Jud 18

Full text search

Jud 18
Jud 18.1
בַּיָּמִים הָהֵם אֵין מֶלֶך בְּיִשְׂרָאֵל
וּבַיָּמִים הָהֵם שֵׁבֶט הַדָּנִי מְבַקֶּשׁ־לוֺ
נַחֲלָה לָשֶׁבֶת כִּי לֹא־נָפְלָה
לּוֺ עַד־הַיֺּום הַהוּא בְּתוֺכְ־שִׁבְטֵי
יִשְׂרָאֵל בְּנַחֲלָה׃ ס
Sz K K2 R R2 E D D2 H H# G G# L
Jud 18.2
וַיִּשְׁלְחוּ בְנֵי־דָן מִמִּשְׁפַּחְתָּם
חֲמִשָּׁה אֲנָשִׁים מִקְצוֺתָם אֲנָשִׁים
בְּנֵי־חַיִל מִצָּרְעָה וּמֵאֶשְׁתָּאֹל
לְרַגֵּל אֶת־הָאָרֶץ וּלְחָקְרָהּ וַיֺּאמְרוּ
אֲלֵהֶם לְכוּ חִקְרוּ אֶת־הָאָרֶץ
וַיָּבֹאוּ הַר־אֶפְרַיִם עַד־בֵּית
מִיכָה וַיָּלִינוּ שָׁם׃
Sz K K2 R R2 E D D2 H H# G G# L
Jud 18.3
הֵמָּה עִמ־בֵּית מִיכָה וְהֵמָּה
הִכִּירוּ אֶת־קוֺל הַנַּעַר הַלֵּוִי
וַיָּסוּרוּ שָׁם וַיֺּאמְרוּ לוֺ
מִי־הֱבִיאֲךָ הֲלֹם וּמָה־אַתָּה
עֹשֶׂ בָּזֶה וּמַה־לְּךָ פֹה׃
Sz K K2 R R2 E D D2 H H# G G# L
Jud 18.4
וַיֺּאמֶר אֲלֵהֶם כָּזֺה וְכָזֶה עָשָׂה
לִי מִיכָה וַיִּשְׂכְּרֵנִי וָאֱהִי־לוֺ
לְכֹהֵן׃
Sz K K2 R R2 E D D2 H H# G G# L
Jud 18.5
וַיֺּאמְרוּ לוֺ שְׁאַל־נָא בֵאלֹהִים
וְנֵדְעָה הֲתַצְלִיחַ דַּרְכֵּנוּ אֲשֶׁר
אֲנַחְנוּ הֹלְכִים עָלֶיהָ׃
Sz K K2 R R2 E D D2 H H# G G# L
Jud 18.6
וַיֺּאמֶר לָהֶם הַכֹּהֵן לְכוּ לְשָׁלוֺם
נֺכַח יְהוָה דַּרְכְּכֶם אֲשֶׁר תֵּלְכוּ־בָהּ׃
ף
Sz K K2 R R2 E D D2 H H# G G# L
Jud 18.7
וַיֵּלְכוּ חֲמֵשֶׁת הָאֲנָשִׁים וַיָּבֹאוּ
לָיְשָׁה וַיִּרְאוּ אֶת־הָעָם אֲשֶׁר־בְּקִרְבָּהּ
יֺושֶׁבֶת־לָבֶטַח כְּמִשְׁפַּט צִדֹנִים
שֹׁקֵט וּבֹטֵחַ וְאֵינ־מַכְלִים
דָּבָר בָּאָרֶץ יֺורֵשׁ עֶצֶר וּרְחֹקִים
הֵמָּה מִצִּדֹנִים וְדָבָר אֵינ־לָהֶם
עִמ־אָדָם׃
Sz K K2 R R2 E D D2 H H# G G# L
Jud 18.8
וַיָּבֹאוּ אֶל־אֲחֵיהֶם צָרְעָה וְאֶשְׁתָּאֹל
וַיֺּאמְרוּ לָהֶם אֲחֵיהֶם מָה אַתֶּם׃
Sz K K2 R R2 E D D2 H H# G G# L
Jud 18.9
וַיֺּאמְרוּ קוּמָה וְנַעֲלֶה עֲלֵיהֶם
כִּי רָאִינוּ אֶת־הָאָרֶץ וְהִנֵּה
טוֺבָה מְאֹד וְאַתֶּם מַחְשִׁים אַל־תֵּעָצְלוּ
לָלֶכֶת לָבֹא לָרֶשֶׁ אֶת־הָאָרֶץ׃
Sz K K2 R R2 E D D2 H H# G G# L
Jud 18.10
כְּבֹאֲכֶם תָּבֹאוּ אֶל־עַם בֹּטֵחַ
וְהָאָרֶץ רַחֲבַת יָדַיִם כִּי־נְתָנָהּ
אֱלֹהִים בְּיֶדְכֶם מָקוֺם אֲשֶׁר
אֵינ־שָׁם מַחְסוֺר כָּל־דָּבָר
אֲשֶׁר בָּאָרֶץ׃
Sz K K2 R R2 E D D2 H H# G G# L
Jud 18.11
וַיִּסְעוּ מִשָּׁם מִמִּשְׁפַּחַת הַדָּנִי
מִצָּרְעָה וּמֵאֶשְׁתָּאֹל שֵׁשׁ־מֵאוֺת
אִישׁ חָגוּר כְּלֵי מִלְחָמָה׃
Sz K K2 R R2 E D D2 H H# G G# L
Jud 18.12
וַיַּעֲלוּ וַיַּחֲנוּ בְּקִרְיַת יְעָרִים
בִּיהוּדָה עַל־כֵּן קָרְאוּ לַמָּקוֺם
הַהוּא מַחֲנֵה־דָן עַד הַיֺּום
הַזֶּה הִנֵּה אַחֲרֵי קִרְיַת יְעָרִים׃
Sz K K2 R R2 E D D2 H H# G G# L
Jud 18.13
וַיַּעַבְרוּ מִשָּׁם הַר־אֶפְרָיִם
וַיָּבֹאוּ עַד־בֵּית מִיכָה׃
Sz K K2 R R2 E D D2 H H# G G# L
Jud 18.14
וַיַּעֲנוּ חֲמֵשֶׁת הָאֲנָשִׁים הַהֹלְכִים
לְרַגֵּל אֶת־הָאָרֶץ לַיִשׁ וַיֺּאמְרוּ
אֶל־אֲחֵיהֶם הַיְדַעְתֶּם כִּי יֵשׁ
בַּבָּתִּים הָאֵלֶּה אֵפוֺד וּתְרָפִים
וּפֶסֶל וּמַסֵּכָה וְעַתָּה דְּעוּ מַה־תַּעֲשׂוּ׃
Sz K K2 R R2 E D D2 H H# G G# L
Jud 18.15
וַיָּסוּרוּ שָׁמָּה וַיָּבֹאוּ אֶל־בֵּית־הַנַּעַר
הַלֵּוִי בֵּית מִיכָה וַיִּשְׁאֲלוּ־לוֺ
לְשָׁלוֺם׃
Sz K K2 R R2 E D D2 H H# G G# L
Jud 18.16
וְשֵׁשׁ־מֵאוֺת אִישׁ חֲגוּרִים כְּלֵי
מִלְחַמְתָּם נִצָּבִים פֶּתַח הַשָּׁעַר
אֲשֶׁר מִבְּנֵי־דָן׃
Sz K K2 R R2 E D D2 H H# G G# L
Jud 18.17
וַיַּעֲלוּ חֲמֵשֶׁת הָאֲנָשִׁים הַהֹלְכִים
לְרַגֵּל אֶת־הָאָרֶץ בָּאוּ שָׁמָּה
לָקְחוּ אֶת־הַפֶּסֶל וְאֶת־הָאֵפוֺד
וְאֶת־הַתְּרָפִים וְאֶת־הַמַּסֵּכָה
וְהַכֹּהֵן נִצָּב פֶּתַח הַשַּׁעַר וְשֵׁשׁ־מֵאוֺת
הָאִישׁ הֶחָגוּר כְּלֵי הַמִּלְחָמָה׃
Sz K K2 R R2 E D D2 H H# G G# L
Jud 18.18
וְאֵלֶּה בָּאוּ בֵּית מִיכָה וַיִּקְחוּ
אֶת־פֶּסֶל הָאֵפוֺד וְאֶת־הַתְּרָפִים
וְאֶת־הַמַּסֵּכָה וַיֺּאמֶר אֲלֵיהֶם
הַכֹּהֵן מָה אַתֶּם עֹשִׂים׃
Sz K K2 R R2 E D D2 H H# G G# L
Jud 18.19
וַיֺּאמְרוּ לוֺ הַחֲרֵשׁ שִׂימ־יָדְךָ
עַל־פִּיךָ וְלֵך עִמָּנוּ וֶהְיֵה־לָנוּ
לְאָב וּלְכֹהֵן הֲטוֺב הֱיֺותְךָ
כֹהֵן לְבֵית אִישׁ אֶחָדאוֺ הֱיֺותְךָ
כֹהֵן לְשֵׁבֶט וּלְמִשְׁפָּחָה בְּיִשְׂרָאֵל׃
Sz K K2 R R2 E D D2 H H# G G# L
Jud 18.20
וַיִּיטַב לֵב הַכֹּהֵן וַיִּקַּח אֶת־הָאֵפוֺד
וְאֶת־הַתְּרָפִים וְאֶת־הַפָּסֶל
וַיָּבֹא בְּקֶרֶב הָעָם׃
Sz K K2 R R2 E D D2 H H# G G# L
Jud 18.21
וַיִּפְנוּ וַיֵּלֵכוּ וַיָּשִׂימוּ אֶת־הַטַּף
וְאֶת־הַמִּקְנֶה וְאֶת־הַכְּבוּדָּה
לִפְנֵיהֶם׃
Sz K K2 R R2 E D D2 H H# G G# L
Jud 18.22
הֵמָּה הִרְחִיקוּ מִבֵּית מִיכָה
וְהָאֲנָשִׁים אֲשֶׁר בַּבָּתִּים אֲשֶׁר
עִמ־בֵּית מִיכָה נִזְעֲקוּ וַיַּדְבִּיקוּ
אֶת־בְּנֵי־דָן׃
Sz K K2 R R2 E D D2 H H# G G# L
Jud 18.23
וַיִּקְרְאוּ אֶל־בְּנֵי־דָן וַיַּסֵּבּוּ
פְּנֵיהֶם וַיֺּאמְרוּ לְמִיכָה מַה־לְּךָ
כִּי נִזְעָקְתָּ׃
Sz K K2 R R2 E D D2 H H# G G# L
Jud 18.24
וַיֺּאמֶר אֶת־אֱלֹהַי אֲשֶׁר־עָשִׂיתִי
לְקַחְתֶּם וְאֶת־הַכֹּהֵן וַתֵּלְכוּ
וּמַה־לִּי עוֺד וּמַה־זֶּה תֹּאמְרוּ
אֵלַי מַה־לָּך׃
Sz K K2 R R2 E D D2 H H# G G# L
Jud 18.25
וַיֺּאמְרוּ אֵלָיו בְּנֵי־דָן אַל־תַּשְׁמַע
קוֺלְךָ עִמָּנוּ פֶּנ־יִפְגְּעוּ בָכֶם
אֲנָשִׁים מָרֵי נֶפֶשׁ וְאָסַפְתָּה
נַפְשְׁךָ וְנֶפֶשׁ בֵּיתֶךָ׃
Sz K K2 R R2 E D D2 H H# G G# L
Jud 18.26
וַיֵּלְכוּ בְנֵי־דָן לְדַרְכָּם וַיַּרְא
מִיכָה כִּי־חֲזָקִים הֵמָּה מִמֶּנּוּ
וַיִּפֶן וַיָּשָׁב אֶל־בֵּיתוֺ׃
Sz K K2 R R2 E D D2 H H# G G# L
Jud 18.27
וְהֵמָּה לָקְחוּ אֵת אֲשֶׁר־עָשָׂה
מִיכָה וְאֶת־הַכֹּהֵן אֲשֶׁר הָיָה־לוֺ
וַיָּבֹאוּ עַל־לַיִשׁ עַל־עַם שֹׁקֵט
וּבֹטֵחַ וַיַּכּוּ אוֺתָם לְפִי־חָב
וְאֶת־הָעִיר שָׂרְפוּ בָאֵשׁ׃
Sz K K2 R R2 E D D2 H H# G G# L
Jud 18.28
וְאֵין מַצִּיל כִּי רְחוֺקָה־הִיא
מִצִּידוֺן וְדָבָר אֵינ־לָהֶם עִמ־אָדָם
וְהִיא בָּעֵמֶק אֲשֶׁר לְבֵית־רְחוֺב
וַיִּבְנוּ אֶת־הָעִיר וַיֵּשְׁבוּ בָהּ׃
Sz K K2 R R2 E D D2 H H# G G# L
Jud 18.29
וַיִּקְרְאוּ שֵׁמ־הָעִיר דָּן בְּשֵׁם
דָּן אֲבִיהֶם אֲשֶׁר יוּלַּד לְיִשְׂרָאֵל
וְאוּלָם לַיִשׁ שֵׁמ־הָעִיר לָרִאשֹׁנָה׃
Sz K K2 R R2 E D D2 H H# G G# L
Jud 18.30
וַיָּקִימוּ לָהֶם בְּנֵי־דָן אֶת־הַפָּסֶל
וִיהוֺנָתָן בֶּנ־גֵּרְשֹׁם בֶּנ־מְנַשֶּׁה
הוּא וּבָנָיו הָיוּ כֹהֲנִים לְשֵׁבֶט
הַדָּנִי עַד־יֺום גְּלוֺת אָרֶץ׃
Sz K K2 R R2 E D D2 H H# G G# L
Jud 18.31
וַיָּשִׂימוּ לָהֶם אֶת־פֶּסֶל מִיכָה
אֲשֶׁר עָשָׂה כָּל־יְמֵי הֱיֺות
בֵּית־הָאֱלֹהִים בְּשִׁלֹה׃ ף
Sz K K2 R R2 E D D2 H H# G G# L

 

 

Noviny Arcanum
Noviny Arcanum

Podívejte se, co o tomto tématu napsaly noviny za posledních 250 let!

Zobrazit

Arcanum logo

Arcanum Adatbázis Kft. je předním poskytovatelem obsahu v Maďarsku, které zahájilo svou činnost 1. ledna 1989. Společnost se zabývá rozsáhlou digitalizací, správou databází a vydáváním kulturního obsahu.

O nás Kontakt Tisková místnost

Databázy

Noviny Arcanum

Mapy Arcanum

Hungaricana

Technologie

Digitalizace

Historické mapy

Umělá inteligence

Languages







Noviny Arcanum

Noviny Arcanum
Podívejte se, co o tomto tématu napsaly noviny za posledních 250 let!

Zobrazit