Ps 46
Ps 46
Ps 46.1
victori filiorum Core canticum
Ps 46.2
omnes populi plaudite manibus iubilate Deo in voce laudis
Ps 46.3
quoniam Dominus altissimus terribilis rex magnus super omnem terram
Ps 46.4
congregavit populos subter nos et tribus sub pedibus nostris
Ps 46.5
elegit nobis hereditatem nostram gloriam Iacob quam dilexit semper
Ps 46.6
ascendit Deus in iubilo Deus in voce bucinae
Ps 46.7
canite Deo canite canite regi nostro canite
Ps 46.8
quia rex universae terrae Deus canite erudite
Ps 46.9
regnavit Deus super gentes Deus sedet super thronum sanctum suum
Ps 46.10
principes populorum congregati sunt populus Dei Abraham quoniam Dei scuta terrae vehementer elevata sunt
