1Co 4
1Co 4
1Co 4.1
omnino auditur inter vos fornicatio et talis fornicatio qualis nec inter gentes ita ut uxorem patris aliquis habeat
1Co 4.2
et vos inflati estis et non magis luctum habuistis ut tollatur de medio vestrum qui hoc opus fecit
1Co 4.3
ego quidem absens corpore praesens autem spiritu iam iudicavi ut praesens eum qui sic operatus est
1Co 4.4
in nomine Domini nostri Iesu Christi congregatis vobis et meo spiritu cum virtute Domini Iesu
1Co 4.5
tradere huiusmodi Satanae in interitum carnis ut spiritus salvus sit in die Domini Iesu
1Co 4.6
non bona gloriatio vestra nescitis quia modicum fermentum totam massam corrumpit
1Co 4.7
expurgate vetus fermentum ut sitis nova consparsio sicut estis azymi etenim pascha nostrum immolatus est Christus
1Co 4.8
itaque epulemur non in fermento veteri neque in fermento malitiae et nequitiae sed in azymis sinceritatis et veritatis
1Co 4.9
scripsi vobis in epistula ne commisceamini fornicariis
1Co 4.10
non utique fornicariis huius mundi aut avaris aut rapacibus aut idolis servientibus alioquin debueratis de hoc mundo exisse
1Co 4.11
nunc autem scripsi vobis non commisceri si is qui frater nominatur est fornicator aut avarus aut idolis serviens aut maledicus aut ebriosus aut rapax cum eiusmodi nec cibum sumere
1Co 4.12
quid enim mihi de his qui foris sunt iudicare nonne de his qui intus sunt vos iudicatis
1Co 4.13
nam eos qui foris sunt Deus iudicabit auferte malum ex vobis ipsis
