Ps 110
Ps 110
Ps 110.1
alleluia aleph confitebor Domino in toto corde beth in consilio iustorum et congregatione
Ps 110.2
gimel magna opera Domini deleth exquirenda in cunctis voluntatibus suis
Ps 110.3
he gloria et decor opus eius vav et iustitia eius perseverans semper
Ps 110.4
zai memoriam fecit mirabilium suorum heth clemens et misericors Dominus
Ps 110.5
teth escam dedit timentibus se ioth memor erit in sempiternum pacti sui
Ps 110.6
caph fortitudinem operum suorum adnuntiabit populo suo
Ps 110.7
lameth ut det eis hereditatem gentium mem opus manuum eius veritas et iudicium
Ps 110.8
nun fidelia omnia praecepta eius samech firmata in sempiternum iugiter ain facta in veritate et aequitate
Ps 110.9
fe redemptionem misit populo suo sade mandavit in aeternum pactum suum coph sanctum et terribile nomen eius
Ps 110.10
res principium sapientiae timor Domini sen doctrina bona cunctis qui faciunt ea thau laus eius perseverans iugiter alleluia
