת־שָׂדִי
אֲשֶׁר־בַּעֲנָתוֺת אֲשֶׁר בְּאֶרֶץ
בִּנְיָמִין כִּי־לְךָ מִשְׁפַּט הַיְרֻשָּׁה
וּלְךָ הַגְּאֻלָּה קְנֵה־לָך וָאֵדַע
כִּי דְבַר־יְהוָה הוּא׃

Sz K K2 R R2 E D D2 H H# G G# L

Jer 32.9

וָאֶקְנֶה אֶת־הַשָּׂדֶה מֵאֵת חֲנַמְאֵל
בֶּנ־דֹּדִי אֲשֶׁר בַּעֲנָתוֺת וָאֶשְׁקֲלָה־לּוֺ
אֶת־הַכֶּסֶף שִׁבְעָה שְׁקָלִים וַעֲשָׂרָה
הַכָּסֶף׃

Sz K K2 R R2 E D D2 H H# G G# L

Jer 32.10

וָאֶכְתֹּב בַּסֵּפֶר וָאֶחְתֹּם וָאָעֵד
עֵדִים וָאֶשְׁקֹל הַכֶּסֶף בְּמֹאזְנָיִם׃

Sz K K2 R R2 E D D2 H H# G G# L

Jer 32.11

וָאֶקַּח אֶת־סֵפֶר הַמִּקְנָה אֶת־הֶחָתוּם
הַמִּצְוָה וְהַחֻקִּים וְאֶת־הַגָּלוּי׃

Sz K K2 R R2 E D D2 H H# G G# L

Jer 32.12

וָאֶתֵּן אֶת־הַסֵּפֶר הַמִּקְנָה אֶל־בָּרוּך
בֶּנ־נֵרִיָּה בֶּנ־מַחְסֵיָה לְעֵינֵי
חֲנַמְאֵל דֹּדִי וּלְעֵינֵי הָעֵדִים
הַכֹּתְבִים בְּסֵפֶר הַמִּקְנָה לְעֵינֵי
כָּל־הַיְּהוּדִים הַיֺּשְׁבִים בַּחֲצַר
הַמַּטָּרָה׃

Sz K K2 R R2 E D D2 H H# G G# L

Jer 32.13

וָאֲצַוֶּה אֶת בָּרוּך לְעֵינֵיהֶם
לֵאמֹר׃

Sz K K2 R R2 E D D2 H H# G G# L

Jer 32.14

כֹּה־אָמַר יְהוָה צְבָאוֺת אֱלֹהֵי
יִשְׂרָאֵל לָקוֺחַ אֶת־הַסְּפָרִים
הָאֵלֶּה אֵת סֵפֶר הַמִּקְנָה הַזֶּה
וְאֵת הֶחָתוּם וְאֵת סֵפֶר הַגָּלוּי
הַזֶּה וּנְתַתָּם בִּכְלִי־חָרֶשׂ לְמַעַן
יַעַמְדוּ יָמִים רַבִּים׃ ס

Sz K K2 R R2 E D D2 H H# G G# L

Jer 32.15

כִּי כֹה אָמַר יְהוָה צְבָאוֺת
אֱלֹהֵי יִשְׂרָאֵל עוֺד יִקָּנוּ בָתִּים
וְשָׂדוֺת וּכְרָמִים בָּאָרֶץ הַזֺּאת׃
ף

Sz K K2 R R2 E D D2 H H# G G# L

Jer 32.16

וָאֶתְפַּלֵּל אֶל־יְהוָה אַחֲרֵי תִתִּי
אֶת־סֵפֶר הַמִּקְנָה אֶל־בָּרוּך
בֶּנ־נֵרִיָּה לֵאמֹר׃

Sz K K2 R R2 E D D2 H H# G G# L

Jer 32.17

אֲהָהּ אֲדֹנָי יְהוִה הִנֵּה אַתָּה
עָשִׂיתָ אֶת־הַשָּׁמַיִם וְאֶת־הָאָרֶץ
בְּכֹחֲךָ הַגָּדוֺל וּבִזְרֹעֲךָ הַנְּטוּיָה
לֹא־יִפָּלֵא מִמְּךָ כָּל־דָּבָר׃

Sz K K2 R R2 E D D2 H H# G G# L

Jer 32.18

עֹשֶׂה חֶסֶד לַאֲלָפִים וּמְשַׁלֵּם
עֲוֺן אָבוֺת אֶל־חֵיק בְּנֵיהֶם
אַחֲרֵיהֶם הָאֵל הַגָּדוֺל הַגִּבּוֺר
יְהוָה צְבָאוֺת שְׁמוֺ׃

Sz K K2 R R2 E D D2 H H# G G# L

Jer 32.19

גְּדֹל הָעֵצָה וְרַב הָעֲלִילִיָּה
אֲשֶׁר־עֵינֶיךָ פְקֻחוֺת עַל־כָּל־דַּרְכֵי
בְּנֵי אָדָם לָתֵת לְאִישׁ כִּדְרָכָיו
וְכִפְרִי מַעֲלָלָיו׃

Sz K K2 R R2 E D D2 H H# G G# L

Jer 32.20

אֲשֶׁר־שַׂמְתָּ אֹתוֺת וּמֹפְתִים בְּאֶרֶצ־מִצְרַיִם
עַד־הַיֺּום הַזֶּה וּבְיִשְׂרָאֵל וּבָאָדָם
וַתַּעֲשֶׂה־לְּךָ שֵׁם כַּיֺּום הַזֶּה׃

Sz K K2 R R2 E D D2 H H# G G# L

Jer 32.21

וַתֹּצֵא אֶת־עַמְּךָ אֶת־יִשְׂרָאֵל
מֵאֶרֶץ מִצְרָיִם בְּאֹתוֺת וּבְמוֺפְתִים
וּבְיָד חֲזָקָה וּבְאֶזְרוֺעַ נְטוּיָה
וּבְמוֺרָא גָּדוֺל׃

Sz K K2 R R2 E D D2 H H# G G# L

Jer 32.22

וַתִּתֵּן לָהֶם אֶת־הָאָרֶץ הַזֺּאת
אֲשֶׁר־נִשְׁבַּעְתָּ לַאֲבוֺתָם לָתֵת
לָהֶם אֶרֶץ זָבַת חָלָב וּדְבָשׁ׃

Sz K K2 R R2 E D D2 H H# G G# L

Jer 32.23

וַיָּבֹאוּ וַיִּרְשׁוּ אֹתָהּ וְלֹא־שָׁמְעוּ
בְקוֺלֶךָ 1 וּבְתֹרוֺתֶךָ 2 וּבְתוֺרָתְךָ
לֹא־הָלָכוּ אֵת כָּל־אֲשֶׁר צִוִּיתָה
לָהֶם לַעֲשׂוֺת לֹא עָוּ וַתַּקְרֵא
אֹתָם אֵת כָּל־הָרָעָה הַזֺּאת׃

Sz K K2 R R2 E D D2 H H# G G# L

Jer 32.24

הִנֵּה הַסֹּלְלוֺת בָּאוּ הָעִיר לְלָכְדָהּ
וְהָעִיר נִתְּנָה בְּיַד הַכַּשְׂדִּים
הַנִּלְחָמִים עָלֶיהָ מִפְּנֵי הַחֶרֶב
וְהָרָעָב וְהַדָּבֶר וַאֲשֶׁר דִּבַּרְתָּ
הָיָה וְהִנְּךָ רֹאֶה׃

Sz K K2 R R2 E D D2 H H# G G# L

Jer 32.25

וְאַתָּה אָמַרְתָּ אֵלַי אֲדֹנָי יְהוִה
קְנֵה־לְךָ הַשָּׂדֶה בַּכֶּסֶף וְהָעֵד
עֵדִים וְהָעִיר נִתְּנָה בְּיַד הַכַּשְׂדִּים׃

Sz K K2 R R2 E D D2 H H# G G# L

Jer 32.26

וַיְהִי דְּבַר־יְהוָה אֶל־יִרְמְיָהוּ
לֵאמֹר׃

Sz K K2 R R2 E D D2 H H# G G# L

Jer 32.27

הִנֵּה אֲנִי יְהוָה אֱלֹהֵי כָּל־בָּשָׂר
הֲמִמֶּנִּי יִפָּלֵא כָּל־דָּבָר׃

Sz K K2 R R2 E D D2 H H# G G# L

Jer 32.28

לָכֵן כֹּה אָמַר יְהוָה הִנְנִי
נֺתֵן אֶת־הָעִיר הַזֺּאת בְּיַד
הַכַּשְׂדִּים וּבְיַד נְבוּכַדְרֶאצַּר
מֶלֶכְ־בָּבֶל וּלְכָדָהּ׃

Sz K K2 R R2 E D D2 H H# G G# L

Jer 32.29

וּבָאוּ הַכַּשְׂדִּים הַנִּלְחָמִים עַל־הָעִיר
הַזֺּאת וְהִצִּיתוּ אֶת־הָעִיר הַזֺּאת
בָּאֵשׁ וּשְׂרָפוּהָ וְאֵת הַבָּתִּים
אֲשֶׁר קִטְּרוּ עַל־גַּגֺּותֵיהֶם לַבַּעַל
וְהִסִּכוּ נְסָכִים לֵאלֹהִים אֲחֵרִים
לְמַעַן הַכְעִסֵנִי׃

Sz K K2 R R2 E D D2 H H# G G# L

Jer 32.30

כִּי־הָיוּ בְנֵי־יִשְׂרָאֵל וּבְנֵי
יְהוּדָה אַך עֹשִׂים הָרַע בְּעֵינַי
מִנְּעֻרֹתֵיהֶם כִּי בְנֵי־יִשְׂרָאֵל
אַך מַכְעִסִים אֹתִי בְּמַעֲשֵׂה
יְדֵיהֶם נְאֻמ־יְהוָה׃

Sz K K2 R R2 E D D2 H H# G G# L

Jer 32.31

כִּי עַל־אַפִּי וְעַל־חֲמָתִי הָיְתָה
לִּי הָעִיר הַזֺּאת לְמִנ־הַיֺּום
אֲשֶׁר בָּנוּ אוֺתָהּ וְעַד הַיֺּום
הַזֶּה לַהֲסִירָהּ מֵעַל פָּנָי׃

Sz K K2 R R2 E D D2 H H# G G# L

Jer 32.32

עַל כָּל־רָעַת בְּנֵי־יִשְׂרָאֵל וּבְנֵי
יְהוּדָה אֲשֶׁר עָשׂוּ לְהַכְעִסֵנִי
הֵמָּה מַלְכֵיהֶם שָׂרֵיהֶם כֹּהֲנֵיהֶם
וּנְבִיאֵיהֶם וְאִישׁ יְהוּדָה
וְיֺשְׁבֵי יְרוּשָׁלִָם׃

Sz K K2 R R2 E D D2 H H# G G# L

Jer 32.33

וַיִּפְנוּ אֵלַי עֹרֶף וְלֹא פָנִים
וְלַמֵּד אֹתָם הַשְׁכֵּם וְלַמֵּד וְאֵינָם
שֹׁמְעִים לָקַחַת מוּסָר׃

Sz K K2 R R2 E D D2 H H# G G# L

Jer 32.34

וַיָּשִׂימוּ שִׁקּוּצֵיהֶם בַּבַּיִת
אֲשֶׁר־נִקְרָא־שְׁמִי עָלָיו לְטַמְּאוֺ׃

Sz K K2 R R2 E D D2 H H# G G# L

Jer 32.35

וַיִּבְנוּ אֶת־בָּמוֺת הַבַּעַל אֲשֶׁר
בְּגֵיא בֶנ־הִנֺּם לְהַעֲבִיר אֶת־בְּנֵיהֶם
וְאֶת־בְּנֺותֵיהֶם לַמֹּלֶך אֲשֶׁר
לֹא־צִוִּיתִים וְלֹא עָלְתָה עַל־לִבִּי
לַעֲשׂוֺת הַתּוֺעֵבָה הַזֺּאת לְמַעַן 1 הַחֲטִי 2 הַחֲטִיא
אֶת־יְהוּדָה׃ ס

Sz K K2 R R2 E D D2 H H# G G# L

Jer 32.36

וְעַתָּה לָכֵן כֹּה־אָמַר יְהוָה
אֱלֹהֵי יִשְׂרָאֵל אֶל־הָעִיר הַזֺּאת
אֲשֶׁר אַתֶּם אֹמְרִים נִתְּנָה בְּיַד
מֶלֶכְ־בָּבֶל בַּחֶרֶב וּבָרָעָב וּבַדָּבֶר׃

Sz K K2 R R2 E D D2 H H# G G# L

Jer 32.37

הִנְנִי מְקַבְּצָם מִכָּל־הָאֲרָצוֺת
אֲשֶׁר הִדַּחְתִּים שָׁם בְּאַפִּי וּבַחֲמָתִי
וּבְקֶצֶף גָּדוֺל וַהֲשִׁבֹתִים אֶל־הַמָּקוֺם
הַזֶּה וְהֹשַׁבְתִּים לָבֶטַח׃

Sz K K2 R R2 E D D2 H H# G G# L

Jer 32.38

וְהָיוּ לִי לְעָם וַאֲנִי אֶהְיֶה
לָהֶם לֵאלֹהִים׃

Sz K K2 R R2 E D D2 H H# G G# L

Jer 32.39

וְנָתַתִּי לָהֶם לֵב אֶחָד וְדֶרֶך
אֶחָד לְיִרְאָה אוֺתִי כָּל־הַיָּמִים
לְטוֺב לָהֶם וְלִבְנֵיהֶם אַחֲרֵיהֶם׃

Sz K K2 R R2 E D D2 H H# G G# L

Jer 32.40

וְכָרַתִּי לָהֶם בְּרִית עוֺלָם אֲשֶׁר
לֹא־אָשׁוּב מֵאַחֲרֵיהֶם לְהֵיטִיבִי
אוֺתָם וְאֶת־יִרְאָתִי אֶתֵּן בִּלְבָבָם
לְבִלְתִּי סוּר מֵעָלָי׃

Sz K K2 R R2 E D D2 H H# G G# L

Jer 32.41

וְשַׂשְׂתִּי עֲלֵיהֶם לְהֵטִיב אוֺתָם
וּנְטַעְתִּים בָּאָרֶץ הַזֺּאת בֶּאֱמֶת
בְּכָל־לִבִּי וּבְכָל־נַפְשִׁי׃ ס

Sz K K2 R R2 E D D2 H H# G G# L

Jer 32.42

כִּי־כֹה אָמַר יְהוָה כַּאֲשֶׁר
הֵבֵאתִי אֶל־הָעָם הַזֶּה אֵת כָּל־הָרָעָה
הַגְּדוֺלָה הַזֺּאת כֵּן אָנֺכִי
מֵבִיא עֲלֵיהֶם אֶת־כָּל־הַטּוֺה
אֲשֶׁר אָנֺכִי דֹּבֵר עֲלֵיהֶם׃

Sz K K2 R R2 E D D2 H H# G G# L

Jer 32.43

וְנִקְנָה הַשָּׂדֶה בָּאָרֶץ הַזֺּאת
אֲשֶׁר אַתֶּם אֹמְרִים שְׁמָמָה הִיא
מֵאֵין אָדָם וּבְהֵמָה נִתְּנָה
בְּיַד הַכַּשְׂדִּים׃

Sz K K2 R R2 E D D2 H H# G G# L

Jer 32.44

שָׂדוֺת בַּכֶּסֶף יִקְנוּ וְכָתוֺב
בַּסֵּפֶר וְחָתוֺם וְהָעֵד עֵדִים
בְּאֶרֶץ בִּנְיָמִן וּבִסְבִיבֵי יְרוּשָׁלִַם
וּבְעָרֵי יְהוּדָה וּבְעָרֵי הָהָר
וּבְעָרֵי הַשְּׁפֵלָה וּבְעָרֵי הַנֶּגֶב
כִּי־אָשִׁיב אֶת־שְׁבוּתָם נְאֻמ־יְהוָה׃
ף

Sz K K2 R R2 E D D2 H H# G G# L

Ziarele Arcanum

Ziarele Arcanum

Vezi ce au spus ziarele din ultimii 250 de ani despre acest subiect!

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Servicii

Ziarele Arcanum

Hărți Arcanum

Tehnologii

Inteligență artificială

Hărți istorice

Languages

Ziarele Arcanum

Ziarele Arcanum
Vezi ce au spus ziarele din ultimii 250 de ani despre acest subiect!