Ps 2
Ps 2
Ps 2.1
quare turbabuntur gentes et tribus meditabuntur inania
Ps 2.2
consurgent reges terrae et principes tractabunt pariter adversum Dominum et adversum christum eius
Ps 2.3
disrumpamus vincula eorum et proiciamus a nobis laqueos eorum
Ps 2.4
habitator caeli ridebit Dominus subsannabit eos
Ps 2.5
tunc loquetur ad eos in ira sua et in furore suo conturbabit eos
Ps 2.6
ego autem orditus sum regem meum super Sion montem sanctum suum adnuntiabo Dei praeceptum
Ps 2.7
Dominus dixit ad me filius meus es tu ego hodie genui te
Ps 2.8
postula a me et dabo tibi gentes hereditatem tuam et possessionem tuam terminos terrae
Ps 2.9
pasces eos in virga ferrea ut vas figuli conteres eos
Ps 2.10
nunc ergo reges intellegite erudimini iudices terrae
Ps 2.11
servite Domino in timore et exultate in tremore
Ps 2.12
adorate pure ne forte irascatur et pereatis de via
Ps 2.13
cum exarserit post paululum furor eius beati omnes qui sperant in eum
