Ps 53
Ps 53
Ps 53.1
לַמְנַצֵּחַ עַל־מָחֲלַת מַשְׂכִּיל לְדָוִד׃
Ps 53.2
אָמַר נָבָל בְּלִבּוֺ אֵין אֱלֹהִים
הִשְׁחִיתוּ וְהִתְעִיבוּ עָוֶל אֵין
עֹשֵׂה־טוֺב׃
הִשְׁחִיתוּ וְהִתְעִיבוּ עָוֶל אֵין
עֹשֵׂה־טוֺב׃
Ps 53.3
אֱלֹהִים מִשָּׁמַיִם הִשְׁקִיף עַל־בְּנֵי
אָדָם לִרְאוֺת הֲיֵשׁ מַשְׂכִּיל
דֹּרֵשׁ אֶת־אֱלֹהִים׃
אָדָם לִרְאוֺת הֲיֵשׁ מַשְׂכִּיל
דֹּרֵשׁ אֶת־אֱלֹהִים׃
Ps 53.4
כֻּלּוֺ סָג יַחְדָּו נֶאֱלָחוּ אֵין
עֹשֵׂה־טוֺב אֵין גַּמ־אֶחָד׃
עֹשֵׂה־טוֺב אֵין גַּמ־אֶחָד׃
Ps 53.5
הֲלֹא יָדְעוּ פֹּעֲלֵי אָוֶן אֹכְלֵי
עַמִּי אָכְלוּ לֶחֶם אֱלֹהִים לֹא
קָרָאוּ׃
עַמִּי אָכְלוּ לֶחֶם אֱלֹהִים לֹא
קָרָאוּ׃
Ps 53.6
שָׁם פָּחֲדוּ־פַחַד לֹא־הָיָה פָחַד
כִּי־אֱלֹהִים פִּזַּר עַצְמוֺת חֹנָך
הֱבִשֹׁתָה כִּי־אֱלֹהִים מְאָסָם׃
כִּי־אֱלֹהִים פִּזַּר עַצְמוֺת חֹנָך
הֱבִשֹׁתָה כִּי־אֱלֹהִים מְאָסָם׃
Ps 53.7
מִי יִתֵּן מִצִּיֺּון יְשֻׁעוֺת יִשְׂרָאֵל
בְּשׁוּב אֱלֹהִים שְׁבוּת עַמּוֺ יָגֵל
יַעֲקֹב יִשְׂמַח יִשְׂרָאֵל׃
בְּשׁוּב אֱלֹהִים שְׁבוּת עַמּוֺ יָגֵל
יַעֲקֹב יִשְׂמַח יִשְׂרָאֵל׃