Ps 115
Ps 115
Ps 115.1
credidi propter quod locutus sum ego adflictus sum nimis
Ps 115.2
ego dixi in stupore meo omnis homo mendacium
Ps 115.3
quid reddam Domino pro omnibus quae tribuit mihi
Ps 115.4
calicem salutis accipiam et nomen Domini invocabo
Ps 115.5
vota mea Domino reddam coram omni populo eius
Ps 115.6
gloriosa in conspectu Domini mors sanctorum eius
Ps 115.7
obsecro Domine quia ego servus tuus ego servus tuus filius ancillae tuae dissolvisti vincula mea
Ps 115.8
tibi immolabo hostiam laudis et in nomine Domini invocabo
Ps 115.9
vota mea Domino reddam in conspectu omnis populi eius
Ps 115.10
in atriis domus Domini in medio tui Hierusalem alleluia
