וַיַּעַנ־יְהוָה אֶת־אִיֺּוב 1 מִן 2 מִן 1 הַסְּעָרָה 2 הַסְּעָרָה
וַיֺּאמַר׃
מִי זֶה מַחְשִׁיך עֵצָה בְמִלִין
בְּלִי־דָעַת׃
אֱזָר־נָא כְגֶבֶר חֲלָצֶיךָ וְאֶשְׁאָלְךָ
וְהוֺדִיעֵנִי׃
אֵיפֹה הָיִיתָ בְּיָסְדִי־אָרֶץ הַגֵּד
אִמ־יָדַעְתָּ בִינָה׃
מִי־שָׂם מְמַדֶּיהָ כִּי תֵדָע אוֺ
מִי־נָטָה עָלֶיהָ קָּו׃
עַל־מָה אֲדָנֶיהָ הָטְבָּעוּ אוֺ
מִי־יָרָה אֶבֶן פִּנָּתָהּ׃
בְּרָנ־יַחַד כּוֺכְבֵי בֹקֶר וַיָּרִיעוּ
כָּל־בְּנֵי אֱלֹהִים׃
וַיָּסֶך בִּדְלָתַיִם יָם בְּגִיחוֺ
מֵרֶחֶם יֵצֵא׃
בְּשׂוּמִי עָנָן לְבֻשׁוֺ וַעֲרָפֶל
חֲתֻלָּתוֺ׃
וָאֶשְׁבֹּר עָלָיו חֻקִּי וָאָשִׂים
בְּרִיחַ וּדְלָתָיִם׃
וָאֹמַר עַד־פֹּה תָבוֺא וְלֹא תֹסִיף
וּפֹא־יָשִׁית בִּגְאוֺן גַּלֶּיךָ׃
הְמִיָּמֶיךָ צִוִּיתָ בֹּקֶר 1 יִדַּעְתָּה 2 יִדַּעְתָּ 1 שַׁחַר 2 הַשַּׁחַר
מְקֹמוֺ׃
לֶאֱחֹז בְּכַנְפוֺת הָאָרֶץ וְיִנָּעֲרוּ
רְשָׁעִים מִמֶּנָּה׃
תִּתְהַפֵּך כְּחֹמֶר חוֺתָם וְיִתְיַצְּבוּ
כְּמוֺ לְבוּשׁ׃
וְיִמָּנַע מֵרְשָׁעִים אוֺרָם וּזְרוֺעַ
רָמָה תִּשָּׁבֵר׃
הֲבָאתָ עַד־נִבְכֵי־יָם וּבְחֵקֶר
תְּהוֺם הִתְהַלָּכְתָּ׃
הֲנִגְלוּ לְךָ שַׁעֲרֵי־מָוֶת וְשַׁעֲרֵי
צַלְמָוֶת תִּרְאֶה׃
הִתְבֹּנַנְתָּ עַד־רַחֲבֵי־אָרֶץ הַגֵּד
אִמ־יָדַעְתָּ כֻלָּהּ׃
אֵי־זֶה הַדֶּרֶך יִשְׁכָּנ־אוֺר וְחֹשֶׁך
אֵי־זֶה מְקֹמוֺ׃
כִּי תִקָּחֶנּוּ אֶל־גְּבוּלוֺ וְכִי
תָבִין נְתִיבוֺת בֵּיתוֺ׃
יָדַעְתָּ כִּי־אָז תִּוָּלֵד וּמִסְפַּר
יָמֶיךָ רַבִּים׃
הֲבָאתָ אֶל־אֹצְרוֺת שָׁלֶג וְאֹצְרוֺת
בָּרָד תִּרְאֶה׃
אֲשֶׁר־חָשַׂכְתִּי לְעֶת־צָר לְיֺום
קְרָב וּמִלְחָמָה׃
אֵי־זֶה הַדֶּרֶך יֵחָלֶק אוֺר יָפֵץ
קָדִים עֲלֵי־אָרֶץ׃
מִי־פִלַּג לַשֶּׁטֶף תְּעָלָה וְדֶרֶך
לַחֲזִיז קֹלוֺת׃
לְהַמְטִיר עַל־אֶרֶץ לֹא־אִישׁ
מִדְבָּר לֹא־אָדָם בּוֺ׃
לְהַשְׂבִּיעַ שֹׁאָה וּמְשֹׁאָה וּלְהַצְמִיחַ
מֹצָא דֶשֶׁא׃
הֲיֵשׁ־לַמָּטָר אָב אוֺ מִי־הוֺלִיד
אֶגְלֵי־טָל׃
מִבֶּטֶן מִי יָצָא הַקָּרַח וּכְפֹר
שָׁמַיִם מִי יְלָדוֺ׃
כָּאֶבֶן מַיִם יִתְחַבָּאוּ וּפְנֵי
תְהוֺם יִתְלַכָּדוּ׃
הַתְקַשֵּׁר מַעֲדַנֺּות כִּימָה אוֺ־מֹשְׁכוֺת
כְּסִיל תְּפַתֵּחַ׃
הֲתֹצִיא מַזָּרוֺת בְּעִתּוֺ וְעַיִשׁ
עַל־בָּנֶיהָ תַנְחֵם׃
הֲיָדַעְתָּ חֻקּוֺת שָׁמָיִם אִמ־תָּשִׂים
מִשְׁטָרוֺ בָאָרֶץ׃
הֲתָרִים לָעָב קוֺלֶךָ וְשִׁפְעַת־מַיִם
תְּכַסֶּךָּ׃
הַתְשַׁלַּח בְּרָקִים וְיֵלֵכוּ וְיֺאמְרוּ
לְךָ הִנֵּנוּ׃
מִי־שָׁת בַּטֻּחוֺת חָכְמָה אוֺ מִי־נָתַן
לַשֶּׂכְוִי בִינָה׃
מִי־יְסַפֵּר שְׁחָקִים בְּחָכְמָה וְנִבְלֵי
שָׁמַיִם מִי יַשְׁכִּיב׃
בְּצֶקֶת עָפָר לַמּוּצָק וּרְגָבִים
יְדֻבָּקוּ׃
הֲתָצוּד לְלָבִיא טָרֶף וְחַיַּת
כְּפִירִים תְּמַלֵּא׃
כִּי־יָשֹׁחוּ בַמְּעוֺנֺות יֵשְׁבוּ
בַסֻּכָּה לְמוֺ־אָרֶב׃
מִי יָכִין לָעֹרֵב צֵידוֺ כִּי־יְלָדוֺ 2 יְלָדָיו
אֶל־אֵל יְשַׁוֵּעוּ יִתְעוּ לִבְלִי־אֹכֶל׃