וַיַּעַן אִיֺּוב וַיֺּאמַר׃
עַד־אָנָה תּוֺגְיוּן נַפְשִׁי וּתְדַכְּאוּנַנִי
בְמִלִּים׃
זֶה עֶשֶׂר פְּעָמִים תַּכְלִימוּנִי
לֹא־תֵבֹשׁוּ תַּהְכְּרוּ־לִי׃
וְאַפ־אָמְנָם שָׁגִיתִי אִתִּי תָּלִין
מְשׁוּגָתִי׃
אִמ־אָמְנָם עָלַי תַּגְדִּילוּ וְתוֺכִיחוּ
עָלַי חֶרְפָּתִּי׃
דְּעוּ־אֵפוֺ כִּי־אֱלוֺהַּ עִוְּתָנִי
וּמְצוּדוֺ עָלַי הִקִּיף׃
הֵן אֶצְעַק חָמָס וְלֹא אֵעָנֶה
אֲשַׁוַּע וְאֵין מִשְׁפָּט׃
אָרְחִי גָדַר וְלֹא אֶעֱבוֺר וְעַל
נְתִיבוֺתַי חֹשֶׁך יָשִׂים׃
כְּבוֺדִי מֵעָלַי הִפְשִׁיט וַיָּסַר
עֲטֶרֶת רֹאשִׁי׃
יִתְּצֵנִי סָבִיב וָאֵלַך וַיַּסַּע
כָּעֵץ תִּקְוָתִי׃
וַיַּחַר עָלַי אַפּוֺ וַיַּחְשְׁבֵנִי
לוֺ כְצָרָיו׃
יַחַד יָבֹאוּ גְדוּדָיו וַיָּסֹלּוּ
עָלַי דַּרְכָּם וַיַּחֲנוּ סָבִיב לְאָהֳלִי׃
אַחַי מֵעָלַי הִרְחִיק וְיֺדְעַי
אַכְ־זָרוּ מִמֶּנִּי׃
חָדְלוּ קְרוֺבָי וּמְיֻדָּעַי שְׁכֵחוּנִי׃
גָּרֵי בֵיתִי וְאַמְהֹתַי לְזָר
תַּחְשְׁבֻנִי נָכְרִי הָיִיתִי בְעֵינֵיהֶם׃
לְעַבְדִּי קָרָאתִי וְלֹא יַעֲנֶה
בְּמוֺ־פִי אֶתְחַנֶּנ־לוֺ׃
רוּחִי זָרָה לְאִשְׁתִּי וְחַנֺּתִי
לִבְנֵי בִטְנִי׃
גַּמ־עֲוִילִים מָאֲסוּ בִי אָקוּמָה
וַיְדַבְּרוּ־בִי׃
תִּעֲבוּנִי כָּל־מְתֵי סוֺדִי וְזֶה־אָהַבְתִּי
נֶהְפְּכוּ־בִי׃
בְּעוֺרִי וּבִבְשָׂרִי דָּבְקָה עַצְמִי
וָאֶתְמַלְּטָה בְּעוֺר שִׁנָּי׃
חָנֻּנִי חָנֻּנִי אַתֶּם רֵעָי כִּי
יַד־אֱלוֺהַּ נָגְעָה בִּי׃
לָמָּה תִּרְדְּפֻנִי כְמוֺ־אֵל וּמִבְּשָׂרִי
לֹא תִשְׂבָּעוּ׃
מִי־יִתֵּן אֵפוֺ וְיִכָּתְבוּן מִלָּי
מִי־יִתֵּן בַּסֵּפֶר וְיֻחָקוּ׃
בְּעֵט־בַּרְזֶל וְעֹפָרֶת לָעַד בַּצּוּר
יֵחָצְבוּן׃
וַאֲנִי יָדַעְתִּי גֺּאֲלִי חָי וְאַחֲרוֺן
עַל־עָפָר יָקוּם׃
וְאַחַר עוֺרִי נִקְּפוּ־זֺאת וּמִבְּשָׂרִי
אֶחֱזֶה אֱלוֺהַּ׃
אֲשֶׁר אֲנִי אֶחֱזֶה־לִּי וְעֵינַי
רָאוּ וְלֹא־זָר כָּלוּ כִלְיֺתַי
בְּחֵקִי׃
כִּי תֹאמְרוּ מַה־נִּרְדָּפ־לוֺ וְשֹׁרֶשׁ
דָּבָר נִמְצָא־בִי׃
גּוּרוּ לָכֶם מִפְּנֵי־חֶרֶב כִּי־חֵמָה
עֲוֺנֺות חָרֶב לְמַעַן תֵּדְעוּן 1 שַׁדִּין 2 שַׁדּוּן׃
ס