Jes 31 | Biblia Hebraica | Reference Library

Jes 31

Jes 31.1

הוֺי הַיֺּרְדִים מִצְרַיִם לְעֶזְרָה
עַל־סוּסִים יִשָּׁעֵנוּ וַיִּבְטְחוּ
עַל־רֶכֶב כִּי רָב וְעַל פָּרָשִׁים
כִּי־עָצְמוּ מְאֹד וְלֹא שָׁעוּ
עַל־קְדוֺשׁ יִשְׂרָאֵל וְאֶת־יְהוָה
לֹא דָרָשׁוּ׃

Sz K K2 R R2 E D D2 H H# G G# L

Jes 31.2

וְגַמ־הוּא חָכָם וַיָּבֵא רָע וְאֶת־דְּבָרָיו
לֹא הֵסִיר וְקָם עַל־בֵּית מְרֵעִים
וְעַל־עֶזְרַת פֹּעֲלֵי אָוֶן׃

Sz K K2 R R2 E D D2 H H# G G# L

Jes 31.3

וּמִצְרַיִם אָדָם וְלֹא־אֵל וְסוּסֵיהֶם
בָּשָׂר וְלֹא־רוּחַ וַיהוָה יַטֶּה
יָדוֺ וְכָשַׁל עוֺזֵר וְנָפַל עָזֻר
וְיַחְדָּו כֻּלָּם יִכְלָיוּן׃ ס

Sz K K2 R R2 E D D2 H H# G G# L

Jes 31.4

כִּי כֹה אָמַר־יְהוָה אֵלַי כַּאֲשֶׁר
יֶהְגֶּה הָאַרְיֵה וְהַכְּפִיר עַל־טַרְפּוֺ
אֲשֶׁר יִקָּרֵא עָלָיו מְלֹא רֹעִים
מִקּוֺלָם לֹא יֵחָת וּמֵהֲמוֺנָם
לֹא יַעֲנֶה כֵּן יֵרֵד יְהוָה
צְבָאוֺת לִצְבֹּא עַל־הַר־צִיֺּון
וְעַל־גִּבְעָתָהּ׃