Ps 131
Ps 131
Ps 131.1
canticum graduum memento Domine David et omnis adflictionis eius
Ps 131.2
qui iuravit Domino votum vovit Deo Iacob
Ps 131.3
si intravero in tabernaculum domus meae si adsedero super lectum straminis mei
Ps 131.4
si dedero somnum oculis meis et palpebris dormitationem
Ps 131.5
donec inveniam locum Domino tabernacula Deo Iacob
Ps 131.6
ecce audivimus illum in Ephrata invenimus illum in regione saltus
Ps 131.7
intremus in tabernacula eius adoremus scabillum pedum eius
Ps 131.8
surge Domine in requiem tuam tu et arca fortitudinis tuae
Ps 131.9
sacerdotes tui induantur iustitia et sancti tui laudent
Ps 131.10
propter David servum tuum ne avertas faciem christi tui
Ps 131.11
iuravit Dominus David veritatem non avertetur ab ea de fructu ventris tui ponam super sedem tuam
Ps 131.12
si custodierint filii tui pactum meum et testificationem meam quam docuero eos et filii eorum usque in aeternum sedebunt super thronum tuum
Ps 131.13
quia elegit Dominus Sion desideravit eam in habitaculum suum
Ps 131.14
haec est requies mea in sempiternum hic habitabo quia desideravi eam
Ps 131.15
venationem eius benedicens benedicam pauperes eius saturabo pane
Ps 131.16
sacerdotes eius induam salutari et sancti eius laude laudabunt
Ps 131.17
ibi oriri faciam cornu David paravi lucernam christo meo
Ps 131.18
inimicos eius induam confusione super ipsum autem florebit sanctificatio eius
Arcanum Newspapers
See what the newspapers have said about this subject in the last 250 years!
Show me
