Jes 58 | Biblia Hebraica | Reference Library

Jes 58

Jes 58.1

קְרָא בְגָרוֺן אַל־תַּחְשֹׂך כַּשּׁוֺפָר
הָרֵם קוֺלֶךָ וְהַגֵּד לְעַמִּי פִּשְׁעָם
וּלְבֵית יַעֲקֹב חַטֹּאתָם׃

Jes 58.2

וְאוֺתִי יֺום יֺום יִדְרֹשׁוּן
וְדַעַת דְּרָכַי יֶחְפָּצוּן כְּגֺוי
אֲשֶׁר־צְדָקָה עָשָׂה וּמִשְׁפַּט אֱלֹהָיו
לֹא עָזָב יִשְׁאָלוּנִי מִשְׁפְּטֵי־צֶדֶק
קִרְבַת אֱלֹהִים יֶחְפָּצוּן׃

Sz K K2 R R2 E D D2 H H# G G# L

Jes 58.3

לָמָּה צַּמְנוּ וְלֹא רָאִיתָ עִנִּינוּ
נַפְשֵׁנוּ וְלֹא תֵדָע הֵן בְּיֺום
צֹמְכֶם תִּמְצְאוּ־חֵפֶץ וְכָל־עַצְּבֵיכֶם
תִּנְגֺּשׂוּ׃

Sz K K2 R R2 E D D2 H H# G G# L

Jes 58.4

הֵן לְרִיב וּמַצָּה תָּצוּמוּ וּלְהַכּוֺת
בְּאֶגְרֹף רֶשַׁע לֹא־תָצוּמוּ כַיֺּום
לְהַשְׁמִיעַ בַּמָּרוֺם קוֺלְכֶם׃

Sz K K2 R R2 E D D2 H H# G G# L

Jes 58.5

הֲכָזֶה יִהְיֶה צוֺם אֶבְחָרֵהוּ
יֺום עַנֺּות אָדָם נַפְשׁוֺ הֲלָכֹף
כְּאַגְמֹן רֹאשׁוֺ וְשַׂק וָאֵפֶר יַצִּיעַ
הֲלָזֶה תִּקְרָא־צוֺם וְיֺו רָצוֺן
לַיהוָה׃

Sz K K2 R R2 E D D2 H H# G G# L

Jes 58.6

הֲלוֺא זֶה צוֺם אֶבְחָרֵהוּ פַּתֵּחַ
חַרְצֻבּוֺת רֶשַׁע הַתֵּר אֲגֻדּוֺת
מוֺטָה וְשַׁלַּח רְצוּצִים חָפְשִׁים
וְכָל־מוֺטָה תְּנַתֵּקוּ׃

Sz K K2 R R2 E D D2 H H# G G# L

Jes 58.7

הֲלוֺא פָרֹס לָרָעֵב לַחְמֶךָ וַעֲנִיִּים
מְרוּדִים תָּבִיא בָיִת כִּי־תִרְאֶה
עָרֹם וְכִסִּיתוֺ וּמִבְּשָׂרְךָ לֹא
תִתְעַלָּם׃

Sz K K2 R R2 E D D2 H H# G G# L

Jes 58.8

אָז יִבָּקַע כַּשַּׁחַר אוֺרֶךָ וַאֲרֻכָתְךָ
מְהֵרָה תִצְמָח וְהָלַך לְפָנֶיךָ
צִדְקֶךָ כְּבוֺד יְהוָה יַאַסְפֶךָ׃

Sz K K2 R R2 E D D2 H H# G G# L

Jes 58.9

אָז תִּקְרָא וַיהוָה יַעֲנֶה תְּשַׁוַּע
וְיֺאמַר הִנֵּנִי אִמ־תָּסִיר מִתּוֺכְךָ
מוֺטָה שְׁלַח אֶצְבַּע וְדַבֶּר־אָוֶן׃

Sz K K2 R R2 E D D2 H H# G G# L

Jes 58.10

וְתָפֵק לָרָעֵב נַפְשֶׁךָ וְנֶפֶשׁ נַעֲנָה
תַּשְׂבִּיעַ וְזָרַח בַּחֹשֶׁך אוֺרֶךָ
וַאֲפֵלָתְךָ כַּצָּהֳרָיִם׃

Sz K K2 R R2 E D D2 H H# G G# L

Jes 58.11

וְנָחֲךָ יְהוָה תָּמִיד וְהִשְׂבִּיעַ
בְּצַחְצָחוֺת נַפְשֶׁךָ וְעַצְמֹתֶיךָ
יַחֲלִיץ וְהָיִיתָ כְּגַן רָוֶה
וּכְמוֺצָא מַיִם אֲשֶׁר לֹא־יְכַזְּב
מֵימָיו׃

Sz K K2 R R2 E D D2 H H# G G# L

Jes 58.12

וּבָנוּ מִמְּךָ חָרְבוֺת עוֺלָם מוֺסְדֵי
דוֺר־וָדוֺר תְּקוֺמֵם וְקֹרָא
לְךָ גֺּדֵר פֶּרֶץ מְשֹׁבֵב נְתִיבוֺת
לָשָׁבֶת׃

Sz K K2 R R2 E D D2 H H# G G# L

Jes 58.13

אִמ־תָּשִׁיב מִשַּׁבָּת רַגְלֶךָ עֲשׂוֺת
חֲפָצֶיךָ בְּיֺום קָדְשִׁי וְקָרָאתָ
לַשַּׁבָּת עֹנֶג לִקְדוֺשׁ יְהוָה מְכֻבָּד
וְכִבַּדְתּוֺ מֵעֲשׂוֺת דְּרָכֶיךָ מִמְּצוֺא
חֶפְצְךָ וְדַבֵּר דָּבָר׃

Sz K K2 R R2 E D D2 H H# G G# L

Jes 58.14

אָז תִּתְעַנַּג עַל־יְהוָה וְהִרְכַּבְתִּיךָ
עַל־בָּמוֺתֵי 2 בָּמֳתֵי אָרֶץ וְהַאֲכַלְתִּיךָ
נַחֲלַת יַעֲקֹב אָבִיךָ כִּי פִּי
יְהוָה דִּבֵּר׃ ס

Sz K K2 R R2 E D D2 H H# G G# L

Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi