Jer 49

Full text search

Jer 49
Jer 49.1
לִבְנֵי עַמּוֺן כֹּה אָמַר יְהוָה
הֲבָנִים אֵין לְיִשְׂרָאֵל אִמ־יֺורֵשׁ
אֵין לוֺ מַדּוּעַ יָרַשׁ מַלְכָּם
אֶת־גָּד וְעַמּוֺ בְּעָרָיו יָשָׁב׃
Jer 49.2
לָכֵן הִנֵּה יָמִים בָּאִים נְאֻמ־יְהוָה
וְהִשְׁמַעְתִּי אֶל־רַבַּת בְּנֵי־עַמּוֺן
תְּרוּעַת מִלְחָמָה וְהָיְתָה לְתֵל
שְׁמָמָה וּבְנֺתֶיהָ בָּאֵשׁ תִּצַּתְנָה
וְיָרַשׁ יִשְׂרָאֵל אֶת־יֺרְשָׁיו אָמַר
יְהוָה׃
Jer 49.3
הֵילִילִי חֶשְׁבּוֺן כִּי שֻׁדְּדָה־עַי
צְעַקְנָה בְּנֺות רַבָּה חֲגֺרְנָה
שַׂקִּים סְפֹדְנָה וְהִתְשׁוֺטַטְנָה
בַּגְּדֵרוֺת כִּי מַלְכָּם בַּגֺּולָה
יֵלֵך כֹּהֲנָיו וְשָׂרָיו יַחְדָּיו׃
Jer 49.4
מַה־תִּתְהַלְלִי בָּעֲמָקִים זָב עִמְקֵך
הַבַּת הַשּׁוֺבֵבָה הַבֹּטְחָה בְּאֹצְרֹתֶיהָ
מִי יָבוֺא אֵלָי׃
Jer 49.5
הִנְנִי מֵבִיא עָלַיִך פַּחַד נְאֻמ־אֲדֹנָי
יְהוִה צְבָאוֺת מִכָּל־סְבִיבָיִך
וְנִדַּחְתֶּם אִישׁ לְפָנָיו וְאֵין
מְקַבֵּץ לַנֺּדֵד׃
Jer 49.6
וְאַחֲרֵי־כֵן אָשִׁיב אֶת־שְׁבוּת
בְּנֵי־עַמּוֺן נְאֻמ־יְהוָה׃ ס
Jer 49.7
לֶאֱדוֺם כֹּה אָמַר יְהוָה צְבָאוֺת
הַאֵין עוֺד חָכְמָה בְּתֵימָן
אָבְדָה עֵצָה מִבָּנִים נִסְרְחָה
חָכְמָתָם׃
Jer 49.8
נֻסוּ הָפְנוּ הֶעְמִיקוּ לָשֶׁבֶת
יֺשְׁבֵי דְּדָן כִּי אֵיד עֵשָׂו
הֵבֵאתִי עָלָיו עֵת פְּקַדְתִּיו׃
Jer 49.9
אִמ־בֹּצְרִים בָּאוּ לָך לֹא יַשְׁאִרוּ
עוֺלֵלוֺת אִמ־גַּנָּבִים בַּלַּיְלָה
הִשְׁחִיתוּ דַיָּם׃
Jer 49.10
כִּי־אֲנִי חָשַׂפְתִּי אֶת־עֵשָׂו גִּלֵּיתִי
אֶת־מִסְתָּרָיו וְנֶחְבָּה לֹא יוּכָל
שֻׁדַּד זַרְעוֺ וְאֶחָיו וּשְׁכֵנָיו
וְאֵינֶנּוּ׃
Jer 49.11
עָזְבָה יְתֹמֶיךָ אֲנִי אֲחַיֶּה וְאַלְמְנֺתֶיךָ
עָלַי תִּבְטָחוּ׃ ס
Jer 49.12
כִּי־כֹה אָמַר יְהוָה הִנֵּה אֲשֶׁר־אֵין
מִשְׁפָּטָם לִשְׁתּוֺת הַכּוֺס שָׁתוֺ
יִשְׁתּוּ וְאַתָּה הוּא נָקֹה תִּנָּקֶה
לֹא תִנָּקֶה כִּי שָׁתֹה תִּשְׁתֶּה׃
Jer 49.13
כִּי בִי נִשְׁבַּעְתִּי נְאֻמ־יְהוָה
כִּי־לְשַׁמָּה לְחֶרְפָּה לְחֹרֶב וְלִקְלָלָה
תִּהְיֶה בָצְרָה וְכָל־עָרֶיהָ תִהְיֶינָה
לְחָרְבוֺת עוֺלָם׃
Jer 49.14
שְׁמוּעָה שָׁמַעְתִּי מֵאֵת יְהוָה
וְצִיר בַּגֺּויִם שָׁלוּחַ הִתְקַבְּצוּ
וּבֹאוּ עָלֶיהָ וְקוּמוּ לַמִּלְחָמָה׃
Jer 49.15
כִּי־הִנֵּה קָטֹן נְתַתִּיךָ בַּגֺּויִם
בָּזוּי בָּאָדָם׃
Jer 49.16
תִּפְלַצְתְּךָ הִשִּׁיא אֹתָך זְדוֺן
לִבֶּךָ שֹׁכְנִי בְּחַגְוֵי הַסֶּלַע
תֹּפְשִׂי מְרוֺם גִּבְעָה כִּי־תַגְבִּיהַ
כַּנֶּשֶׁר קִנֶּךָ מִשָּׁם אוֺרִידְךָ נְאֻמ־יְהוָה׃
Jer 49.17
וְהָיְתָה אֱדוֺם לְשַׁמָּה כֹּל עֹבֵר
עָלֶיהָ יִשֹּׁם וְיִשְׁרֹק עַל־כָּל־מַכּוֺתֶהָ׃
Jer 49.18
כְּמַהְפֵּכַת סְדֹם וַעֲמֹרָה וּשְׁכֵנֶיהָ
אָמַר יְהוָה לֹא־יֵשֵׁב שָׁם אִישׁ
וְלֹא־יָגוּר בָּהּ בֶּנ־אָדָם׃
Jer 49.19
הִנֵּה כְּאַרְיֵה יַעֲלֶה מִגְּאוֺן
הַיַּרְדֵּן אֶל־נְוֵה אֵיתָן כִּי־אַרְגִּיעָה
אֲרִיצֶנּוּ מֵעָלֶיהָ וּמִי בָחוּר
אֵלֶיהָ אֶפְקֹד כִּי י כָמוֺנִי
וּמִי יֺעִידֶנִּי וּמִי־זֶה רֹעֶה
אֲשֶׁר יַעֲמֹד לְפָנָי׃ ס
Jer 49.20
לָכֵן שִׁמְעוּ עֲצַת־יְהוָה אֲשֶׁר
יָעַץ אֶל־אֱדוֺם וּמַחְשְׁבוֺתָיו
אֲשֶׁר חָשַׁב אֶל־יֺשְׁבֵי תֵימָן
אִמ־לֹא יִסְחָבוּם צְעִירֵי הַצֹּאן
אִמ־לֹ יַשִּׁים עֲלֵיהֶם נְוֵהֶם׃
Jer 49.21
מִקּוֺל נִפְלָם רָעֲשָׁה הָאָרֶץ צְעָקָה
בְּיַמ־סוּף נִשְׁמַע קוֺלָהּ׃
Jer 49.22
הִנֵּה כַנֶּשֶׁר יַעֲלֶה וְיִדְאֶה וְיִפְרֹשׂ
כְּנָפָיו עַל־בָּצְרָה וְהָיָה לֵב
גִּבּוֺרֵי אֱדוֺם בַּיֺּום הַהוּא
כְּלֵב אִשָּׁה מְצֵרָה׃ ס
Jer 49.23
לְדַמֶּשֶׂק בּוֺשָׁה חֲמָת וְאַרְפָּד
כִּי־שְׁמֻעָה רָעָה שָׁמְעוּ נָמֹגוּ
בַּיָּם דְּאָגָה הַשְׁקֵט לֹא יוּכָל׃
Jer 49.24
רָפְתָה דַמֶּשֶׂק הִפְנְתָה לָנוּס
וְרֶטֶט הֶחֱזִיקָה צָרָה וַחֲבָלִים
אֲחָזַתָּה כַּיֺּולֵדָה׃
Jer 49.25
אֵיך לֹא־עֻזְּבָה עִיר 1 תְּהִלָּה 2 תְּהִלָּת
קִרְיַת מְשׂוֺשִׂי׃
Jer 49.26
לָכֵן יִפְּלוּ בַחוּרֶיהָ בִּרְחֹבֹתֶיהָ
וְכָל־אַנְשֵׁי הַמִּלְחָמָה יִדַּמּוּ
בַּיֺּום הַהוּא נְאֻם יְהוָה צְבָאוֺת׃
Jer 49.27
וְהִצַּתִּי אֵשׁ בְּחוֺמַת דַּמָּשֶׂק וְאָכְלָה
אַרְמְנֺות בֶּנ־הֲדָד׃ ס
Jer 49.28
לְקֵדָר וּלְמַמְלְכוֺת חָצוֺר אֲשֶׁר
הִכָּה 1 נְבוּכַדְרֶאצּוֺר 2 נְבוּכַדְרֶאצַּר
מֶלֶכְ־בָּבֶל כֹּה אָמַר יְהוָה
קוּמוּ עֲלוּ אֶל־קֵדָר וְשָׁדוּ
אֶת־בְּנֵי־קֶדֶם׃
Jer 49.29
אָהֳלֵיהֶם וְצֹאנָם יִקָּחוּ יְרִיעוֺתֵיהֶם
וְכָל־כְּלֵיהֶם וּגְמַלֵּיהֶם יִשְׂאוּ
לָהֶם וְקָרְאוּ עֲלֵיהֶם מָגֺור
מִסָּבִיב׃
Jer 49.30
נֻסוּ נֻּדוּ מְאֹד הֶעְמִיקוּ לָשֶׁבֶת
יֺשְׁבֵי חָצוֺר נְאֻמ־יְהוָה כִּי־יָעַץ
עֲלֵיכֶם נְבוּכַדְרֶאצַּר מֶלֶכְ־בָּבֶל
עֵצָה וְחָשַׁב 1 עֲלֵיהֶם 2 עֲלֵיכֶם
מַחֲשָׁבָה׃
Jer 49.31
קוּמוּ עֲלוּ אֶל־גֺּוי שְׁלֵיו
יֺושֵׁב לָבֶטַח נְאֻמ־יְהוָה לֹא־דְלָתַיִם
וְלֹא־בְרִיחַ לוֺ בָּדָד יִשְׁכֹּנוּ׃
Jer 49.32
וְהָיוּ גְמַלֵּיהֶם לָבַז וַהֲמוֺן
מִקְנֵיהֶם לְשָׁלָל וְזֵרִתִים לְכָל־רוּחַ
קְצוּצֵי פֵאָה וּמִכָּל־עֲבָרָיו
אָבִיא אֶת־אֵידָם נְאֻמ־יְהוָה׃
Jer 49.33
וְהָיְתָה חָצוֺר לִמְעוֺן תַּנִּים
שְׁמָמָה עַד־עוֺלָם לֹא־יֵשֵׁב
שָׁם אִישׁ וְלֹא־יָגוּר בָּהּ בֶּנ־אָדָם׃
ס
Jer 49.34
אֲשֶׁר הָיָה דְבַר־יְהוָה אֶל־יִרְמְיָהוּ
הַנָּבִיא אֶל־עֵילָם בְּרֵאשִׁית
מַלְכוּת צִדְקִיָּה מֶלֶכְ־יְהוּדָה
לֵאמֹר׃
Jer 49.35
כֹּה אָמַר יְהוָה צְבָאוֺת הִנְנִי
שֹׁבֵר אֶת־קֶשֶׁת עֵילָם רֵאשִׁית
גְּבוּרָתָם׃
Jer 49.36
וְהֵבֵאתִי אֶל־עֵילָם אַרְבַּע רוּחוֺת
מֵאַרְבַּע קְצוֺת הַשָּׁמַיִם וְזֵרִתִים
לְכֹל הָרֻחוֺת הָאֵלֶּה וְלֹא־יִהְיֶה
הַגֺּוי אֲשֶׁר לֹא־יָבֹא שָׁם נִדְּחֵי 1 עוֺלָם 2 עֵילָם׃
Jer 49.37
וְהַחְתַּתִּי אֶת־עֵילָם לפְנֵי אֹיְבֵיהֶם
וְלִפְנֵי מְבַקְשֵׁי נַפְשָׁם וְהֵבֵאתִי
עֲלֵיהֶם רָעָה אֶת־חֲרוֺן אַפִּי
נְאֻמ־יְהוָה וְשִׁלַּחְתִּי אַחֲרֵיהֶם
אֶת־הַחֶרֶב עַד כַּלּוֺתִי אוֺתָם׃
Jer 49.38
וְשַׂמְתִּי כִסְאִי בְּעֵילָם וְהַאֲבַדְתִּי
מִשָּׁם מֶלֶך וְשָׂרִים נְאֻמ־יְהוָה׃
Jer 49.39
וְהָיָה בְּאַחֲרִית הַיָּמִים 1 אָשׁוּב 2 אָשִׁיב
אֶת־שְׁבִית 2 שְׁבוּת עֵילָם נְאֻמ־יְהוָה׃
ס

 

 

Noviny Arcanum
Noviny Arcanum

Podívejte se, co o tomto tématu napsaly noviny za posledních 250 let!

Zobrazit

Arcanum logo

Arcanum Adatbázis Kft. je předním poskytovatelem obsahu v Maďarsku, které zahájilo svou činnost 1. ledna 1989. Společnost se zabývá rozsáhlou digitalizací, správou databází a vydáváním kulturního obsahu.

O nás Kontakt Tisková místnost

Languages







Noviny Arcanum

Noviny Arcanum
Podívejte se, co o tomto tématu napsaly noviny za posledních 250 let!

Zobrazit