Ps 22 | Biblia (Vulgata editionis)

Ps 22

Ps 22

Ps 22.1

canticum David Dominus pascit me nihil mihi deerit

Ps 22.2

in pascuis herbarum adclinavit me super aquas refectionis enutrivit me

Ps 22.3

animam meam refecit duxit me per semitas iustitiae propter nomen suum

Ps 22.4

sed et si ambulavero in valle mortis non timebo malum quoniam tu mecum es virga tua et baculus tuus ipsa consolabuntur me

Ps 22.5

pones coram me mensam ex adverso hostium meorum inpinguasti oleo caput meum calix meus inebrians

Ps 22.6

sed et benignitas et misericordia subsequetur me omnibus diebus vitae meae et habitabo in domo Domini in longitudine dierum

See what the newspapers have said about this subject in the last 250 years!