Ps 31
Ps 31
Ps 31.1
David eruditi beatus cui dimissa est iniquitas et absconditum est peccatum
Ps 31.2
beatus homo cui non inputabit Dominus iniquitatem nec est in spiritu eius dolus
Ps 31.3
quia tacui adtrita sunt ossa mea in rugitu meo tota die
Ps 31.4
die enim et nocte gravatur super me manus tua versatus sum in miseria mea cum exardesceret messis iugiter
Ps 31.5
peccatum meum notum facio tibi et iniquitatem meam non abscondo dixi confitebor scelus meum Domino et tu dimisisti iniquitatem peccati mei semper
Ps 31.6
pro hoc orat omnis sanctus ad te tempus inveniens ut cum inundaverint aquae multae ad illum non accedant
Ps 31.7
tu es protectio mea ab hoste custodies me laus mea salvans circumdabis me semper
Ps 31.8
doceam te et monstrabo tibi viam per quam ambules cogitabo de te oculo meo
Ps 31.9
nolite fieri sicut equus et mulus quibus non est intellegentia in camo et freno maxillas eorum constringe qui non accedunt ad te
Ps 31.10
multi dolores impii confidentem autem in Domino misericordia circumdabit
Ps 31.11
laetamini in Domino et exultate iusti et laudate omnes recti corde
Arcanum Newspapers
See what the newspapers have said about this subject in the last 250 years!
Show me
