Jes 55 | Biblia Hebraica | Reference Library

Jes 55

Jes 55.1

הוֺי כָּל־צָמֵא לְכוּ לַמַּיִם וַאֲשֶׁר
אֵינ־לוֺ כָּסֶף לְכוּ שִׁבְרוּ
וֶאֱכֹלוּ וּלְכוּ שִׁבְרוּ בְּלוֺא־כֶסֶף
וּבְלוֺא מְחִיר יַיִן וְחָלָ׃

Sz K K2 R R2 E D D2 H H# G G# L

Jes 55.2

לָמָּה תִשְׁקְלוּ־כֶסֶף בְּלוֺא־לֶחֶם
וִיגִיעֲכֶם בְּלוֺא לְשָׂבְעָה שִׁמְעוּ
שָׁמוֺעַ אֵלַי וְאִכְלוּ־טוֺב וְתִתְעַנַּג
בַּדֶּשֶׁן נַפְשְׁכֶם׃

Sz K K2 R R2 E D D2 H H# G G# L

Jes 55.3

הַטּוּ אָזְנְכֶם וּלְכוּ אֵלַי שִׁמְעוּ
וּתְחִי נַפְשְׁכֶם וְאֶכְרְתָה לָכֶם
בְּרִית עוֺלָם חַסְדֵי דָוִד הַנֶּאֱמָנִים׃

Sz K K2 R R2 E D D2 H H# G G# L

Jes 55.4

הֵן עֵד לְאוּמִּים נְתַתִּיו נָגִיד
וּמְצַוֵּה לְאֻמִּים׃

Sz K K2 R R2 E D D2 H H# G G# L

Jes 55.5

הֵן גֺּוי לֹא־תֵדַע תִּקְרָא וְגֺוי
לֹא־יְדָעוּךָ אֵלֶיךָ יָרוּצוּ
לְמַעַן יְהוָה אֱלֹהֶיךָ וְלִקְדוֺשׁ
יִשְׂרָאֵל כִּי פֵאֲרָך׃ ס

Sz K K2 R R2 E D D2 H H# G G# L

Jes 55.6

דִּרְשׁוּ יְהוָה בְּהִמָּצְאוֺ קְרָאֻהוּ
בִּהְיֺותוֺ קָרוֺב׃

Sz K K2 R R2 E D D2 H H# G G# L

Jes 55.7

יַעֲזֺב רָשָׁע דַּרְכּוֺ וְאִישׁ אָוֶן
מַחְשְׁבֹתָיו וְיָשֹׁב אֶל־יְהוָה
וִירַחֲמֵהוּ וְאֶל־אֱלֹהֵינוּ כִּי־יַרְבֶּה
לִסְלוֺחַ׃

Sz K K2 R R2 E D D2 H H# G G# L

Jes 55.8

כִּי לֹא מַחְשְׁבוֺתַי מַחְשְׁבוֺתֵיכֶם
וְלֹא דַרְכֵיכֶם דְּרָכָי נְאֻם יְהוָה׃

Sz K K2 R R2 E D D2 H H# G G# L

Jes 55.9

כִּי־גָבְהוּ שָׁמַיִם מֵאָרֶץ כֵּן
גָּבְהוּ דְרָכַי מִדַּרְכֵיכֶם וּמַחְשְׁבֹתַי
מִמַּחְשְׁבֹתֵיכֶם׃

Sz K K2 R R2 E D D2 H H# G G# L

Jes 55.10

כִּי כַּאֲשֶׁר יֵרֵד הַגֶּשֶׁם וְהַשֶּׁלֶג
מִנ־הַשָּׁמַיִם וְשָׁמָּה לֹא יָשׁוּב
כִּי אִמ־הִרְוָה אֶת־הָאָרֶץ וְהוֺלִידָהּ
וְהִצְמִיחָהּ וְנָתַן זֶע לַזֺּרֵעַ
וְלֶחֶם לָאֹכֵל׃