Ps 35 | Biblia (Vulgata editionis)

Ps 35

Ps 35.1

pro victoria servi Domini David

Ps 35.2

dixit scelus impii in medio cordis eius non esse timorem Dei ante oculos eius

Ps 35.3

quia dolose egit adversum eum in oculis suis ut inveniret iniquitatem eius ad odiendum

Ps 35.4

verba oris eius iniquitas et dolus cessavit cogitare benefacere

Ps 35.5

iniquitatem cogitat in cubili suo stabit in via non bona malum non abiciet

Ps 35.6

Domine in caelo misericordia tua fides tua usque ad nubes

Ps 35.7

iustitia tua quasi montes Domine iudicium tuum abyssus multa homines et iumenta salvos facies Domine

Ps 35.8

quam pretiosa est misericordia tua Domine et filii Adam in umbra alarum tuarum sperabunt

Ps 35.9

inebriabuntur de pinguidine domus tuae et torrente deliciarum tuarum potabis eos

Ps 35.10

quoniam tecum est fons vitae in lumine tuo videbimus lumen

Ps 35.11

adtrahe misericordiam tuam scientibus te et iustitiam tuam rectis corde

Ps 35.12

ne veniat mihi pes superbiae et manus impiorum non me commoveat

Ps 35.13

ibi ceciderunt operantes iniquitatem expulsi sunt et non potuerunt surgere

See what the newspapers have said about this subject in the last 250 years!