Ps 51
Ps 51
Ps 51.1
victori ab erudito David
Ps 51.2
cum venisset Doec Idumeus et adnuntiasset Saul dicens ei venit David in domum Achimelech
Ps 51.3
quid gloriaris in malitia potens misericordia Dei tota est die
Ps 51.4
insidias cogitat lingua tua quasi novacula acuta faciens dolum
Ps 51.5
dilexisti malum magis quam bonum mendacium magis quam loqui iustitiam semper
Ps 51.6
dilexisti omnia verba ad devorandum lingua dolosa
Ps 51.7
sed Deus destruet te in sempiternum terrebit et evellet te de tabernaculo et eradicabit te de terra viventium semper
Ps 51.8
videbunt iusti et timebunt et super eum ridebunt
Ps 51.9
ecce vir qui non posuit Deum fortitudinem suam sed speravit in multitudine divitiarum suarum confortatus est in insidiis suis
Ps 51.10
ego sicut oliva virens in domo Dei speravi in misericordia Dei in saeculum sempiternum
Ps 51.11
confitebor tibi in saeculo quoniam fecisti et expectabo nomen tuum quoniam bonum in conspectu sanctorum tuorum
