Ps 3
Ps 3
Ps 3.1
canticum David cum fugeret a facie Abessalon filii sui
Ps 3.2
Domine quare multiplicati sunt hostes mei multi consurgunt adversus me
Ps 3.3
multi dicunt animae meae non est salus huic in Deo semper
Ps 3.4
tu autem Domine clipeus circa me gloria mea et exaltans caput meum
Ps 3.5
voce mea ad Dominum clamabo et exaudiet me de monte sancto suo semper
Ps 3.6
ego dormivi et soporatus sum evigilavi quia Dominus sustentavit me
Ps 3.7
non timebo milia populi quae circumdederunt me surge Domine salvum me fac Deus meus
Ps 3.8
quia percussisti omnium inimicorum meorum maxillam dentes impiorum confregisti
Ps 3.9
Domini est salus super populum tuum benedictio tua semper
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
