Hos 13

Full text search

Hos 13
Hos 13.1
כְּדַבֵּר אֶפְרַיִם רְתֵת נָשָׂא הוּא
בְּיִשְׂרָאֵל וַיֶּאְשַׁם בַּבַּעַל וַיָּמֹת׃
Hos 13.2
וְעַתָּה יֺוסִפוּ לַחֲטֹא וַיַּעְשׂוּ
לָהֶם מַסֵּכָה מִכַּסְפָּם כִּתְבוּנָם
עֲצַבִּים מַעֲשֵׂה חָרָשִׁים כֻּלֹּה
לָהֶם הֵם אֹמְרִים זֺבְחֵי אָדָם
עֲגָלִים יִשָּׁקוּן׃
Hos 13.3
לָכֵן יִהְיוּ כַּעֲנַנ־בֹּקֶר וְכַטַּל
מַשְׁכִּים הֹלֵך כְּמֹץ יְסֹעֵר מִגֺּרֶן
וּכְעָשָׁן מֵאֲרֻבָּה׃
Hos 13.4
וְאָנֺכִי יְהוָה אֱלֹהֶיךָ מֵאֶרֶץ
מִצְרָיִם וֵאלֹהִים זוּלָתִי לֹא
תֵדָע וּמוֺשִׁיעַ אַיִן בִּלְתִּי׃
Hos 13.5
אֲנִי יְדַעְתִּיךָ בַּמִּדְבָּר בְּאֶרֶץ
תַּלְאֻבוֺת׃
Hos 13.6
כְּמַרְעִיתָם וַיִּשְׂבָּעוּ שָׂבְעוּ וַיָּרָם
לִבָּם עַל־כֵּן שְׁכֵחוּנִי׃
Hos 13.7
וָאֱהִי לָהֶם כְּמוֺ־שָׁחַל כְּנָמֵר
עַל־דֶּרֶך אָשׁוּר׃
Hos 13.8
אֶפְגְּשֵׁם כְּדֹב שַׁכּוּל וְאֶקְרַע
סְגֺור לִבָּם וְאֹכְלֵם שָׁם כְּלָבִיא
חַיַּת הַשָּׂדֶה תְּבַקְּעֵם׃
Hos 13.9
שִׁחֶתְךָ יִשְׂרָאֵל כִּי־בִי בְעֶזְרֶךָ׃
Hos 13.10
אֱהִי מַלְכְּךָ אֵפוֺא וְיֺושִׁיעֲךָ
בְּכָל־עָרֶיךָ וְשֹׁפְטֶיךָ אֲשֶׁר
אָמַרְתָּ תְּנָה־לִּי מֶלֶך וְשָׂרִים׃
Hos 13.11
אֶתֶּנ־לְךָ מֶלֶך בְּאַפִּי וְאֶקַּח
בְּעֶבְרָתִי׃ ס
Hos 13.12
צָרוּר עֲוֺן אֶפְרָיִם צְפוּנָה
חַטָּאתוֺ׃
Hos 13.13
חֶבְלֵי יֺולֵדָה יָבֹאוּ לוֺ הוּא־בֵן
לֹא חָכָם כִּי־עֵת לֹא־יַעֲמֹד
בְּמִשְׁבַּר בָּנִים׃
Hos 13.14
מִיַּד שְׁאוֺל אֶפְדֵּם מִמָּוֶת אֶגְאָלֵם
אֱהִי דְבָרֶיךָ מָוֶת אֱהִי קָטָבְךָ
שְׁאוֺל נֺחַם יִסָּתֵר מֵעֵינָי׃
Hos 13.15
כִּי הוּא בֵּן אַחִים יַפְרִיא
יָבוֺא קָדִים רוּחַ יְהוָה מִמִּדְבָּר
עֹלֶה וְיֵבוֺשׁ מְקוֺרוֺ וְיֶחֱרַב
מַעְיָנֺו הוּא יִשְׁסֶה אוֺצַר
כָּל־כְּלִי חֶמְדָּה׃

 

 

Ziarele Arcanum
Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages