וְעַתָּה שָׂחֲקוּ עָלַי צְעִירִים
מִמֶּנִּי לְיָמִים אֲשֶׁר־מָאַסְתִּי
אֲבוֺתָם לָשִׁית עִמ־כַּלְבֵי צֹאנִי׃
גַּמ־כֹּחַ יְדֵיהֶם לָמָּה לִּי עָלֵימוֺ
אָבַד כָּלַח׃
בְּחֶסֶר וּבְכָפָן גַּלְמוּד הַעֹרְקִים
צִיָּה אֶמֶשׁ שׁוֺאָה וּמְשֹׁאָה׃
הַקֹּטְפִים מַלּוּחַ עֲלֵי־שִׂיחַ וְשֹׁרֶשׁ
רְתָמִים לַחְמָם׃
מִנ־גֵּו יְגֺרָשׁוּ יָרִיעוּ עָלֵימוֺ
כַּגַּנָּב׃
בַּעֲרוּץ נְחָלִים לִשְׁכֹּן חֹרֵי
עָפָר וְכֵפִים׃
בֵּינ־שִׂיחִים יִנְהָקוּ תַּחַת חָרוּל
יְסֻפָּחוּ׃
בְּנֵי־נָבָל גַּמ־בְּנֵי בְלִי־שֵׁם
נִכְּאוּ מִנ־הָאָרֶץ׃
וְעַתָּה נְגִינָתָם הָיִיתִי וָאֱהִי
לָהֶם לְמִלָּה׃
תִּעֲבוּנִי רָחֲקוּ מֶנִּי וּמִפָּנַי
לֹא־חָשְׂכוּ רֹק׃
כִּי־יִתְרוֺ 2 יִתְרִי פִתַּח וַיְעַנֵּנִי
וְרֶסֶן מִפָּנַי שִׁלֵּחוּ׃
עַל־יָמִין פִּרְחַח יָקוּמוּ רַגְלַי
שִׁלֵּחוּ וַיָּסֹלּוּ עָלַי אָרְחוֺת
אֵידָם׃
נָתְסוּ נְתִיבָתִי לְהַוָּתִי־יֺעִילוּ
לֹא עֹזֵר לָמוֺ׃
כְּפֶרֶץ רָחָב יֶאֱתָיוּ תַּחַת שֹׁאָה
הִתְגַּלְגָּלוּ׃
הָהְפַּך עָלַי בַּלָּהוֺת תִּרְדֹּף כָּרוּחַ
נְדִבָתִי וּכְעָב עָבְרָה יְשֻׁעָתִי׃
וְעַתָּה עָלַי תִּשְׁתַּפֵּך נַפְשִׁי יֺאחֲזוּנִי
יְמֵי־עֹנִי׃
לַיְלָה עֲצָמַי נִקַּר מֵעָלָי וְעֹרְקַי
לֹא יִשְׁכָּבוּן׃
בְּרָב־כֹּחַ יִתְחַפֵּשׂ לְבוּשִׁי כְּפִי
כֻתָּנְתִּי יַאַזְרֵנִי׃
הֹרָנִי לַחֹמֶר וָאֶתְמַשֵּׁל כֶּעָפָר
וָאֵפֶר׃
אֲשַׁוַּע אֵלֶיךָ וְלֹא תַעֲנֵנִי עָמַדְתִּי
וַתִּתְבֹּנֶן בִּי׃
תֵּהָפֵך לְאַכְזָר לִי בְּעֹצֶם יָדְךָ
תִשְׂטְמֵנִי׃
תִּשָּׂאֵנִי אֶל־רוּחַ תַּרְכִּיבֵנִי
וּתְמֹגְגֵנִי 1 תְּשֻׁוָּה 2 תּוּשִׁיָּה׃
כִּי־יָדַעְתִּי מָוֶת תְּשִׁיבֵנִי וּבֵית
מוֺעֵד לְכָל־חָי׃
אַך לֹא־בְעִי יִשְׁלַח־יָד אִמ־בְּפִידוֺ
לָהֶן שׁוּעַ׃
אִמ־לֹא בָכִיתִי לִקְשֵׁה־יֺום
עָגְמָה נַפְשִׁי לָאֶבְיֺון׃
כִּי טוֺב קִוִּיתִי וַיָּבֹא רָע
וַאֲיַחֲלָה לְאוֺר וַיָּבֹא אֹפֶל׃
מֵעַי רֻתְּחוּ וְלֹא־דָמּוּ קִדְּמֻנִי
יְמֵי־עֹנִי׃
קֹדֵר הִלַּכְתִּי בְּלֹא חַמָּה קַמְתִּי
בַקָּהָל אֲשַׁוֵּעַ׃
אָח הָיִיתִי לְתַנִּים וְרֵעַ לִבְנֺות
יַעֲנָה׃
עוֺרִי שָׁחַר מֵעָלָי וְעַצְמִי־חָרָה
מִנִּי־חֹרֶב׃
וַיְהִי לְאֵבֶל כִּנֺּרִי וְעֻגָבִי
לְקוֺל בֹּכִים׃