Ps 27
Ps 27
Ps 27.1
David ad te Domine clamabo Fortis meus ne obsurdescas mihi ne forte tacente te mihi conparer his qui descendunt in lacum
Ps 27.2
audi Domine deprecationem meam cum clamavero ad te cum levavero manus meas ad oraculum sanctum tuum
Ps 27.3
ne trahas me cum impiis et cum operantibus iniquitatem qui loquuntur pacem cum amicis suis et est malum in corde eorum
Ps 27.4
da eis secundum opus suum et secundum malum adinventionum suarum iuxta opus manuum suarum da eis redde retributionem suam illis
Ps 27.5
quoniam non intellegunt opera Domini et opus manuum eius destrues eos et non aedificabis
Ps 27.6
benedictus Dominus qui audivit vocem deprecationis meae
Ps 27.7
Dominus fortitudo mea et scutum meum in ipso confisum est cor meum et habui adiutorium gavisum est cor meum et in cantico meo confitebor illi
Ps 27.8
Dominus fortitudo mea et robur salutarium christi sui est
Ps 27.9
salva populum tuum et benedic hereditati tuae et pasce eos et subleva eos usque in sempiternum
