Cant 5

Full text search

Cant 5
Cant 5.1
veniat dilectus meus in hortum suum et comedat fructum pomorum suorum veni in hortum meum soror mea sponsa messui murram meam cum aromatibus meis comedi favum cum melle meo bibi vinum meum cum lacte meo comedite amici bibite et inebriamini carissimi
Cant 5.2
ego dormio et cor meum vigilat vox dilecti mei pulsantis aperi mihi soror mea amica mea columba mea inmaculata mea quia caput meum plenum est rore et cincinni mei guttis noctium
Cant 5.3
expoliavi me tunica mea quomodo induar illa lavi pedes meos quomodo inquinabo illos
Cant 5.4
dilectus meus misit manum suam per foramen et venter meus intremuit ad tactum eius
Cant 5.5
surrexi ut aperirem dilecto meo manus meae stillaverunt murra digiti mei pleni murra probatissima
Cant 5.6
pessulum ostii aperui dilecto meo at ille declinaverat atque transierat anima mea liquefacta est ut locutus est quaesivi et non inveni illum vocavi et non respondit mihi
Cant 5.7
invenerunt me custodes qui circumeunt civitatem percusserunt me vulneraverunt me tulerunt pallium meum mihi custodes murorum
Cant 5.8
adiuro vos filiae Hierusalem si inveneritis dilectum meum ut nuntietis ei quia amore langueo
Cant 5.9
qualis est dilectus tuus ex dilecto o pulcherrima mulierum qualis est dilectus tuus ex dilecto quia sic adiurasti nos
Cant 5.10
dilectus meus candidus et rubicundus electus ex milibus
Cant 5.11
caput eius aurum optimum comae eius sicut elatae palmarum nigrae quasi corvus
Cant 5.12
oculi eius sicut columbae super rivulos aquarum quae lacte sunt lotae et resident iuxta fluenta plenissima
Cant 5.13
genae illius sicut areolae aromatum consitae a pigmentariis labia eius lilia distillantia murram primam
Cant 5.14
manus illius tornatiles aureae plenae hyacinthis venter eius eburneus distinctus sapphyris
Cant 5.15
crura illius columnae marmoreae quae fundatae sunt super bases aureas species eius ut Libani electus ut cedri
Cant 5.16
guttur illius suavissimum et totus desiderabilis talis est dilectus meus et iste est amicus meus filiae Hierusalem
Cant 5.17
quo abiit dilectus tuus o pulcherrima mulierum quo declinavit dilectus tuus et quaeremus eum tecum

 

 

Ziarele Arcanum
Ziarele Arcanum

Vezi ce au spus ziarele din ultimii 250 de ani despre acest subiect!

Arată-mi

Arcanum logo

Arcanum se ocupă cu digitalizarea în masă, cu arhivarea și cu publicarea materialelor tipărite.

Despre noi Contact Apariții în presă

Languages