Jes 46 | Biblia Hebraica | Reference Library

Full text search

Jes 46

Jes 46.1

כָּרַע בֵּל קֹרֵס נְבוֺ הָיוּ עֲצַבֵּיהֶם
לַחַיָּה וְלַבְּהֵמָה נְשֻׂאֹתֵיכֶם עֲמוּסוֺת
מַשָּׂא לַעֲיֵפָה׃

Sz K K2 R R2 E D D2 H H# G G# L

Jes 46.2

קָרְסוּ כָרְעוּ יַחְדָּו לֹא יָכְלוּ
מַלֵּט מַשָּׂא וְנַפְשָׁם בַּשְּׁבִי הָלָכָה׃
ס

Sz K K2 R R2 E D D2 H H# G G# L

Jes 46.3

שִׁמְעוּ אֵלַי בֵּית יַעֲקֹב וְכָל־שְׁאֵרִית
בֵּית יִשְׂרָאֵל הַעֲמֻסִים מִנִּי־בֶטֶן
הַנְּשֻׂאִים מִנִּי־רָחַם׃

Sz K K2 R R2 E D D2 H H# G G# L

Jes 46.4

וְעַד־זִקְנָה אֲנִי הוּא וְעַד־שֵיבָה
אֲנִי אֶסְבֹּל אֲנִי עָשִׂיתִי וַאֲנִי
אֶשָּׂא וַאֲנִי אֶסְבֹּל וַאֲמַלֵּט׃
ס

Sz K K2 R R2 E D D2 H H# G G# L

Jes 46.5

לְמִי תְדַמְיוּנִי וְתַשְׁווּ וְתַמְשִׁלוּנִי
וְנִדְמֶה׃

Sz K K2 R R2 E D D2 H H# G G# L

Jes 46.6

הַזָּלִים זָהָב מִכִּיס וְכֶסֶף בַּקָּנֶה
יִשְׁקֹלוּ יִשְׂכְּרוּ צוֺרֵף וְיַעֲשֵׂהוּ
אֵל יִסְגְּדוּ אַפ־יִשְׁתַּחֲוּוּ׃

Sz K K2 R R2 E D D2 H H# G G# L

Jes 46.7

יִשָּׂאֻהוּ עַל־כָּתֵף יִסְבְּלֻהוּ
וְיַנִּיחֻהוּ תַחְתָּיו וְיַעֲמֹד
מִמְּקוֺמוֺ לֹא יָמִישׁ אַפ־יִצְעַק
אֵלָיו וְלֹא יַעֲנֶה מִצָּרָתוֺ לֹא
יֺושִׁיעֶנּוּ׃ ס