2Chron 3

Full text search

2Chron 3
2Chron 3.1
וַיָּחֶל שְׁלֹמֹה לִבְנֺות אֶת־בֵּית־יְהוָה
בִּירוּשָׁלִַם בְּהַר הַמּוֺרִיָּה אֲשֶׁר
נִרְאָה לְדָוִיד אָבִיהוּ אֲשֶׁר
הֵכִין בִּמְקוֺם דָּוִיד גֺרֶן אָרְנָן
הַיְבוּסִי׃
2Chron 3.2
וַיָּחֶל לִבְנֺות בַּחֹדֶשׁ הַשֵּׁנִי
בַּשֵּׁנִי בִּשְׁנַת אַרְבַּע לְמַלְכוּתוֺ׃
2Chron 3.3
וְאֵלֶּה הוּסַד שְׁלֹמֹה לִבְנֺות
אֶת־בֵּית הָאֱלֹהִים הָאֹרֶך אַמּוֺת
בַּמִּדָּה הָרִאשׁוֺנָה אַמּוֺת שִׁשִּׁים
וְרֹחַב אַמּוֺת עֶשְׂרִים׃
2Chron 3.4
וְהָאוּלָם אֲשֶׁר עַל־פְּנֵי הָאֹרֶך
עַל־פְּנֵי רֹחַב־הַבַּיִת אַמּוֺת
עֶשְׂרִים וְהַגֺּבַהּ מֵאָה וְעֶשְׂרִים
וַיְצַפֵּהוּ מִפְּנִימָה זָהָב טָהוֺר׃
2Chron 3.5
וְאֵת הַבַּיִת הַגָּדוֺל חִפָּה עֵץ
בְּרוֺשִׁים וַיְחַפֵּהוּ זָהָב טוֺב
וַיַּעַל עָלָיו תִּמֹרִים וְשַׁרְשְׁרוֺת׃
2Chron 3.6
וַיְצַף אֶת־הַבַּיִת אֶבֶן יְקָרָה
לְתִפְאָרֶת וְהַזָּהָב זְהַב פַּרְוָיִם׃
2Chron 3.7
וַיְחַף אֶת־הַבַּיִת הַקֹּרוֺת הַסִּפִּים
וְקִירוֺתָיו וְדַלְתוֺתָיו זָהָב
וּפִתַּח כְּרוּבִים עַל־הַקִּירוֺת׃
ס
2Chron 3.8
וַיַּעַשׂ אֶת־בֵּית־קֹדֶשׁ הַקֳּדָשִׁים
אָרְכּוֺ עַל־פְּנֵי רֹחַב־הַבַּיִת
אַמּוֺת עֶשְׂרִים וְרָחְבּוֺ אַמּוֺת
עֶשְׂרִים וַיְחַפֵּהוּ זָהָב טוֺ לְכִכָּרִים
שֵׁשׁ מֵאוֺת׃
2Chron 3.9
וּמִשְׁקָל לְמִסְמְרוֺת לִשְׁקָלִים
חֲמִשִּׁים זָהָב וְהָעֲלִיֺּות חִפָּה
זָהָב׃
2Chron 3.10
וַיַּעַשׂ בְּבֵית־קֹדֶשׁ הַקֳּדָשִׁים
כְּרוּבִים שְׁנַיִם מַעֲשֵׂה צַעֲצֻעִים
וַיְצַפּוּ אֹתָם זָהָב׃
2Chron 3.11
וְכַנְפֵי הַכְּרוּבִים אָרְכָּם אַמּוֺת
עֶשְׂרִים כְּנַף הָאֶחָד לְאַמּוֺת
חָמֵשׁ מַגַּעַת לְקִיר הַבַּיִת וְהַכָּנָף
הָאַחֶרֶת אַמּוֺת חָמֵשׁ מַגִּיעַ
לִכְנַף הַכְּרוּב הָאַחֵר׃
2Chron 3.12
וּכְנַף הַכְּרוּב הָאֶחָד אַמּוֺת
חָמֵשׁ מַגִּיעַ לְקִיר הַבָּיִת וְהַכָּנָף
הָאַחֶרֶת אַמּוֺת חָמֵשׁ דְּבֵקָה לִכְנַף
הַכְּרוּב הָאַחֵר׃
2Chron 3.13
כַּנְפֵי הַכְּרוּבִים הָאֵלֶּה פֹּרְשִׂים
אַמּוֺת עֶשְׂרִים וְהֵם עֹמְדִים
עַל־רַגְלֵיהֶם וּפְנֵיהֶם לַבָּיִת׃
ס
2Chron 3.14
וַיַּעַשׂ אֶת־הַפָּרֹכֶת תְּכֵלֶת וְאַרְגָּמָן
וְכַרְמִיל וּבוּץ וַיַּעַל עָלָיו
כְּרוּבִים׃ ס
2Chron 3.15
וַיַּעַשׂ לִפְנֵי הַבַּיִת עַמּוּדִים
שְׁנַיִם אַמּוֺת שְׁלֹשִׁים וְחָמֵשׁ
אֹרֶך וְהַצֶּפֶת אֲשֶׁר־עַל־רֹאשׁוֺ
אַמּוֺת חָמֵשׁ׃ ס
2Chron 3.16
וַיַּעַשׂ שַׁרְשְׁרוֺת בַּדְּבִיר וַיִּתֵּן
עַל־רֹאשׁ הָעַמֻּדִים וַיַּעַשׂ רִמּוֺנִים
מֵאָה וַיִּתֵּן בַּשַּׁרְשְׁרוֺת׃
2Chron 3.17
וַיָּקֶם אֶת־הָעַמּוּדִים עַל־פְּנֵי
הַהֵיכָל אֶחָד מִיָּמִין וְאֶחָד
מֵהַשְּׂמֹאול וַיִּקְרָא שֵׁמ־הַיְמִינִי 2 הַיְמָנִי
יָכִין וְשֵׁם הַשְּׂמָאלִי בֹּעַז׃
ס

 

 

Ziarele Arcanum
Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages