Mog de villa Poca cum aliis ioubagionibus castri Clus, scilicet Erdeu, principe exercitus, Chicolou, Tenqneu, Pouca archiprecone, Cheycimam et Bulchu videntes de praedicta terra castri partem ad duo aratra a quibusdam alienis, videlicet Gotfredo, Farcasio, Wilc, Olberto, Petro, Andrea et Fila iniuste occupari, citaverunt illos ante Sebastianum, comitem de Clus, iudicem a rege Bela delegatum, qui auditis responsis utriusque partis per pristaldum nomine Forcos filium Choka de villa Seldeu misit ad examen ferri candentis Waradinum. Ubi praenominati actores fecerunt portari ferrum, sed adversarii eorum seipsos recognoscentes subterfugerunt praedictam terram castri praenominatis actoribus et idem actores convenerunt satisfacere iudici et pristaldo, et ut exitus huius causę indelebilis existat, praedictę partes terram quesitam metis circumpositis fecerunt separari, quarum metarum una est in monte nomine Bursors, inde per vallem Kusol vadit ad Agosholm et inde per vallem nomine Er vadit ad metam Wisata. Sed pręterea extra metas illas versus septemtrionalem plagam supradictus Mog habet ius sessionis ad spacium viginti iugerum.
Ziarele Arcanum
Vezi ce au spus ziarele din ultimii 250 de ani despre acest subiect!
Vezi ce au spus ziarele din ultimii 250 de ani despre acest subiect!
Caută în cea mai mare arhivă digitală de ziare din Europa de Est, ce conține reviste, publicații științifice, săptămânale și cotidiene.