Ps 38
Ps 38
Ps 38.1
pro victoria Idithun canticum David
Ps 38.2
dixi custodiam vias meas ne peccem in lingua mea custodiam os meum silentio donec est impius contra me
Ps 38.3
obmutui silentio tacui de bono et dolor meus conturbatus est
Ps 38.4
incaluit cor meum in medio mei in meditatione mea incensus sum igni
Ps 38.5
locutus sum lingua mea ostende mihi Domine finem meum et mensuram dierum meorum quae sit ut sciam quid mihi desit
Ps 38.6
ecce breves posuisti dies meos et vita mea quasi non sit in conspectu tuo omnia enim vanitas omnis homo stans semper
Ps 38.7
tantum in imagine ambulat homo tantum frustra turbatur congregat et ignorat cui dimittat ea
Ps 38.8
nunc ergo quid expecto Domine praestolatio mea tu es
Ps 38.9
ab omnibus iniquitatibus meis libera me obprobrium stulto ne ponas me
Ps 38.10
obmutui non aperiam os meum quia tu fecisti
Ps 38.11
tolle a me plagas tuas
Ps 38.12
a contentione manus tuae ego consumptus sum in increpationibus pro iniquitate corripuisti virum et posuisti quasi tineam desiderabilia eius verumtamen vanitas omnis homo semper
Ps 38.13
audi orationem meam Domine et clamorem meum exaudi ad lacrimam meam ne obsurdescas quia advena ego sum apud te et peregrinus sicut omnes patres mei
Ps 38.14
parce mihi ut rideam antequam vadam et non subsistam
Arcanum Newspapers
See what the newspapers have said about this subject in the last 250 years!
Show me
