Ps 71
Ps 71
Ps 71.1
Salomonis
Ps 71.2
Deus iudicium regi da et iustitiam tuam filio regis iudicabit populum tuum in iustitia et pauperes tuos in iudicio
Ps 71.3
adsument montes pacem populo et colles iustitiam
Ps 71.4
iudicabit pauperes populi salvabit filios pauperis et confringet calumniatorem
Ps 71.5
et timebunt te quamdiu erit sol et ultra lunam in generatione generationum
Ps 71.6
descendet ut pluvia super vellus ut stillae inrorantes terram
Ps 71.7
germinabit in diebus eius iustitia et multitudo pacis donec non sit luna
Ps 71.8
et dominabitur a mari usque ad mare et a flumine usque ad terminos terrae
Ps 71.9
ante eum procident Aethiopes et inimici eius pulverem lingent
Ps 71.10
reges Tharsis et insulae munera offerent reges Arabiae et Saba tributum conferent
Ps 71.11
et adorabunt eum omnes reges universae nationes servient ei
Ps 71.12
quia eruet pauperem a potente et inopem cui non est adiutor
Ps 71.13
parcet inopi et pauperi et animas pauperum salvabit
Ps 71.14
ab usura et iniquitate redimet animam eorum et pretiosus erit sanguis eorum coram oculis eius
Ps 71.15
et vivet et dabitur ei de auro Saba et orabunt de eo iugiter tota die benedicent ei
Ps 71.16
erit memorabile triticum in terra in capite montium elevabitur sicut Libani fructus eius et florebunt de civitate sicut faenum terrae
Ps 71.17
erit nomen eius in aeternum ultra solem perseverabit nomen eius et benedicentur in eo omnes gentes et beatificabunt eum
Ps 71.18
benedictus Dominus Deus Deus Israhel qui facit mirabilia solus
Ps 71.19
et benedictum nomen gloriae eius in sempiternum et implebitur gloria eius universa terra amen amen
Ps 71.20
conpletae sunt orationes David filii Iesse
