2Chron 13

Full text search

2Chron 13
2Chron 13.1
בִּשְׁנַת שְׁמוֺנֶה עֶשְׂרֵה לַמֶּלֶך
יָרָבְעָם וַיִּמְלֹך אֲבִיָּה עַל־יְהוּדָה׃
2Chron 13.2
שָׁלוֺשׁ שָׁנִים מָלַך בִּירוּשָׁלִַם
וְשֵׁם אִמּוֺ מִיכָיָהוּ בַת־אוּרִיאֵל
מִנ־גִּבְעָה וּמִלְחָמָה הָיְתָה בֵּין
אֲבִיָּה וּבֵין יָרָבְעָם׃
2Chron 13.3
וַיֶּאְסֹר אֲבִיָּה אֶת־הַמִּלְחָמָה
בְּחַיִל גִּבּוֺרֵי מִלְחָמָה אַרְבַּע־מֵאוֺת
אֶלֶף אִישׁ בָּחוּר ס וְיָרָבְעָם
עָרַך עִמּוֺ מִלְחָמָה בִּשְׁמֹנֶה מֵאוֺת
אֶלֶף אִישׁ בָּחוּר גִּבּוֺר חָיִל׃
ס
2Chron 13.4
וַיָּקָם אֲבִיָּה מֵעַל לְהַר צְמָרַיִם
אֲשֶׁר בְּהַר אֶפְרָיִם וַיֺּאמֶר שְׁמָעוּנִי
יָרָבְעָם וְכָל־יִשְׂרָאֵל׃
2Chron 13.5
הֲלֹא לָכֶם לָדַעַת כִּי יְהוָה
אֱלֹהֵי יִשְׂרָאֵל נָתַן מַמְלָכָה
לְדָוִיד עַל־יִשְׂרָאֵל לְעוֺלָם
לוֺ וּלְבָנָיו בְּרִית מֶלַח׃ ס
2Chron 13.6
וַיָּקָם יָרָבְעָם בֶּנ־נְבָט עֶבֶד
שְׁלֹמֹה בֶנ־דָּוִיד וַיִּמְרֹד עַל־אֲדֹנָיו׃
2Chron 13.7
וַיִּקָּבְצוּ עָלָיו אֲנָשִׁים רֵקִים
בְּנֵי בְלִיַּעַל וַיִּתְאַמְּצוּ עַל־רְחַבְעָם
בֶּנ־שְׁלֹמֹה וּרְחַבְעָם הָיָה נַעַר
וְרַכְ־לֵבָב וְלֹא הִחַזַּק לִפְנֵיהֶם׃
2Chron 13.8
וְעַתָּה אַתֶּם אֹמְרִים לְהִתְחַזֵּק
לִפְנֵי מַמְלֶכֶת יְהוָה בְּיַד בְּנֵי
דָוִיד וְאַתֶּם הָמוֺן רָב וְעִמָּכֶם
עֶגְלֵי זָהָב אֲשֶׁר עָשָׂה לָכֶם
יָרָבְעָם לֵאלֹהִים׃
2Chron 13.9
הֲלֹא הִדַּחְתֶּם אֶת־כֹּהֲנֵי יְהוָה
אֶת־בְּנֵי אַהֲרֹן וְהַלְוִיִּם וַתַּעֲשׂוּ
לָכֶם כֹּהֲנִים כְּעַמֵּי הָאֲרָצוֺת
כָּל־הַבָּא לְמַלֵּא יָדוֺ בְּפַר
בֶּנ־בָּקָר וְאֵילִם שִׁבְעָה וְהָיָה
כֹהֵן לְלֹא אֱלֹהִים׃ ס
2Chron 13.10
וַאֲנַחְנוּ יְהוָה אֱלֹהֵינוּ וְלֹא
עֲזַבְנֻהוּ וְכֹהֲנִים מְשָׁרְתִים
לַיהוָה בְּנֵי אַהֲרֹן וְהַלְוִיִּם
בַּמְלָאכֶת׃
2Chron 13.11
וּמַקְטִרִים לַיהוָה עֹלוֺת בַּבֹּקֶר־בַּבֹּקֶר
וּבָעֶרֶב־בָּעֶרֶב וּקְטֹרֶת־סַמִּים
וּמַעֲרֶכֶת לֶחֶם עַל־הַשֻּׁלְחָן
הַטָּהוֺר וּמְנֺורַת הַזָּהָ וְנֵרֹתֶיהָ
לְבָעֵר בָּעֶרֶב בָּעֶרֶב כִּי־שֹׁמְרִים
אֲנַחְנוּ אֶת־מִשְׁמֶרֶת יְהוָה אֱלֹהֵינוּ
וְאַתֶּם עֲזַבְתֶּם אֹתוֺ׃
2Chron 13.12
וְהִנֵּה עִמָּנוּ בָרֹאשׁ הָאֱלֹהִים
וְכֹהֲנָיו וַחֲצֹצְרוֺת הַתְּרוּעָה
לְהָרִיעַ עֲלֵיכֶם בְּנֵי יִשְׂרָאֵל
אַל־תִּלָּחֲמוּ עִמ־יְהוָה אֱלֹהֵי־אֲבֹתֵיכֶם
כִּי־לֹא תַצְלִיחוּ׃
2Chron 13.13
וְיָרָבְעָם הֵסֵב אֶת־הַמַּאְרָב לָבוֺא
מֵאַחֲרֵיהֶם וַיִּהְיוּ לִפְנֵי יְהוּדָה
וְהַמַּאְרָב מֵאַחֲרֵיהֶם׃
2Chron 13.14
וַיִּפְנוּ יְהוּדָה וְהִנֵּה לָהֶם
הַמִּלְחָמָה פָּנִים וְאָחוֺר וַיִּצְעֲקוּ
לַיהוָה וְהַכֹּהֲנִים 1 מַחֲצֹצְִרים 2 מַחְצְרִים
בַּחֲצֹצְרוֺת׃
2Chron 13.15
וַיָּרִיעוּ אִישׁ יְהוּדָה וַיְהִי
בְּהָרִיעַ אִישׁ יְהוּדָה וְהָאֱלֹהִים
נָגַף אֶת־יָרָבְעָם וְכָל־יִשְׂרָאֵל
לִפְנֵי אֲבִיָּה וִיהוּדָה׃
2Chron 13.16
וַיָּנוּסוּ בְנֵי־יִשְׂרָאֵל מִפְּנֵי
יְהוּדָה וַיִּתְּנֵם אֱלֹהִים בְּיָדָם׃
2Chron 13.17
וַיַּכּוּ בָהֶם אֲבִיָּה וְעַמּוֺ מַכָּה
רַבָּה וַיִּפְּלוּ חֲלָלִים מִיִּשְׂרָאֵל
חֲמֵשׁ־מֵאוֺת אֶלֶף אִישׁ בָּחוּר׃
2Chron 13.18
וַיִּכָּנְעוּ בְנֵי־יִשְׂרָאֵל בָּעֵת
הַהִיא וַיֶּאֶמְצוּ בְּנֵי יְהוּדָה
כִּי נִשְׁעֲנוּ עַל־יְהוָה אֱלֹהֵי
אֲבוֺתֵיהֶם׃
2Chron 13.19
וַיִּרְדֹּף אֲבִיָּה אַחֲרֵי יָרָבְעָם
וַיִּלְכֹּד מִמֶּנּוּ עָרִים אֶת־בֵּית־אֵל
וְאֶת־בְּנֺותֶיהָ וְאֶת־יְשָׁנָה וְאֶת־בְּנֺותֶיהָ
וְאֶת־עֶפְרוֺן 2 עֶפְרַיִן וּבְנֺתֶיהָ׃
2Chron 13.20
וְלֹא־עָצַר כֹּחַ־יָרָבְעָם עוֺד
בִּימֵי אֲבִיָּהוּ וַיִּגְּפֵהוּ יְהוָה
וַיָּמֹת׃ ף
2Chron 13.21
וַיִּתְחַזֵּק אֲבִיָּהוּ וַיִּשָּׂא־לוֺ
נָשִׁים אַרְבַּע עֶשְׂרֵה וַיֺּולֶד
עֶשְׂרִים וּשְׁנַיִם בָּנִים וְשֵׁשׁ
עֶשְׂרֵה בָּנֺות׃ ס
2Chron 13.22
וְיֶתֶר דִּבְרֵי אֲבִיָּה וּדְרָכָיו
וּדְבָרָיו כְּתוּבִים בְּמִדְרַשׁ
הַנָּבִיא עִדּוֺ׃
2Chron 13.23
וַיִּשְׁכַּב אֲבִיָּה עִמ־אֲבֹתָיו וַיִּקְבְּרוּ
אֹתוֺ בְּעִיר דָּוִיד וַיִּמְלֹך אָסָא
בְנֺו תַּחְתָּיו בְּיָמָיו שָׁקְטָה
הָאָרֶץ עֶשֶׂר שָׁנִים ף

 

 

Ziarele Arcanum
Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages