2Chron 9

Full text search

2Chron 9
2Chron 9.1
וּמַלְכַּת־שְׁבָא שָׁמְעָה אֶת־שֵׁמַע
שְׁלֹמֹה וַתָּבוֺא לְנַסּוֺת אֶת־שְׁלֹמֹה
בְחִידוֺת בִּירוּשָׁלִַם בְּחַיִל כָּבֵד
מְאֹד וּגְמַלִּים נֺשְׂאִים שָׂמִים
וְזָהָב לָרֹב וְאֶבֶן יְקָרָה וַתָּבוֺא
אֶל־שְׁלֹמֹה וַתְּדַבֵּר עִמּוֺ אֵת
כָּל־אֲשֶׁר הָיָה עִמ־לְבָבָהּ׃
2Chron 9.2
וַיַּגֶּד־לָהּ שְׁלֹמֹה אֶת־כָּל־דְּבָרֶיהָ
וְלֹא־נֶעְלַם דָּבָר מִשְּׁלֹמֹה אֲשֶׁר
לֹא הִגִּיד לָהּ׃
2Chron 9.3
וַתֵּרֶא מַלְכַּת־שְׁבָא אֵת חָכְמַת
שְׁלֹמֹה וְהַבַּיִת אֲשֶׁר בָּנָה׃
2Chron 9.4
וּמַאֲכַל שֻׁלְחָנֺו וּמוֺשַׁב עֲבָדָיו
וּמַעֲמַד מְשָׁרְתָיו וּמַלְבּוּשֵׁיהֶם
וּמַשְׁקָיו וּמַלְבּוּשֵׁיהֶם וַעֲלִיָּתוֺ
אֲשֶׁר יַעֲלֶה בֵּית יְהוָה וְלֹא־הָיָה
עוֺד בָּהּ רוּחַ׃
2Chron 9.5
וַתֹּאמֶר אֶל־הַמֶּלֶך אֱמֶת הַדָּבָר
אֲשֶׁר שָׁמַעְתִּי בְּאַרְצִי עַל־דְּבָרֶיךָ
וְעַל־חָכְמָתֶךָ׃
2Chron 9.6
וְלֹא־הֶאֱמַנְתִּי לְדִבְרֵיהֶם עַד
אֲשֶׁר־בָּאתִי וַתִּרְאֶינָה עֵינַי
וְהִנֵּה לֹא הֻגַּד־לִי חֲצִי מַרְבִּית
חָכְמָתֶךָ יָסַפְתָּ עַל־הַשְּׁמוּעָה
אֲשֶׁר שָׁמָעְתִּי׃
2Chron 9.7
אַשְׁרֵי אֲנָשֶׁיךָ וְאַשְׁרֵי עֲבָדֶיךָ
אֵלֶּה הָעֹמְדִים לְפָנֶיךָ תָּמִיד
וְשֹׁמְעִים אֶת־חָכְמָתֶךָ׃
2Chron 9.8
יְהִי יְהוָה אֱלֹהֶיךָ בָּרוּך אֲשֶׁר
חָפֵץ בְּךָ לְתִתְּךָ עַל־כִּסְאוֺ
לְמֶלֶך לַיהוָה אֱלֹהֶיךָ בְּאַהֲבַת
אֱלֹהֶיךָ אֶת־יִשְׂרָאֵל לְהַעֲמִידוֺ
לְעוֺלָם וַיִּתֶּנְךָ עֲלֵיהֶם לְמֶלֶך
לַעֲשׂוֺת מִשְׁפָּט וּצְדָקָה׃
2Chron 9.9
וַתִּתֵּן לַמֶּלֶך מֵאָה וְעֶשְׂרִים
כִּכַּר זָהָב וּבְשָׂמִים לָרֹב מְאֹד
וְאֶבֶן יְקָרָה וְלֹא הָיָה כַּבֹּשֶׂם
הַהוּא אֲשֶׁר־נָתְנָה מַלְכַּ־שְׁבָא
לַמֶּלֶך שְׁלֹמֹה׃
2Chron 9.10
וְגַמ־עַבְדֵי 1 חִירָם 2 חוּרָם וְעַבְדֵי
שְׁלֹמֹה אֲשֶׁר־הֵבִיאוּ זָהָב מֵאוֺפִיר
הֵבִיאוּ עֲצֵי אַלְגּוּמִּים וְאֶבֶן
יְקָרָה׃
2Chron 9.11
וַיַּעַשׂ הַמֶּלֶך אֶת־עֲצֵי הָאַלְגּוּמִּים
מְסִלּוֺת לְבֵית־יְהוָה וּלְבֵית
הַמֶּלֶך וְכִנֺּרוֺת וּנְבָלִים לַשָּׁרִים
וְלֹא־נִרְאוּ כָהֵם לְפָים בְּאֶרֶץ
יְהוּדָה׃
2Chron 9.12
וְהַמֶּלֶך שְׁלֹמֹה נָתַן לְמַלְכַּת־שְׁבָא
אֶת־כָּל־חֶפְצָהּ אֲשֶׁר שָׁאָלָה מִלְּבַד
אֲשֶׁר־הֵבִיאָה אֶל־הַמֶּלֶך וַתַּהֲפֹך
וַתֵּלֶך לְאַרְץָ הִיא וַעֲבָדֶיהָ׃
ף
2Chron 9.13
וַיְהִי מִשְׁקַל הַזָּהָב אֲשֶׁר־בָּא
לִשְׁלֹמֹה בְּשָׁנָה אֶחָת שֵׁשׁ מֵאוֺת
וְשִׁשִּׁים וָשֵׁשׁ כִּכְּרֵי זָהָב׃
2Chron 9.14
לְבַד מֵאַנְשֵׁי הַתָּרִים וְהַסֹּחֲרִים
מְבִיאִים וְכָל־מַלְכֵי עֲרַב
וּפַחוֺת הָאָרֶץ מְבִיאִים זָהָב
וָכֶסֶף לִשְׁלֹמֹה׃
2Chron 9.15
וַיַּעַשׂ הַמֶּלֶך שְׁלֹמֹה מָאתַיִם
צִנָּה זָהָב שָׁחוּט שֵׁשׁ מֵאוֺת
זָהָב שָׁחוּט יַעֲלֶה עַל־הַצִּנָּה
הָאֶחָת׃
2Chron 9.16
וּשְׁלֹשׁ־מֵאוֺת מָגִנִּים זָהָב שָׁחוּט
שְׁלֹשׁ מֵאוֺת זָהָב יַעֲלֶה עַל־הַמָּגֵן
הָאֶחָת וַיִּתְּנֵם הַמֶּלֶך בְּבֵית
יַעַר הַלְּבָנֺון׃ֳ
2Chron 9.17
וַיַּעַשׂ הַמֶּלֶך כִּסֵּא־שֵׁן גָּדוֺל
וַיְצַפֵּהוּ זָהָב טָהוֺר׃
2Chron 9.18
וְשֵׁשׁ מַעֲלוֺת לַכִּסֵּא וְכֶבֶשׁ
בַּזָּהָב לַכִּסֵּא מָאֳחָזִים וְיָדוֺת
מִזֶּה וּמִזֶּה עַל־מְקוֺם הַשָּׁבֶת
וּשְׁנַיִם אֲרָיֺות עֹמְדִים אֵצֶלהַיָּדוֺת׃
2Chron 9.19
וּשְׁנֵים עָשָׂר אֲרָיֺות עֹמְדִים
שָׁם עַל־שֵׁשׁ הַמַּעֲלוֺת מִזֶּה וּמִזֶּה
לֹא־נַעֲשָׂה כֵן לְכָל־מַמְלָכָה׃
2Chron 9.20
וְכֹל כְּלֵי מַשְׁקֵה הַמֶּלֶך שְׁלֹמֹה
זָהָב וְכֹל כְּלֵי בֵּית־יַעַר הַלְּבָנֺון
זָהָב סָגוּר אֵין כֶּסֶף נֶחְשָׁב
בִּימֵי שְׁלֹמֹה לִמְאוּםָ׃
2Chron 9.21
כִּי־אֳנִיֺּות לַמֶּלֶך הֹלְכוֺת
תַּרְשִׁישׁ עִם עַבְדֵי חוּרָם אַחַת
לְשָׁלוֺשׁ שָׁנִים תָּבוֺאנָה אֳנִיֺּות
תַּרְשִׁישׁ נֺשְׂאוֺת זָהָב וָכֶסֶף
שֶׁנְהַבִּים וְקוֺפִים וְתוּכִּיִּים׃
ף
2Chron 9.22
וַיִּגְדַּל הַמֶּלֶך שְׁלֹמֹה מִכֹּל מַלְכֵי
הָאָרֶץ לְעֹשֶׁר וְחָכְמָה׃
2Chron 9.23
וְכֹל מַלְכֵי הָאָרֶץ מְבַקְשִׁים
אֶת־פְּנֵי שְׁלֹמֹה לִשְׁמֹעַ אֶת־חָכְמָתוֺ
אֲשֶׁר־נָתַן הָאֱלֹהִים בְּלִבּוֺ׃
2Chron 9.24
וְהֵם מְבִיאִים אִישׁ מִנְחָתוֺ
כְּלֵי כֶסֶף וּכְלֵי זָהָב וּשְׂלָמוֺת
נֵשֶׁק וּבְשָׂמִים סוּסִים וּפְרָדִים
דְּבַר־שָׁנָה בְּשָׁנָה׃ ף
2Chron 9.25
וַיְהִי לִשְׁלֹמֹה אַרְבַּעַת אֲלָפִים
אֻרְיֺות סוּסִים וּמַרְכָּבוֺת
וּשְׁנֵימ־עָשָׂר אֶלֶף פָּרָשִׁים וַיַּנִּיחֵם
בְּעָרֵי הָרֶכֶב וְעִמ־הַמֶּלֶך בִּירוּשָׁלִָם׃
2Chron 9.26
וַיְהִי מוֺשֵׁל בְּכָל־הַמְּלָכִים
מִנ־הַנָּהָר וְעַד־אֶרֶץ פְּלִשְׁתִּים
וְעַד גְּבוּל מִצְרָיִם׃
2Chron 9.27
וַיִּתֵּן הַמֶּלֶך אֶת־הַכֶּסֶף בִּירוּשָׁלִַם
כָּאֲבָנִים וְאֵת הָאֲרָזִים נָתַן
כַּשִּׁקְמִים אֲשֶׁר־בַּשְּׁפֵלָה לָרֹב׃
2Chron 9.28
וּמוֺצִיאִים סוּסִים מִמִּצְרַיִם
לִשְׁלֹמֹה וּמִכָּל־הָאֲרָצוֺת׃
2Chron 9.29
וּשְׁאָר דִּבְרֵי שְׁלֹמֹה הָרִאשֹׁנִים
וְהָאֲחֲרוֺנִים הֲלֹא־הֵם כְּתוּבִים
עַל־דִּבְרֵי נָתָן הַנָּבִיא וְעַל־נְבוּאַת
אֲחִיָּה הַשִּׁילוֺנִי וּבַחֲזֺות 1 יֶעְדִּי 2 יֶעְדּוֺ
הַחֹזֶה עַל־יָרָבְעָם בֶּנ־נְבָט׃
2Chron 9.30
וַיִּמְלֹך שְׁלֹמֹה בִירוּשָׁלִַם עַל־כָּל־יִשְׂרָאֵל
אַרְבָּעִים שָׁנָה׃
2Chron 9.31
וַיִּשְׁכַּב שְׁלֹמֹה עִמ־אֲבֹתָיו
וַיִּקְבְּרֻהוּ בְּעִיר דָּוִיד אָבִיו
וַיִּמְלֹך רְחַבְעָם בְּנֺו תַּחְתָּיו׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages