Ps 109
Ps 109
Ps 109.1
David canticum dixit Dominus Domino meo sede a dextris meis donec ponam inimicos tuos scabillum pedum tuorum
Ps 109.2
virgam fortitudinis tuae emittet Dominus ex Sion dominare in medio inimicorum tuorum
Ps 109.3
populi tui spontanei erunt in die fortitudinis tuae in montibus sanctis quasi de vulva orietur tibi ros adulescentiae tuae
Ps 109.4
iuravit Dominus et non paenitebit eum tu es sacerdos in aeternum secundum ordinem Melchisedech
Ps 109.5
Dominus ad dexteram tuam percussit in die furoris sui reges
Ps 109.6
iudicabit in gentibus implebit valles percutiet caput in terra multa
Ps 109.7
de torrente in via bibet propterea exaltabit caput
