Jes 61 | Biblia Hebraica | Reference Library

Jes 61

Jes 61.1

רוּחַ אֲדֹנָי יְהוִה עָלָי יַעַן
מָשַׁח יְהוָה אֹתִי לְבַשֵּׂר עֲנָוִים
שְׁלָחַנִי לַחֲבֹשׁ לְנִשְׁבְּרֵי־לֵב
לִקְרֹא לִשְׁבוּיִם דְּרוֺר וְלַאֲסוּרִים
פְּקַח־קוֺחַ׃

Sz K K2 R R2 E D D2 H H# G G# L

Jes 61.2

לִקְרֹא שְׁנַת־רָצוֺן לַיהוָה וְיֺום
נָקָם לֵאלֹהֵינוּ לְנַחֵם כָּל־אֲבֵלִים׃

Sz K K2 R R2 E D D2 H H# G G# L

Jes 61.3

לָשׂוּם לַאֲבֵלֵי צִיֺּון לָתֵת לָהֶם
פְּאֵר תַּחַת אֵפֶר שֶׁמֶן שָׂשׂוֺן
תַּחַת אֵבֶל מַעֲטֵה תְהִלָּה תַּחַת
רוּחַ כֵּהָה וְקֹרָא לָהֶם אֵילֵי
הַצֶּדֶק מַטַּע יְהוָה לְהִתְפָּאֵר׃

Sz K K2 R R2 E D D2 H H# G G# L

Jes 61.4

וּבָנוּ חָרְבוֺת עוֺלָם שֹׁמְמוֺת
רִאשֹׁנִים יְקוֺמֵמוּ וְחִדְּשׁוּ
עָרֵי חֹרֶב שֹׁמְמוֺת דּוֺר וָדוֺר׃

Sz K K2 R R2 E D D2 H H# G G# L

Jes 61.5

וְעָמְדוּ זָרִים וְרָעוּ צֹאנְכֶם
וּבְנֵי נֵכָר אִכָּרֵיכֶם וְכֹרְמֵיכֶם׃

Sz K K2 R R2 E D D2 H H# G G# L

Jes 61.6

וְאַתֶּם כֹּהֲנֵי יְהוָה תִּקָּרֵאוּ
מְשָׁרְתֵי אֱלֹהֵינוּ יֵאָמֵר לָכֶם
חֵיל גֺּויִם תֹּאכֵלוּ וּבִכְבוֺדָם
תִּתְיַמָּרוּ׃

Sz K K2 R R2 E D D2 H H# G G# L

Jes 61.7

תַּחַת בָּשְׁתְּכֶם מִשְׁנֶה וּכְלִמָּה
יָרֹנּוּ חֶלְקָם לָכֵן בְּאַרְצָם
מִשְׁנֶה יִירָשׁוּ שִׂמְחַת עוֺלָם
תִּהְיֶה לָהֶם׃

Sz K K2 R R2 E D D2 H H# G G# L

Jes 61.8

כִּי אֲנִי יְהוָה אֹהֵב מִשְׁפָּט
שֹׂנֵא גָזֵל בְּעוֺלָה וְנָתַתִּי
פְעֻלָּתָם בֶּאֱמֶת וּבְרִית עוֺלָם
אֶכְרוֺת לָהֶם׃

Sz K K2 R R2 E D D2 H H# G G# L

Jes 61.9

וְנֺודַע בַּגֺּויִם זַרְעָם וְצֶאֱצָאֵיהֶם
בְּתוֺך הָעַמִּים כָּל־רֹאֵיהֶם
יַכִּירוּם כִּי הֵם זֶרַע בֵּרַך
יְהוָה׃ ס

Sz K K2 R R2 E D D2 H H# G G# L

Jes 61.10

שׂוֺשׂ אָשִׂישׂ בַּיהוָה תָּגֵל נַפְשִׁי
בֵּאלֹהַי כִּי הִלְבִּישַׁנִי בִּגְדֵי־יֶשַׁע
מְעִיל צְדָקָה יְעָטָנִי כֶּחָתָן
יְכַהֵן פְּאֵר וְכַכַּלָּה תַּעְדֶּה כֵלֶיהָ׃

Sz K K2 R R2 E D D2 H H# G G# L

Jes 61.11

כִּי כָאָרֶץ תּוֺצִיא צִמְחָהּ וּכְגַנָּה
זֵרוּעֶיהָ תַצְמִיחַ כֵּן אֲדֹנָי
יְהוִה יַצְמִיחַ צְדָקָה וּתְהִלָּה
נֶגֶד כָּל־הַגֺּויִם׃

Sz K K2 R R2 E D D2 H H# G G# L

Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi