וַיַּעַן אִיֺּוב וַיֺּאמַר׃
אָמְנָם יָדַעְתִּי כִי־כֵן וּמַה־יִּצְדַּק
אֱנֺושׁ עִמ־אֵל׃
אִמ־יַחְפֹּץ לָרִיב עִמּוֺ לֹא־יַעֲנֶנּוּ
אַחַת מִנִּי־אָלֶף׃
חֲכַם לֵבָב וְאַמִּיץ כֹּחַ מִי־הִקְשָׁה
אֵלָיו וַיִּשְׁלָם׃
הַמַּעְתִּיק הָרִים וְלֹא יָדָעוּ
אֲשֶׁר הֲפָכָם בְּאַפּוֺ׃
הַמַּרְגִּיז אֶרֶץ מִמְּקוֺמָהּ וְעַמּוּדֶיהָ
יִתְפַלָּצוּן׃
הָאֹמֵר לַחֶרֶס וְלֹא יִזְרָח וּבְעַד
כּוֺכָבִים יַחְתֹּם׃
נֺטֶה שָׁמַיִם לְבַדּוֺ וְדוֺרֵך עַל־בָּמֳתֵי
יָם׃
עֹשֶׂה־עָשׁ כְּסִיל וְכִימָה וְחַדְרֵי
תֵמָן׃
עֹשֶׂה גְדֹלוֺת עַד־אֵין חֵקֶר
וְנִפְלָאוֺת עַד־אֵין מִסְפָּר׃
הֵן יַעֲבֹר עָלַי וְלֹא אֶרְאֶה
וְיַחֲלֹף וְלֹא־אָבִין לוֺ׃
הֵן יַחְתֹּף מִי יְשִׁיבֶנּוּ מִי־יֺאמַר
אֵלָיו מַה־תַּעֲשֶׂה׃
אֱלוֺהַּ לֹא־יָשִׁיב אַפּוֺ 1 תַּחַתוֺ 2 תַּחְתָּיו
שָׁחֲחוּ עֹזְרֵי רָהַב׃
אַף כִּי־אָנֺכִי אֶעֱנֶנּוּ אֶבְחֲרָה
דְבָרַי עִמּוֺ׃
אֲשֶׁר אִמ־צָדַקְתִּי לֹא אֶעֱנֶה
לִמְשֹׁפְטִי אֶתְחַנָּן׃
אִמ־קָרָאתִי וַיַּעֲנֵנִי לֹא־אַאֲמִין
כִּי־יַאֲזִין קוֺלִי׃
אֲשֶׁר־בִּשְׂעָרָה יְשׁוּפֵנִי וְהִרְבָּה
פְצָעַי חִנָּם׃
לֹא־יִתְּנֵנִי הָשֵׁב רוּחִי כִּי
יַשְׂבִּעַנִי מַמְּרֹרִים׃
אִמ־לְכֹחַ אַמִּיץ הִנֵּה וְאִמ־לְמִשְׁפָּט
מִי יֺועִידֵנִי׃
אִמ־אֶצְדָּק פִּי יַרְשִׁיעֵנִי תָּמ־אָנִי
וַיַּעְקְשֵׁנִי׃
תָּמ־אָנִי לֹא־אֵדַע נַפְשִׁי אֶמְאַס
חַיָּי׃
אַחַת הִיא עַל־כֵּן אָמַרְתִּי תָּם
וְרָשָׁע הוּא מְכַלֶּה׃
אִמ־שׁוֺט יָמִית פִּתְאֹם לְמַסַּת
נְקִיִּם יִלְעָג׃
אֶרֶץ נִתְּנָה בְיַד־רָשָׁע פְּנֵי־שֹׁפְטֶיהָ
יְכַסֶּה אִמ־לֹא אֵפוֺא מִי־הוּא׃
וְיָמַי קַלּוּ מִנִּי־רָץ בָּרְחוּ
לֹא־רָאוּ טוֺבָה׃
חָלְפוּ עִמ־אֳנִיֺּות אֵבֶה כְּנֶשֶׁר
יָטוּשׂ עֲלֵי־אֹכֶל׃
אִמ־אָמְרִי אֶשְׁכְּחָה שִׂיחִי אֶעֶזְבָה
פָנַי וְאַבְלִיגָה׃
יָגֺרְתִּי כָל־עַצְּבֹתָי יָדַעְתִּי
כִּי־לֹא תְנַקֵּנִי׃
אָנֺכִי אֶרְשָׁע לָמָּה־זֶּה הֶבֶל
אִיגָע׃
אִמ־הִתְרָחַצְתִּי 1 בְמוֺ 2 בְמֵי־שָׁלֶג
וַהֲזִכּוֺתִי בְּבֹר כַּפָּי׃
אָז בַּשַּׁחַת תִּטְבְּלֵנִי וְתִעֲבוּנִי
שַׂלְמוֺתָי׃
כִּי־לֹא־אִישׁ כָּמֹנִי אֶעֱנֶנּוּ
נָבוֺא יַחְדָּו בַּמִּשְׁפָּט׃
לֹא יֵשׁ־בֵּינֵינוּ מוֺכִיחַ יָשֵׁת
יָדוֺ עַל־שְׁנֵינוּ׃
יָסֵר מֵעָלַי שִׁבְטוֺ וְאֵמָתוֺ אַל־תְּבַעֲתַנִּי׃
אַדַבְּרָה וְלֹא אִירָאֶנּוּ כִּי
לֹא־כֵן אָנֺכִי עִמָּדִי׃