Ps 28 | Biblia (Vulgata editionis)

Ps 28

Ps 28.1

canticum David adferte Domino filios arietum

Ps 28.2

adferte Domino gloriam et imperium adferte Domino gloriam nomini eius adorate Dominum in decore sancto

Ps 28.3

vox Domini super aquas Deus gloriae intonuit Dominus super aquas multas

Ps 28.4

vox Domini in fortitudine vox Domini in decore

Ps 28.5

vox Domini confringentis cedros et confringet Dominus cedros Libani

Ps 28.6

et disperget eas quasi vitulus Libani et Sarion quasi filius rinocerotis

Ps 28.7

vox Domini dividens flammas ignis

Ps 28.8

vox Domini parturire faciens desertum Cades

Ps 28.9

vox Domini obsetricans cervis et revelans saltus et in templo eius omnis loquetur gloriam

Ps 28.10

Dominus diluvium inhabitat et sedebit Dominus rex in aeternum

Ps 28.11

Dominus fortitudinem populo suo dabit Dominus benedicet populo suo in pace

See what the newspapers have said about this subject in the last 250 years!