פַּלְגֵי־מַיִם לֶב־מֶלֶך בְּיַד־יְהוָה
עַל־כָּל־אֲשֶׁר יַחְפֹּץ יַטֶּנּוּ׃
כָּל־דֶּרֶכְ־אִישׁ יָשָׁר בְּעֵינָיו
וְתֹכֵן לִבּוֺת יְהוָה׃
עֲשֹׂה צְדָקָה וּמִשְׁפָּט נִבְחָר
לַיהוָה מִזָּבַח׃
רוּמ־עֵינַיִם וּרְחַב־לֵב נִר
רְשָׁעִים חַטָּאת׃
מַחְשְׁבוֺת חָרוּץ אַכְ־לְמוֺתָר
וְכָל־אָץ אַכְ־לְמַחְסוֺר׃
פֹּעַל אוֺצָרוֺת בִּלְשׁוֺן שָׁקֶר
הֶבֶל נִדָּף מְבַקְשֵׁי־מָוֶת׃
שֹׁד־רְשָׁעִים יְגֺורֵם כִּי מֵאֲנוּ
לַעֲשׂוֺת מִשְׁפָּט׃
הֲפַכְפַּך דֶּרֶך אִישׁ וָזָר וְזַך
יָשָׁר פָּעֳלוֺ׃
טוֺב לָשֶׁבֶת עַל־פִּנַּת־גָּג מֵאֵשֶׁת
מִדְיָנִים וּבֵית חָבֶר׃
נֶפֶשׁ רָשָׁע אִוְּתָה־רָע לֹא־יֻחַן
בְּעֵינָיו רֵעֵהוּ׃
בַּעְנָשׁ־לֵץ יֶחְכַּמ־פֶּתִי וּבְהַשְׂכִּיל
לְחָכָם יִקַּח־דָּעַת׃
מַשְׂכִּיל צַדִּיק לְבֵית רָשָׁע מְסַלֵּף
רְשָׁעִים לָרָע׃
אֹטֵם אָזְנֺו מִזַּעֲקַת־דָּל גַּמ־הוּא
יִקְרָא וְלֹא יֵעָנֶה׃
מַתָּן בַּסֵּתֶר יִכְפֶּה־אָף וְשֹׁחַד
בַּחֵק חֵמָה עַזָּה׃
שִׂמְחָה לַצַּדִּיק עֲשׂוֺת מִשְׁפָּט
וּמְחִתָּה לְפֹעֲלֵי אָוֶן׃
אָדָם תּוֺעֶה מִדֶּרֶך הַשְׂכֵּל בִּקְהַל
רְפָאִים יָנוּחַ׃
אִישׁ מַחְסוֺר אֹהֵב שִׂמְחָה אֹהֵב
יַיִנ־וָשֶׁמֶן לֹא יַעֲשִׁיר׃
כֹּפֶר לַצַּדִּיק רָשָׁע וְתַחַת יְשָׁרִים
בּוֺגֵד׃
טוֺב שֶׁבֶת בְּאֶרֶצ־מִדְבָּר מֵאֵשֶׁת 1 מְדוֺנִים 2 מִדְיָנִים
וָכָעַס׃
אוֺצָר נֶחְמָד וָשֶׁמֶן בִּנְוֵה חָכָם
וּכְסִיל אָדָם יְבַלְּעֶנּוּ׃
רֹדֵף צְדָקָה וָחָסֶד יִמְצָא חַיִּים
צְדָקָה וְכָבוֺד׃
עִיר גִּבֹּרִים עָלָה חָכָם וַיֺּרֶד
עֹז מִבְטֶחָה׃
שֹׁמֵר פִּיו וּלְשׁוֺנֺו שֹׁמֵר מִצָּרוֺת
נַפְשׁוֺ׃
זֵד יָהִיר לֵץ שְׁמוֺ עוֺשֶׂה בְּעֶבְרַת
זָדוֺן׃
תַּאֲוַת עָצֵל תְּמִיתֶנּוּ כִּי־מֵאֲנוּ
יָדָיו לַעֲשׂוֺת׃
כָּל־הַיֺּום הִתְאַוָּה תַאֲוָה וְצַדִּיק
יִתֵּן וְלֹא יַחְשֹׂך׃
זֶבַח רְשָׁעִים תּוֺעֵבָה אַף כִּי־בְזִמָּה
יְבִיאֶנּוּ׃
עֵד־כְּזָבִים יֺאבֵד וְאִישׁ שׁוֺמֵעַ
לָנֶצַח יְדַבֵּר׃
הֵעֵז אִישׁ רָשָׁע בְּפָנָיו וְיָשָׁר
הוּא 1 יָכִין 2 יָבִין 1 דְּרָכָיו 2 דַּרְכּוֺ׃
אֵין חָכְמָה וְאֵין תְּבוּנָה וְאֵין
עֵצָה לְנֶגֶד יְהוָה׃ ף
סוּס מוּכָן לְיֺום מִלְחָמָה וְלַיהוָה
הַתְּשׁוּעָה׃