Ps 4 | Biblia (Vulgata editionis)

Ps 4

Ps 4.1

victori in psalmis canticum David

Ps 4.2

invocante me exaudi me Deus iustitiae meae in tribulatione dilatasti mihi miserere mei et exaudi orationem meam

Ps 4.3

filii viri usquequo incliti mei ignominiose diligitis vanitatem quaerentes mendacium semper

Ps 4.4

et cognoscite quoniam mirabilem reddidit Dominus sanctum suum Dominus exaudiet cum clamavero ad eum

Ps 4.5

irascimini et nolite peccare loquimini in cordibus vestris super cubilia vestra et tacete semper

Ps 4.6

sacrificate sacrificium iustitiae et fidite in Domino multi dicunt quis ostendit nobis bonum

Ps 4.7

leva super nos lucem vultus tui Domine dedisti laetitiam in corde meo

Ps 4.8

in tempore frumentum et vinum eorum multiplicata sunt

Ps 4.9

in pace simul requiescam et dormiam

Ps 4.10

quia tu Domine specialiter securum habitare fecisti me

Sehen Sie, was die Zeitungen in den letzten 250 Jahren zu diesem Thema geschrieben haben!